2 KORINTUS 3:6 - PERJANJIAN BARU NALCA YUBA

⁶ Imik Neyung adya nadya wenyok ugunub dibaʾ wenyaldan yuba wa pe webnelum aboka migibaʾ nuk elegosuk. Ban wenyok yub era, momnya dobokaʾ ak unggululabok, alda ganya ak ulumla. Dara momnya dorob yub era somogollilisil bok, ganya ak yub era embengaʾ eleklesil.

2 KORINTUS 3:6 ပူးပေါင်းရင်းမြစ်များ

MATIUS 13:52

Dara onoʾ Yesus adya hnon lebokaʾ ara, ”Al nenesa aboka, nimi nidyaʾ yuba neksin nimi bok, Imik Neyung adya wenelemnesilaʾ ak ella dangamek nim era, e damnya benyek alja wenyok bonaʾ ab, youmaʾ bonaʾ ab, beilinaʾ ek ab doboka beiyik sam laga bo yalalanya benesoʾ ak ulumak,” hyok.

MATIUS 26:28

Ban eneng enera, Imik Neyung adya nimi nauba blebnamlakanya, sikja malya unaʾ era sikenek ab sobaʾ memelemnesil amokaʾ ara an.

MARKUS 14:24

Anya alda sikenek, ”Nadya eneng era ban, Imik Neyung adya unubdanamab aboka wenyamok eneng era, nimi nauba amba yeksin.

LUKAS 22:20

Anaso neikek seleb debgogowek dara, meka gweboka beiyimokaʾ ara neikaʾ delemek nang sikenek lebokja, ”Ban mek enedya wenyok unuwanamna anaʾ era pik mourunaʾ dibaʾ yarawal. Nadya eneng edya, mek eneng enera ugunsamba leboka yeksin,” hyok.

YOHANES 5:21

Anasa wera, neyung beneba somogamna nim embengaʾ bukiyiboka sikenek embengaʾ unaʾ eleklesil sok, alja me neneba neikso, nadya embengaʾ elegonun senewan nim ek embengaʾ eleklesil.

YOHANES 6:63

Embengaʾ ulmoubnaʾ dibaʾ ara Imik Neyung Geisinya adya eleklesil. Nimi nonga migib ara nera salyaʾ nong anasa, nadya ugunuk lelesin yub era, ganya ak anasa, sikda embengaʾ ulumak.

ROMA 1:5

Dara al si pik ab uboka, nunda wanaʾ uboka eleksinaʾ ab, yuba lenaʾ gak wa dara, nidyaʾ yok-yok mok soko nim era yub ak ganya dib donaʾ pik uboka pe keboka, sikda alja si nek aldib senewanok aboka dobub.

ROMA 3:20

Anasa wera, Yahudi nim emba unuwanalum an yub pik ab uboka, nimi nidyaʾ ara, Imik Neyung saramek ara, nimi hnonok sibin anaba, perobaʾ nenenaʾ orok. Oruksin yub era, malya unaʾ ak pe ella nonga danok aboka ok ulumla.

ROMA 4:15

Wera nimek wema dabnaʾ ara, oruksin yub edya lanaldilimla. Bok, hanyegarek unuwanalum an yuba unggulumlaʾ ak ara, wera anyeganera, meknenaʾ anaba unggulumla.

ROMA 4:17

Nera an momnya dobokaʾ ak ulumla sok, ”Nadya anda an nang yilaʾ yok-yok mok soko ulumeija ara, nunjaʾ neyung alamnenjak.” Wera ban Abraham bera, Imik Neyung ak dib senemok. Dara, Imik Neyung adya ganya era, nuk ara, sikja neyung bera an senelamla. Wera ban Imik Neyung era, somogamna nang embengaʾ nenelesilnya, anya alja yub adyok unggulumlaʾ ara ulumlaʾ nenelelanya.

ROMA 7:6

Bok wenera nuk ganagosuknya bemba, nunda alsamba seleb somogokaʾ anasa, nunda unuwanalum an yub ak seleb blebsuk. Wera anasa, nunda wenera wenyoknya nera Geisinya bek sunuwoka welemabakanya, youmaʾanya oruknaʾ yuba momnya domoknya nek sunuwoka wenggulumab.

