2 KORINTUS 4:16 - PERJANJIAN BARU NALCA YUBA

¹⁶ Ban anasa, nunda okna bar aboka hmeng ganya boboka unggulumab. Aldib nunja eilibik bokaʾ ak dara, blobgiga balalabok, ganya lomok ak dara, li sob-soba migib nenebgiga balasil.

2 KORINTUS 4:16 ပူးပေါင်းရင်းမြစ်များ

LUKAS 11:3

Lika sob-sobaʾ nunja denaʾ denemeibyaʾ ara eleklesilom.

ROMA 12:2

Anasa ugunda sokok anyeb ganya uruma neikso danganaʾ ara mem. Alda ugunda har nerek perobnya, malyinya senelemnelumukanya, Imik Neyung adya senelelanya, hyak perob nongaʾ, Imik Neyung adya ganya heklamlakanya, hyak gobdo perobnya nenyek, wenyek perob seiniwoka ella unaʾ edya samab meneganalum.

ROMA 7:22

Anara nadyaʾ ganya lomok ara, Imik Neyung adya unuwanalum an yub enyek hyak perob senelamna adya.

1 KORINTUS 15:58

Hemyabo nadya wanaʾ ulusin nim o, anasa wera, ugunda ganya kaboka migibaʾ anyek ulululum. Ugunja Wenelesilnya bemba nidyaʾ welelum wa nera, salyaʾ lelem danggunusil anasa, ugunda Wenelesilnya bemba yeiriwoka welelulum.

2 KORINTUS 12:15

Nadya ganya doboka yokaʾ-yokaʾ ara, ugunsamba leboka, nadyinya orok nenewoka dolomnakanya, na nong anaba malyaʾ neneldalamna. Nadya ugunuk nauba wanaʾ ulusin bok dara, ugunja dara, nak ara mek wanaʾ ubnenesom de?

2 KORINTUS 4:1

Imik Neyung adya nuk angoo yadyek senewoka namen ubsukaʾ adya, ban wa nenera doboka welemab. Nenesa leboka, nunda okna bar aboka hmeng ganya bonggulumab.

EPESUS 3:16

Ugunda Kristus ak dib senelelumaʾ adya, Kristus enyek ugunjaʾ ganya lomok ulusululaʾ aboka, Imik Neyung ara senenggomaʾ ulumlaʾ anyek sunuwoka, alja Geisinya bedya, ugunja ganya lomok migibaʾ nenewosulul senen ganya boboka mololesin. Ugunja nong unaʾ era wanaʾ unaʾ adya ok oulyanga lokoka goluwoka bo uboka,

EPESUS 4:23

Ugunja ganya eb, anyek unuwanamna senen ganya wenyoknya perobnya nok bobnobaʾ aboka doblum.

TITUS 3:5

Alda nuk blebsukaʾ ara, nunja alak perobaʾ ak unumouba amba blebnenggubsuk bok, alda alja men nuk angoo yadyek senewoka arasinaʾ adya ok blebsuk. Imik Neyung Geisinya adya dib embengaʾ damok ab, penya beilinaʾ ab dara, nuk elegoka mek elegosukaʾ adya blebsuk.

1 PETRUS 3:4

Bok saawoka, alda ugunuk goubenya ubnelumaʾ ara ban: ugun goubenya ubnamna senen ganya era, ugunjaʾ ganya lomok anyek namen uboka, dogom aboka pe ulunun senen ganya, ugunjaʾ ganya lomok ab, Imik Neyung adya nenyek perob senelamlaʾ anasa, ugunja perob neneldanaʾ ara an.

1 PETRUS 4:14

Ugunda Kristus adya diriga ban nim ululumaʾ amba leboka yok nim edya walasak dara, wera anara Kristus adyaʾ Geisinya imik ululanya, Imik Neyung Geisinya bera ugunuk an seleb ulusil beknaʾ ulumlaʾ anasa, pe ululum.