2 KORINTUS 3:9 - PERJANJIAN BARU NALCA YUBA

⁹ Nimi somoknaʾ bo lanalamla unuwanalum an yub enyek babya, senenggom dilinaʾ yebemok dara, eimik nim ak peldisinaʾ elegousukaʾ amba dara, hyak senenggom dilinaʾ ak ulumla.

2 KORINTUS 3:9 ပူးပေါင်းရင်းမြစ်များ

ROMA 4:11

Dara, alda anam bolaʾ garawanggumek bok, alja ganya dib senenaʾ adya alak perobaʾ nenemokaʾ ara, seleb ulumokaʾ anasa, ban bolaʾ garanaʾ ara, beknaʾ dibaʾ momnya donaʾ ak dib denenaʾ anasoʾ ak ara, dobok. Wera anasa, alda nimi nidyaʾ bolaʾ garasinaʾ orok dib senelemak nang edya sikjaʾ neyung be dok, anedya ban perobaʾ nenesinaʾ ara sikbabya dobnok aboka unuwok.

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

1 KORINTUS 15:41

Henga dingilamla senedyaʾ era, onoʾ yok so bok, walaʾ ak dara, yok so yeblamla. Guraʾ ara gong-gong dilinaʾ yeblamlaʾ anaba, hogunga yok-yokaʾ ak ulumla. Dara, guraʾ anaba gong adya sik moumen anaba, senedyaʾ yok-yok sikba ulumakaʾ gigiro yeblemak.

2 KORINTUS 3:8

Imik Neyung Geisinya adya dib embengaʾ eleklesil wa wenaʾ era, wera hyak senenggom dilinaʾ nong enyek yeb goluwoka elegousukaʾ ak ulumla.

2 KORINTUS 5:21

Kristus pik uboka, nuk Imik Neyung alja peldisinaʾ danokaʾ aboka, Kristus ara malya unaʾ elgomnya benyek, Imik Neyung adya Kristus ara nunsamba leboka malya unaʾanya nenemok.

GALATIA 3:10

Nimi nidyaʾ unuwanalum an yub ek sunuwoka unulumak nim era, seleb weil malyaʾ gloksukaʾ ak ulumak. Imik Neyung yuba bukuk ara, ”Wera hyak nidyaʾ unuwanalum an yub ek momnya dobokaʾ ununggulumak nimi nidyaʾ ara, Imik Neyung adya seleb weil malyaʾ gloksuk,” alamla.

PILIPI 3:9

Anya aldib nara Kristus lomok ulunun senewoka unumsa. Nara Imik Neyung ak ganya kwebdonumaʾ ara, nadya ganya doboka nim adya unuwanalum an yub eboka dobnenggubsa. Wera nara Imik Neyung ab perobaʾ lebdangoka ulunamaʾ ara, nara Kristus ak dib senemsaʾ adya ulumna. Anasa ban unu Imik Neyung ab kwebdangoka jong ulumak unaʾ era, Yesus Kristus ak dib senelemakaʾ nong adya ok dangalamla.

2 PETRUS 1:1

Yesus Kristus ara nunjaʾ Imik Neyung uboka, blebsinaʾ dubnya ulumlakanya, alda perob nenenaʾ edya dib blebsuk. Dara, nuk dib blebsinaʾ elegosuk sok, ugun hnon ban dib senenaʾ dolum nim ek momnya donaʾ en beibsin. Ban momnya donaʾ enera, Yesus Kristus adya wa arawoka yuba lenaʾ gaknya Simon Petrus bedya ugunsamba beibsin.