ROMA 8:2

Dara Kristus Yesus pik uboka, unuwanalum an yub edya embengaʾ unaʾ eleklesil Geisinya damok migib adya, ugunda malya unaʾ damok ab, somoknaʾ damok ab, seleb lob lobsuk.

1 KORINTUS 11:25

Neikso, seleb debgogomek dara, mek hmeiya doboka lebokja, ”Ban mek hmeiya era, nadya eneng ek anasa, wenyek wenyaldan yuba beknaʾ era an. Ugunda ban beknaʾ meka delemun dara, nak beklenumunukanya, delemnelum.”

1 KORINTUS 12:28

Anasonya neikik, Imik Neyung yuba donaʾ nim emba dara, Imik Neyung adya orowek men ellaʾ gigiro gegewoka sekiyimok. Men Imik Neyung yuba lenaʾ gak nang, penenya nera ununumnaʾ len nang, winilinya nera neksin nang, dara sikda yokaʾ-yokaʾ migibaʾ unuro yabalemek nang, dara nimi merellisin damba hnon, yok aran damba hnon, yok nanga bo usin danasa hnon, onoʾ dagalongnaʾ ara, yok-yok yuba san damba hnon, sekiyisuk.

1 KORINTUS 15:45

Nenesa Imik Neyung yub ek momnya dobokaʾ ara, ”Men uyimoknya bera, nera Adam benyek, embengaʾ ul eininaʾ men youbuka dangamok.” Bok sidyaʾ nong Adam bera, nim embengaʾ ganya eleklesilnya bek an ulumla.

1 KORINTUS 3:10

Imik Neyung adya nak wanaʾ uboka eleksinaʾ edya wera, nara e sonya beneso uboka, nadya men e igimsaʾ ak ara, yok nanga makoka solomak. Bok, nimi nidyaʾ ara, nadya egomnaʾ igimsa ak, hekaʾ huboka sobnamna do senewoka pe kendenemso.

1 KORINTUS 3:5

Dib nong ara, Paulus bera heknya do? Onoʾ Apolos bera heknya do? Nunda welenamnya nenyek, ban adya dib senelum bok, nunda Imik Neyung adya alja wa arawoka, welenam nang ok ulunam. Nunda or Wenelesilnya bedya ban wa nenyek welerurum aboka, elegesukaʾ ok welenam.

2 KORINTUS 11:23

Sikda Kristus adya wa wen nang ulumak de? (Nara lobaʾ oronanya benesoʾ anyek lebnamna.) Nak danyek, Kristus adya wa wenaʾ nongnya ulumna! Nara Kristus wa yeiriwoka hyak nauba so welemna, anasemba leboka liga gong henga gouboka beillilenyek, hnonda sobaʾ saboka olonyek dara, liga gong somogeisinyaʾ ak elelloblonyok.

2 KORINTUS 3:14

Israeli nim era, sikja ganya seleb ong ibsuk. Dara onoʾ wenebabya, sikda youmaʾ wenyaldanaʾ yuba anam einilimak salek eneba, hogung goulunaʾ anaso anam sikja ganya ak ulusil. Kristus pik uboka adya ok, ban goulunaʾ era gloklamla.

2 KORINTUS 3:3

Ugun nong ak dara, nunda ugunsamba welemoubukanya, ugunda Kristus bedya momnya donaʾ ululumaʾ ara, yok nim ek laga amalasulum. Bolpen adya momnya dobnenggubsuk bok, alda Imik Neyung embengaʾ ululanya alja Geisinya bedya momnya dobsukaʾ ara, girik lagasaʾ ak dobnenggubsuk bok, alda nimi ganya ek momnya dobsuk.

2 KORINTUS 3:7

Sagobadya unuwanalum an yub era, nimi somoknaʾ yuba bok, momnya dorob girik lagasaʾ ak doboka elegosuk sum era, Imik Neyung adya senenggom dilinaʾ era, Musa bedyaʾ hogung ak hyak senenggomaʾ anyek yebemok. Wera Israeli nim edya dara, Musa bedyaʾ hogung ak an yebemok dilinaʾ domenya edya, men heng kemenaʾ lomek bok, ban dilinaʾ era mek danggiga balamok. Dara, nimi somoknaʾ damok unuwanalum an yub enyek, senenggom dilinaʾ edya yeb goluwoka elegousuk bok,

2 KORINTUS 3:9

Nimi somoknaʾ bo lanalamla unuwanalum an yub enyek babya, senenggom dilinaʾ yebemok dara, eimik nim ak peldisinaʾ elegousukaʾ amba dara, hyak senenggom dilinaʾ ak ulumla.

