2 KORINTUS 7:4 - PERJANJIAN BARU NALCA YUBA

⁴ Nara ugunda pe unulumnemakaʾ anyaʾ senelesin. Nara ugunuk nauba gigilesin. Nunda yok-yok igin edya kweboka ol neblesil bok, ugunja unaʾ edya, ganya hekel eleklenulum. Anya nadya ganya era, anadya nauba eiya dablenel!

2 KORINTUS 7:4 ပူးပေါင်းရင်းမြစ်များ

RASUL 5:41

Dara, yuba doboka lelemek nang era, Yesus si amba leboka olosak, yokaʾ unulusak ara, perob aboka eiya daboka, yuba sanaʾ gak nang ek ab goboka bilimek.

ROMA 5:3

Anya nenyek ok gom. Alda nunda ganya igina daboka unaʾ ara, ganya gouluwoka unaʾ damoka bo lanalamlaʾ ara, seleb ella ulumabaʾ anasa, nunda nunja ganya okna dablesilaʾ anaba bolboloklemab.

1 KORINTUS 1:4

Ugunda Yesus Kristus pik uboka, Imik Neyung adya wanaʾ uboka eleksinaʾ seleb dolumaʾ anasa, ugunsamba leboka Imik Neyung gibel yaban dara, Imik Neyung ak perob aboka mololamna.

2 KORINTUS 1:4

Nunuk nidyaʾ yokaʾ-yokaʾ igina kwelesilaʾ ak ab, Imik Neyung adya ganya hekellilisilaʾ adya, ban ganya heknaʾ enedya, nimi yok nim igina kwelesil nim ek, sikja igina kwelesilaʾ nidyaʾ ak, nunda ganya heknaʾ gebnokaʾ aboka nuk eleklesil.

2 KORINTUS 10:8

Imik Neyung adya migib eleklesilaʾ ara, ugunuk ganya nauba nelelulaʾ aboka eleklesil, bok ganya malya nenewanokaʾ aboka eleknenggulusil. Anasa, nuk eleklesil migib ek ara, nara hnon nonggo henesinya dara, alya ubnenggununel.

2 KORINTUS 11:21

Bok nuk dara, unurubnya nek ara, hmeng so uboka unuwanggumsaʾ adya, alya ulunel. Bok, yok nim edya yokaʾ ak nonggo heneseng dara, nababya or asaʾ ganya boboka unuwanasinya! (Nara dongdang anaʾ anya beneso bok lebna.)

2 KORINTUS 2:14

Bok nunda Imik Neyung ak perob aboka sobaʾ giblemab! Al Imik Neyung welemlaʾ adya nuk sam ara, Kristus pik uboka yokaʾ-yokaʾ ak hmenga nenewoka ollamaklamab. Onoʾ alda nu pik uboka alak ella dangan gen-gen songaʾ anasoʾ ak, mok soko me nidyaʾ olleleklamla.

2 KORINTUS 3:12

Wera nunda nenyek unu dib senelemabnya nenedya, wera ban enera yuba asaʾ ganya boboka lelemab.

2 KORINTUS 7:14

Nadyaʾ anaba Titus bek Korintus nim era hyak pe ulumak aboka gigilesisinya nera, yoka danganaʾ orok adya, alya ubnenggubnyok. Nunja nidyaʾ ugunuk dib ok lelemouba sok, onoʾ nunja sikda anaso ulumak aboka Titus bek sibamaʾ adya ok neklemouba bok, ok ab dara, dib gigiwal.

2 KORINTUS 8:24

Nunja ugunsamba sikda anaso pe unulumak aboka gigilisabnya nera hnon, ugunja dib wanaʾ usinaʾ hnon, yok-yok Imik Neyung yuba donaʾ nimi gangganek anaba, ban winilya nang ak amalemnelum.

PILIPI 1:14

Nak henga gouboka beibnyekaʾ adya, wera yok Imik Neyung mab era, asaʾ ganya bob sounuwoka, lok ganya orokaʾ anyek, Imik Neyung adya yub era lero yabalamak.

PILIPI 1:20

Nadya dara, nadya nong ok meknewanya danyek alya ubnelyek senewoka nauba seinilamna. Nadya seinilenanya nera, al wene salek eneba, nadya nonga ganya gekman asaʾ ganya boboka, nara embengaʾ ulumnyaʾ gom, somogamnyaʾ gom ara, Kristus si anyek imik dolul senelamna.

PILIPI 1:26

Ban nenesa leboka, ugunuk yanya dara, nasamba leboka Yesus Kristus bek bekoka hyak nauba eiya dablemnesil.

PILIPI 2:17

Nak dara, oboka dibnenyak dara, nadya eneng era ugunja Imik Neyung ak dib senelumaʾ adya, alak giboka perob eleknaʾ elegolumaʾ ak maknamna dara, nenesemba leboka Imik Neyung ak perob aboka giblamnakanya, nab ugunub perob senewanamab.

KOLOSE 1:24

Anasa, nara wera ugunsamba leboka, igina dolomna dara, eiya dablenel. Wera, Kristus nong amba, alja yuba donaʾ nim emba leboka, alja nong enyek, igin kweboka buluk loboknya nera, nak an gigilamla.

1 TESALONIKA 2:19

Ugun nong anyek, nunjaʾ ganya nebom anaʾ dibaʾ uboka, eiya dabnaʾ dibaʾ ululum. Anasa wera, Wenelesilnya Kristus yanamla sum era, ugunuk danyek nunjaʾ perob bonaʾ dibaʾ danalumaʾ ak ululum!

1 TESALONIKA 2:2

Nunda anam Tesalonika heikek yanggumouba salek era, men dara Pilipi heikek ulumouba salek enyek, nim ara nuk derelesik, olosikaʾ ara, ugunda ella ululum. Nimi nauba nuk ara lek aboka lelesik bok, Imik Neyung adyaʾ asaʾ ganya elegosukaʾ adya, ugunuk perob lero yanggan yuba lelesuba.

2 TESALONIKA 1:4

Anya wera, ban unululumnya nenesa leboka, nunda yok Imik Neyung yub donaʾ nim ek kemero yabanek ab, ugunuk nekoka, sikda anaso unu yuba dib senewoka unulumak aboka nekdo yabalesab. Ugunuk nong ak dara, yokaʾ-yokaʾ damok igina kweboka, nauba gweklelum bokaʾ anyek babya, Kristus ak ganya kweboka dib dololumaʾ ara dib mel-mel alamlaʾ anasa, unulumak aboka nekdo yabalemab.

PILEMON 1:7

Hem Pilemon o, anja nidyaʾ yok Imik Neyung mab ek wanaʾ ulusilimaʾ adya, wera nadya ganya heklenelekanya, naba anaso unuweisinya ganya nauba bolomna! Munaʾ Imik Neyung mabo nidyaʾ anja nong unaʾ enesa leboka, hyak nidyaʾ anak ara, ei-ei ganya bolonjak.

YAKOBUS 1:2

Hemyabo nim o, ugunuk yokaʾ-yokaʾ damok adya nauba sunulusil dara, ban ara perobaʾ ak ulusil senewoka pe eiya daboka ulululum.