2 KORINTUS 4:6 - PERJANJIAN BARU NALCA YUBA

⁶ Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

2 KORINTUS 4:6 ပူးပေါင်းရင်းမြစ်များ

LUKAS 10:22

”Yokaʾ-yokaʾ nidyaʾ ara neyung bedya nak lebnyok. Nimi nidyaʾ ara me ak ara elgom ulumak bok, neyung anak ok hnonok ella ulunelem. Nim adya dara, anak elgom ulunjak bok, anja me nedya danyek, hnonok ella ulunggen. Anya hek nim ek, me nenedya neyung bera ban aboka neksin nang edyaʾ anaba ella ulunjak,” hyok.

YOHANES 1:14

Yub ara soko nimi nong dangamookanya, wanaʾ uboka eleksinaʾ hnon, dib yub hnon, alak deknewoka, nun gangganek ulumok. Dara, alak imik nenemok nong senedyaʾ migib era, Imik Neyung alja hnonok me ulumokaʾ adya nong senedyaʾ eiyimouba.

YOHANES 11:40

Wera, Yesus adya Maria gek, ”Nara anak seleb wenyanggenaʾ ara, anda nak dib senewananelem dara, Imik Neyung adyaʾ lok soʾ senenggomaʾ unuwanamlaʾ ara eibnelam, wenyamna do?” hyok.

YOHANES 12:41

Yesus ak imik nenemokaʾ anyek eiyiboka, Yesaya ara Yesus amba yuba lelemookanya, ban nidyaʾ ara men lelemok.

RASUL 26:18

Anja adya nimi yok soko nang edya sikja henga baknesilimeekanya, onoʾ sikenek gunaʾ ak ab ara doboka bo yeiniboka, dilinaʾ ak sam bo weknesilim. Anja adya, Satan migib adya lobaʾ nenelesilaʾ ak ab ara doboka, Imik Neyung migib arasinaʾ ak sam dangiyiwanesilim. Wera danyek, sikja malya unaʾ an memelesil, onoʾ sikda nak dib senenyekaʾ adya, Imik Neyung amba munaʾ gobdo un nimi danamak, anyok,” hyok.

1 KORINTUS 12:8

Dara nimi ben hnonda Geisinya bedya yuba geremsengaʾ salalulaʾ aboka, wa wenaʾ damok eleklamla. Nimi hnonda al neik Geisinya bedya, pe ella dangoka yuba lelelulaʾ aboka, wa wenaʾ en damok eleklamla.

2 KORINTUS 2:10

Ugunuk an malya ubsilinya bek, ugunja meewanalum dara, nababya neikek unulamna. Wera heknyek unulamnaʾ ara, ugunuk meewanalum danasa, Kristus saramek sam ab anara unulamna.

2 KORINTUS 3:18

Wenyek dara, nunja hogung goulusinaʾ ara hnon unggulumlakanya, nunja Wenelesilnya bedya senenggom dilinaʾ nim ek yeblemab. Yeblemabakanya, nunda sob-sobaʾ also nenebgiga balasil. Dara, ban dilinaʾ en yeblemab ara, Wenelesilnya bek ab yalamlakanya, Wenelesilnya bera Geisinya be an ulusil.

2 KORINTUS 4:4

Sokok an malya unaʾ gakaʾ ululanya bedya, yuba dib senenggulumak nimi ganya ibel leblesil. Wera an bisaʾ dubnya benedya, Kristus bera Imik Neyung sununaʾ anedya, Kristus si imik nenen yuba dilinaʾ heng eibijek aboka, heng luma nenelesil.

EPESUS 1:17

Hyak senenggomaʾ imik ululanya Imik Neyung ara, nunjaʾ Wenelesilnya Yesus Kristus aljaʾ Imik Neyung bedya, ugunuk yokaʾ-yokaʾ elegosululaʾ aboka mololesin. Imik Neyung ak olowoka pe ella dolulumaʾ aboka, geremseng un ganya hnon, ella dangan ganya hnon, ugunuk elegousululaʾ aboka mololesin.

