2 KORINTUS 5:1 - PERJANJIAN BARU NALCA YUBA

¹ Nunda seleb ella ulumabaʾ ara, nunja e nera, nera nunja nong enyek, nu sokok an ulumab e nera golowanamla dara, nimi soruk adya songgulumak e nera, Imik Neyung adya solomlaʾ sobaʾ ulumnamla e nenyek, imik heikek Imik Neyung adya seleb sobsuk.

2 KORINTUS 5:1 ပူးပေါင်းရင်းမြစ်များ

MARKUS 14:58

”Nunja kemoubaʾ ara, ban benedya wenyalamokja, Nara Imik Neyung e, ban nim adya solomeknya nera, golowanamnakanya, nimi soruk adya songgulumaknya nenyek, lika winilya ok sobnamna,” wenyalamok aboka miniwek.

RASUL 7:48

Bok, Imik Neyung migibaʾ senenggomaʾ ululanya bera, alda nimi solomak ek sam unggulumla. Nenesa leboka, ununumnaʾ lelemek nang bukuk sam momnya dobok an:

1 KORINTUS 3:9

Nunda Imik Neyung amba neik wa welemab nang ulumab. Ugun nong ak dara, Imik Neyung adya alja wa soko yokaʾ anaso ululum. Dara onoʾ, ugunda Imik Neyung alja e ululum.

2 KORINTUS 4:7

Bok ban geisa perobaʾ ara, nu soko adya uyisuk nimi nong lomok bolomab. Wera an unulumabnya nera, senenggom migib era nuk an unggulumla, alda Imik Neyung ak ulumlaʾ anyek laga dolulaʾ aboka ulumab.

2 KORINTUS 5:4

Nunda sokok ek an anam ulumab nim ek dara, yokaʾ-yokaʾ adya igina kwelesilaʾ anasa leboka, angoo aboka lelemab. Nunja somoknaʾ nong enyek dara, anyagan loboka, embengaʾ ulmoubnaʾ nong enyek ongoweisibyaʾ aboka, soko an nong enyek gwiriwanamab ganya ek lenggulumab bok, alda imik nong enyek ongoweisibyaʾ senen lelemab.

KOLOSE 2:11

Onoʾ hnonda al pik ab uboka, ugunda ugunja bolaʾ garawousuk ara, nim adya garalesak soknya nenyek unuwanggubsuk. Alda Kristus adya garalasilnya nenyek unuwousuk ara, wera malya unaʾ nong an gwiriwoka loblum an.

2 TIMOTIUS 1:12

Ban nenesa leboka, wera nara an yokaʾ-yokaʾ igina kwelenel. Bok heknyek dib senemsaʾ ara, nara dib ella ulumnaʾ anasa, angoo senenggulumna. Nadya banyek dib senelamnaʾ ara, alja nak welelom aboka lobongganyok wa nera, onoʾ welemnyaʾ ak an alja diri bo ulumlyaʾ moruwoka soko sidyaʾ daknamla sum unuro lobnamla senewoka, dib senelamna.

IBRANI 11:10

Anasa alda pe gasaʾ adya yangawoka son heikek, Imik Neyung adya seiniwoka sobnamla heik senewoka ganya gouluwoka diri ulumok.

IBRANI 9:11

Bok Kristus ara eimik yanamlaʾ perob yub emba, yuba wa gakaʾ dubnya benesoʾ ak seleb yok. Dara, alda luboka son e hyak naubukanya, munaʾ perobnya, nimi soruk adya songgulumaknya, nera an uyiwokaʾ ak ara unggululanya nera, seleb uru yibuk.

IBRANI 9:24

Anasa Kristus ara, nim adya munaʾ solomekaʾ dibaʾ imik heikek ulumoknya sununaʾ amba solomeknya nek weknenggubuk bok, alda imik heikek Imik Neyung ak nuk pen danasa, wekel byuk.

1 PETRUS 1:4

Anasa, Imik Neyung adya alja mab emba imik heikek beillilesil bonaʾ era blonaʾ loboka goowoka denghenggunumla, mura bongowanggunumla bonaʾ enyek, nunjaʾ danamla senewoka diri ulumab.

2 PETRUS 3:11

Anasa, yokaʾ-yokaʾ nidyaʾ anyek anaso ura denghenemla anasa, ugunuk dara, hekaʾ huboka goʾ ubnemab senelelum do? Ugun nong ara, Imik Neyung amba ok munaʾ gobdo geisa ganya boboka ulululum.

1 YOHANES 3:14

Alda nunja ella ulumabnya nera, nunda somoknaʾ damok ok ab ara goubuka, embengaʾ unaʾ damok ok sam yeilimoubnya hnonok, ella ulumab. Nunda ban nen ella ulumabaʾ ara, nun kabo nim ek wanaʾ ulumabaʾ adya, anara ella ulumab. Wanaʾ unggulusilnya bera, wera weneba alda somoknaʾ lomok or anam ulumla.

1 YOHANES 3:19

Wera ban nenedya nuk dara, Imik Neyung alja mab ulumakaʾ ara ella uboka, onoʾ ban nenedya danyek Imik Neyung saramek ara, nunda pe ganya daboka ulumab.

1 YOHANES 3:2

Nadya wanaʾ ulusin hemyabo nim o, nunda wenera Imik Neyung mab ulumab bok, eimik ek dara, hekaʾ huboka ulumnemabaʾ ara, okoka laga danganggulumla. Bok Kristus anyek eimik yanamla dara, alja nong yokaʾ nong ak eibnamabaʾ anasa, nunda also danamab anyek hnonok, ella ulumab.