2 KORINTUS 5:8 - PERJANJIAN BARU NALCA YUBA

⁸ Wera anasa, nunda ganya migib ulumabakanya, nunda Wenelesilnya ab neikaʾ ulunob senen ganya boboka, wen ulumab nong enera lobsibya senelemab.

2 KORINTUS 5:8 ပူးပေါင်းရင်းမြစ်များ

MATIUS 25:21

Dara wa damnya bera, an unumoknya wa pe bojam welemoknya bek an lebokaʾ ara, Anda hyak pewolum! Anda meknya neneba pe bojam welelamaʾ anasa, wera naubenya neneba or anak welemnelam aboka lebnenggen. Anya, nadyaʾ ek sam yamenekanya, nab neikaʾ denaʾ pe dero ulumnenam! hyok.”

MATIUS 25:23

Dara wa damnya bedya benyek an, Anda hyak pewolum. Anda nadya wa pe bojam uboka wenya bek ululam. Anda meknya nek bojam welelamaʾ anasa, wera nadya anak senenggomnya nek welemnelam aboka lebnenggen. Anya, nadyaʾ ek sam yamenekanya, nab neikaʾ denaʾ pe dero ulumnenam! hyok.

LUKAS 2:29

”Anasa wera Wenelesilimnya Imik Neyung o, anja wa wenanya bera, anja yuba lelemlaʾ sunuwoka, or pe ganya senenya loboka bindiwoululaʾ aboka or senewanalam.

YOHANES 12:26

Heknedya nak aralenelnya bera, or nak diriga yeiniboka, na ulumnyaʾ ak anaba, alba anyagan ulumnamla. Nak arawoka welelanya bera, nadyaʾ neyung bedya gigiwanamla.

YOHANES 14:3

Dara, nara biniboka ugunsamba e seleb sobgogoweisinya dara, na ulumnaʾ ak sam ugumba ulululumaʾ aboka, nara saaboka el yeisinyekanya, na ulumnaʾ ak bo binisin.

YOHANES 17:24

”Neyung o, anja nak elegenulum nang edya, soko anam uyiwanggom danyek, men orowek anja nak wanaʾ ulunulumaʾ anasa, wera si imik nenenaʾ elegenulumaʾ anyek, sikda na ulumnyaʾ ak ulumeijekanya, nak si imik nenenaʾ anyek, sikba eibnokaʾ aboka mololamna.

RASUL 21:13

Bok Paulus bedya lebok ara, ”Ugunda nenera hekasa engelelum adya, nadya ganya soldol meneklenulum do? lemok. Nara Yerusalem heikek ab salawoka henga gereganenok aboka ok bununaʾ aboka unggulumna. Alda Wenelesilnya Yesus si amba leboka somogonun aboka ulumna,” hyok.

2 KORINTUS 5:6

Wera ban nenesa leboka, nunja ganya sobaʾ ara, migiba dangalasil. Nunda sokok an nong ak ulumab salek era, Wenelesilnya beb imik heikek anam neikaʾ unggulumab ara, ella ulumab.

2 KORINTUS 5:9

Nunda sokok an ulumab salek gom, imik heikek ulumnemab salek gom, ara Imik Neyung ganya anyek perobaʾ nenel eleklenob senewoka dulumab.

1 YOHANES 3:2

Nadya wanaʾ ulusin hemyabo nim o, nunda wenera Imik Neyung mab ulumab bok, eimik ek dara, hekaʾ huboka ulumnemabaʾ ara, okoka laga danganggulumla. Bok Kristus anyek eimik yanamla dara, alja nong yokaʾ nong ak eibnamabaʾ anasa, nunda also danamab anyek hnonok, ella ulumab.

WAHYU 22:3

Anya, si malya nenewanamsoʾ digumaʾ ara, hyak mekaʾ sibin anaba hnon unggulumnamla. Imik Neyung ab, domba me ab dadya, bun ekla bunaʾ era, heik lom enyek an ulumnamlakanya, Imik Neyung bedya alja mabo era, alak gibdo ulumnemak.