2 KORINTUS 7:10 - PERJANJIAN BARU NALCA YUBA

¹⁰ Anasa, Imik Neyung adya perob senelamlaʾ angoo senen ganya bolomakaʾ ara, nimi ganya danganaʾ nenewoka, onoʾ nimi blebsinaʾ dangalamla. Dara, nim ara ganya en lanalamlaʾ amba dara, solom ganya bonggulumak. Bok, alda nimi soko nimi ganya adya ok, angoo senelemak dara, wera nenedya nimi somoknaʾ damoka lanalamla.

2 KORINTUS 7:10 ပူးပေါင်းရင်းမြစ်များ

MATIUS 26:75

Danyek Petrus bera Yesus adya alak men, ”Anda ayam yuba ngoubnenggumlya salek, nak sondaʾ amba li winilya bobnenewoka lebnenelem,” wenyamok ak gigiwal senewok. Dara alda goboka yibuukanya, nauba soloma daboka hyak goukduk-goukduka engewok.

LUKAS 15:10

Ugunda hyak dib senewanalum! Anasonya neikek, nimi malya unaʾanya ben hnon ganya dangalamla dara, Imik Neyung lero nang eneba unu eiya hlaboka glolomak!” hyok.

LUKAS 18:13

Bok mok soko amba rupiah molowoka dolomoknya bera, alda mok sam sekoka, imik sam kemel weiningnaʾ anaba loboka, saraʾ sibuka obdangoka lero mololemokja, Wei Imik Neyung o, nak malya unaʾanya bek an angoo yadyek senewoka arawanelom e, aboka mololemok,” hyok.

RASUL 11:18

Wera Yerusalem heikek ulumek Imik Neyung mab era ban yuba kemek dara, Petrus bek anda meknelelam aboka yuba lolowanggumek. Dara sikda Imik Neyung ak perob aboka giboka lelemekja, ”Yahudi nimi yuba donaʾ orok nim eneba Imik Neyung adya sikja malya unaʾ pik ab ganya dangawoka embengaʾ unaʾ dib dobnok aboka li eleklesil anasa, perob,” wenyaboka Imik Neyung bek giboka lelemek.

RASUL 3:19

Wera anasa, ugunja malya unaʾ Imik Neyung adya lublul aboka, ugunja malya unaʾ ak ab ganya dangawoka saaboka, Imik Neyung ak yoululum.

2 KORINTUS 12:21

Nara ugunuk an kemel yeisinya sum era, Imik Neyung adya ugun gangganek sokok nenewanelyek aboka, lok ganya bolomnaʾ ara, hnonda ugun gangganek youmaʾ unulum malya unaʾ enyek, gela salawoka, heng kemenaʾ malya dangalamla malya unaʾ unuwoka, meilinya unulumnya nenyek, eibkweboka ganya dangawanggumunaʾ anyek eiyiwoka, igin ganya bobnyek aboka, lok ganya bolomna.

2 KORINTUS 7:9

Dara, nara perob seneweisinaʾ nong ara, ugunja ganya angoo senewoulumaʾ amba ok gom, alda ugunja angoo senewoulum ganya enedya, ugunja ganya dangalumaʾ anasa, eiya dablenel. Ugunda Imik Neyung adya anaso unu bobnok senelamla solom ganya boblumaʾ adya, nunja unusubnya nera ugunuk malya nenewanggusuba.

IBRANI 12:17

Dara ugunda ella ululumaʾ ara, Esau bera eimik era alda hyak nauba engewoka elemokaʾ anyek babya, alja meknenaʾ era or pe memewolul senewoka hnon eleknaʾ orok adya, ban perobaʾ misaʾ ara dobnenggubuk.