2 KORINTUS 7:6 - PERJANJIAN BARU NALCA YUBA

⁶ Bok, Imik Neyung adya alda nimi malya dan nim ek ganya hekellilisilnya bedya, nuk dara, Titus benyek anyagan bo yokaʾ nong adya, nunja ganya hekom husuk.

2 KORINTUS 7:6 ပူးပေါင်းရင်းမြစ်များ

MATIUS 5:4

Igin ganya bolomak nim era, Imik Neyung adya sikenek ganya sangab eleganesil bok anasa, pe ulumak!

YOHANES 14:16

”Nadyaʾ neyung bek molowanya dara, ugunuk yok arasinya eleganesil. Ugunublaboka sobaʾ ulululumaʾ aboka, ban aralemnesilnya bera dib yub ulumla Geisinya ek eleganesil.

ROMA 15:5

Dara al Imik Neyung ganya goulunaʾ damok ab, ganya sangallinaʾ damok ab eleklesilnya bedya, ugunda Kristus Yesus senelamlaʾ sunuwoka balalum sok, pe ganya kwebdangoka ugunuk eleklesulul.

2 KORINTUS 7:13

Wera anadya, nunja ganya anaba hek elegosulum. Onoʾ ugunja Titus bek ganya hek elegolumaʾ adya, nunjaʾ anaba nauba eiya dabsuk.

2 KORINTUS 7:14

Nadyaʾ anaba Titus bek Korintus nim era hyak pe ulumak aboka gigilesisinya nera, yoka danganaʾ orok adya, alya ubnenggubnyok. Nunja nidyaʾ ugunuk dib ok lelemouba sok, onoʾ nunja sikda anaso ulumak aboka Titus bek sibamaʾ adya ok neklemouba bok, ok ab dara, dib gigiwal.

2 KORINTUS 7:7

Dara, nuk ganya heksukaʾ ara, Titus be anyagan yokaʾ adya ok gom, alda ugunja alak hek elegolumaʾ adya numba ganya heksuk. Alja dara, ugunja nab hyak eibdeisibya senelelumaʾ anyek, alda nak neknyok. Anya hnonda ugunja angoo senelelumaʾ ara, onoʾ nak mala dolonulumaʾ anasa, hyak nauba so eiya dabnyok.

PILIPI 2:1

Ugunda Kristus ab neikaʾ kwebdangoka ululumaʾ adya, migibaʾ eleklesil de? Kristus adya ugunuk wanaʾ ulusilaʾ adya ganya hekel eleklesil de? Ugunda Imik Neyung Geisinya ablaboka ganya kwebdangoka ulumabaʾ ella ululum de? Angoo yadyek ganya ugunuk ara nauba ulusil de?

1 TESALONIKA 3:2

nunja hem be Timotius bera ugunuk boksunum. Alda Imik Neyung amba wa nub neikaʾ Kristus amba perob lero yanggan yuba neikaʾ welemabnya bek ulumla. Nunda Timotius benyek ugunuk bilom aboka boknamaʾ ara, alja ugunuk pe unuwanalum aboka wenewoka bo uboka, Kristus anyek dib ganya ologoka ulululumaʾ aboka, al adya ganya migibaʾ geblemnesil aboka bokonam.