EPESUS 1:18

Ugunja ganya dilinaʾ ubsilyikanya, Imik Neyung adya ugun youbsuk nang ek perobaʾ dobnemunaʾ anyek, pe ella dololumaʾ aboka mololesin. Imik Neyung adya alja munaʾ Imik Neyung mab amba perob eleknaʾ nauba beillilesilaʾ alja si imik nenenaʾ anyek ella dololumaʾ aboka mololesin.

EPESUS 5:8

Ugunda men dara, gunaʾ lomok ululum bok, wera Imik Neyung mabo dangalum dara, dilinaʾ dangalum. Anasa wera, dilinaʾ lomok sam uru yabalemnalum.

PILIPI 2:6

Kristus ara al ulumokaʾ ak dara, Imik Neyung dibaʾ ulumok bok, Imik Neyung ulumnaʾ anara sobaʾ ulunun ganya ok bobnenggumok.

KOLOSE 1:15

Alda Kristus ara, Imik Neyung laga eilinggulumaknya bedya sununaʾ ulumla. Anya yokaʾ-yokaʾ uyiwok ak ab dara, alda hyak nonoknaʾ nongnya ulumla.

1 TESALONIKA 2:12

Nunja ugunuk pe unuwolulumaʾ aboka wenewoka, ugunda Imik Neyung ak anyek pe ganya hekel eleklelulumaʾ aboka, dukaʾ lolom-lolom alasub dara, hnonda wenewoka unuwanalum alamouba. Anasa ban leboka Imik Neyung ara alja perob heikek wekoka, alja unulamla ununaʾ era, ugumba unuwolulumaʾ aboka youbsuk.

IBRANI 1:3

Imik Neyung adyaʾ hyak imik senenggom dilinaʾ era, me al nong ulumla. Imik Neyung nonga laga unaʾ dibaʾ ara, Yesus adya unaʾ pik an ulumla. Wera sokok sam ab imik sam hnon nidyaʾ ulumlaʾ amba dara, alda migib yub adya akwaʾ doboka bo ulumla. Yesus ara soko nim emba malya unaʾ ak ab seleb perobaʾ nenebgogowok dara, Imik Neyung hyak imik ululanya beb neikaʾ imik heikek sam nimi wenewoka bo usin ekla bunaʾ ak sam bukok.

IBRANI 6:4

Anasa, sikja ganya ara seleb dilinaʾ lomok ulumeekanya, imik ab eleksinaʾ hnon doboka, Geisinya adya hnon domekjok,

1 PETRUS 1:12

Imik Neyung adya ununumnaʾ lelemek nang ek ara, ugunsamba leldanggululum, alda eimik ulumnemak nim emba lelelum aboka nekesuk. Anara ugun wen an Imik Neyung yuba len nang ek ab, Yesus Kristus amba yuba kelelumaʾ anyek lelesik. Sikja ugunuk lero yalasikaʾ ara, Imik Neyung Geisinya adya, imik heikek abaʾ ara, eleklesilaʾ anyek ugunuk lelesak. Dara, lero nang edyaʾ anaba, sikja lelesak yub era ella danob senewoka dulumak.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.

2 PETRUS 1:19

Ban nong anyek eiyiwoka, Imik Neyung adyaʾ nidyaʾ ununumnaʾ lelemek nang edya lemekaʾ ara gobdo dib senelemab. Dara, ban yub era, wesaʾ ak gunaʾ ak yeblamlaʾ anaso ulumlaʾ anasa, ugunja ganya lomok ara heng anam dorogol yabanaʾ anaso uboka, onoʾ yali sam ololaʾ anam yebnenggulumla salek enyek, ugunda ban wesaʾ enyek an pe keeboka sunuwoka ulumnelum aboka lebsin.