GALATIA 3:21

Wera anaso anasa, Imik Neyung adya eleganesin amokaʾ ara, yok so bok, unuwanalum an yub era, onoʾ yok so adya ol gokoldalarak de? Nera hyak unggulumla! Unuwanalum an yub era, nim embeng unaʾ elegesuso dara, unuwanalum an yuba pik uboka, nim Imik Neyung hogung ak pewalam anaʾ dibaʾ danamso.

EPESUS 2:1

Ugunda youmaʾ dara, ugunja meknenaʾ malya unaʾ lomok ululumaʾ adya, ganya ak dara, seleb somogolum bok ululum.

EPESUS 2:5

wera nunda meknelemouba salek era, ganya ara seleb somogouba ak sam anam ulumouba bok, Imik Neyung adya nub Kristus ab neikaʾ embengaʾ suboka bukiyiwosuk. Dara, Imik Neyung ganya anyek hyak perob nong adya ok, alja wanaʾ uboka eleksinaʾ adya ugun nong ara seleb blebsuk.

EPESUS 3:7

Imik Neyung adya nak wanaʾ uboka eleksinaʾ eleganyokaʾ ara, perob lero yanggan yuba lel elekna wa nek hnonok eleganyok. Nara wa nen eleganyokaʾ dobsaʾ ara, Imik Neyung migiba nadya nong lomok ono welenel migib pik eleganyokaʾ ak, yuba len wa nera dobsa.

1 TIMOTIUS 4:6

Ban nidyaʾ lelenanya nenyek, nunja hemyabo yuba dolomak nim ek, pe neklesimen dara, wera anda Yesus Kristus adya perob wa wenya dangamenaʾ adya ulumenja. Onoʾ nunja dib senelemabnya, Imik Neyung bedya alja yub edya, anja ganya ek lulungaʾ hmobdangoka anja wen an neklenjakaʾ doboka ululam yub ek an, sunuwoka ulumen dara, perob wa wenya ulumenja.

2 TIMOTIUS 1:11

Ban wenyaboka perob lero yanggan yuba lero yaban damba, Imik Neyung adya nak yuba lenaʾ gaknya hnon, yuba neksinya hnon, jaboka sekiyinyok.

IBRANI 12:24

anya wenyok yuba bo yanggannya Yesus bek ab, dara Habel bedya eneng era hmeng so, alda hyak yeiriwoka migibaʾ salamla enenga, lobol goulusin eneng ek sam, seleb youlum.

IBRANI 13:20

Dara namenaʾ pe unaʾ eleklesil Imik Neyung era, embengaʾ eleganasin amok eneng pik uboka, domba pam senenggom dubnya, nunjaʾ Wenelesilnya Yesus ara somoknaʾ ak ab saawoka bo yoknya bedya,

IBRANI 7:22

Wera an unuwoka, Yesus nong ara yok eleganesin an yub ek ab dara, beknaʾ unuwanesilaʾ gebdok.

IBRANI 8:13

Imik Neyung adya unuwanalum an yuba wen eleganesin alamlaʾ adya, youmaʾ men elegesuknya nera dolbaleka dok. Anya, an dolbaleka dangalalanya yamennya nera, denghenemla salek era, oka danggiga balamla.

1 PETRUS 3:18

Anasa leboka, Kristus ara lika hnonok ugunja malya unaʾ amba aboka, malya unggulumoknya benyek malya unaʾ nim emba aboka somogok. Kristus adya ban unuwoknya nera, anadya ugun nong anyek doboka Imik Neyung ak bo busununaʾ aboka ubok. Alda nong bokaʾ ak salyaʾ obek bok, subokaʾ ak dara, ganya ak suboka bukok.

1 YOHANES 1:1

Ban yub enyek nidyaʾ ara, nim embengaʾ unaʾ eleklesil yuba men youmaʾ ek moruwoka ulumokaʾ anyek momnya dobab. Nunja o kemoubukanya, heng eiyimouba. Nunja seleb okoka eiyiwoka onoʾ nunja soruk edya seleb salamouba.