2 KORINTUS 3:12 - PERJANJIAN BARU NALCA YUBA

¹² Wera nunda nenyek unu dib senelemabnya nenedya, wera ban enera yuba asaʾ ganya boboka lelemab.

2 KORINTUS 3:12 ပူးပေါင်းရင်းမြစ်များ

YOHANES 10:24

Ban sum enyek, Yahudi nang era Yesus ak aknel ganagal yeiniboka, ”Anda nuk lobaʾ nenelesilimaʾ ara hek sum lobnesilim do?” aboka heibek. ”Anasa wera, anda aldib Kristus nimi blebsinaʾ dubnya ulumen bok dara, nara alan aldib ulumna aboka or laga poboka leblom,” hyek.

YOHANES 16:25

”Wen ugunuk wenyalasinya nera okoka poboka, gak ara an aboka lenggulusin bok, eimik yanamla sum era, nadyaʾ neyung bek ban men lelesinya loboka, poboka laga lebnesin.

YOHANES 16:29

Dara, alja yuba doro diriga ban nang edya Yesus ak, ”Wenelesilimnya o, yokaʾ-yokaʾ nidyaʾ ara bob nenewoka lenaʾ loboka, wera poboka lelam.

RASUL 14:3

Dara, Paulus beb, Barnabas beb dara, Ikonium heikek ara liga nauba so mandewoka ubdarek. Wera ulurek ab dara, hyak asaʾ ganya boboka, Wenelesilnya bedya yuba nauba lelerek. Wera Wenelesilnya bedya anaba, nadya wanaʾ uboka eleksinaʾ yub ara, dib ulumla ella danokaʾ aboka, lok so beknaʾ ab, senenggom lok so ununaʾ ab, elegesuk.

RASUL 4:13

Dara, nimi nauba henga gereksin ek yuba sabnobaʾ aboka longomek nim era, Petrus beb Yohanes beb, sikja asaʾ nong anyek yuba saboka, sikda sekolah hnon nauba donaʾ orok bok, nauba pe lelerek eiyimek dara, hyak loka nauba dasuk. Dara wera, sik penya dara, Yesus yuba doro diriga balarek nang era alan senewoka, bekoka ella dangamek.

RASUL 9:27

Wera onoʾ eimik Barnabas bedya Saulus bek yeiniboka, Saulus eboka bobok dara, Yesus yuba lenaʾ gak nang ek bo biniboka amasuk. Dara Barnabas bedya Saulus bera hekaʾ anaso uboka Wenelesilnya bek eibookanya, onoʾ hekaʾ huboka Wenelesilnya bedya alak lemok ara sikenek nekesuk. Wera onoʾ Barnabas al Saulus hyak asaʾ nong anyek, Damsyik heikek Imik Neyung si nimi yok nang ek lel eleklesuk anyek sikenek nekesuk.

RASUL 9:29

Dara Saulus bera, Yahudi nang bok, Yunani yuba salamek nang eb, neikaʾ yuba heibdangoka, onoʾ sabdangdang balameekanya, sikda Saulus bek obnemab senen ganya boboka dulumek.

1 KORINTUS 14:19

nara nim Imik Neyung yuba donaʾ nim longowoka dolomakaʾ ak ara, yuba lebnesinya dara, yuba deng sal-salyaʾ yok-yok yuba gong sanaʾ loboka, yuba doka sirika lambadya ok, nim ella danameijinya nenyek aboka, lebnesisinya.

2 KORINTUS 10:1

Wera na, Paulus bedya ugunuk yokaʾ unuwanalum gom aboka lebnamna. Ugunub neikaʾ ok ubna dara, namenaʾ ulumna bok, naba yok mok sam ubna dara, asaʾ ganya boboka wenyalasil alanyak. Hnon yok nim era, sokok an ununaʾ enyek perob senelemak nim era nuk wensenelesak. Anasa, ban nim enyek asaʾ ganya boboka alamaʾ lebnesin bok, nara ugunuk yanya danyek, anaso wenyhesinyek aboka, wenyok nara Kristus adya namen ganya pik uboka lelesin.

2 KORINTUS 3:11

Or anam denghenemok yub enyek babya, dilinaʾ nauba yeblamla senemek dara, hyak dibaʾ ulumnamla yub era, hyak nauba senenggom dilinaʾ yeblamla senewanemak.

2 KORINTUS 4:13

Imik Neyung yuba bukuk sam ara, ”Nara dib senemsaʾ anasa, nara yuba lemsa,” alamla. Wera an unu neik ganya bolomabaʾ adya, nunda dib senelemabaʾ anasa, wenyaboka lelemab.

2 KORINTUS 7:4

Nara ugunda pe unulumnemakaʾ anyaʾ senelesin. Nara ugunuk nauba gigilesin. Nunda yok-yok igin edya kweboka ol neblesil bok, ugunja unaʾ edya, ganya hekel eleklenulum. Anya nadya ganya era, anadya nauba eiya dablenel!

PILIPI 1:14

Nak henga gouboka beibnyekaʾ adya, wera yok Imik Neyung mab era, asaʾ ganya bob sounuwoka, lok ganya orokaʾ anyek, Imik Neyung adya yub era lero yabalamak.

PILIPI 1:20

Nadya dara, nadya nong ok meknewanya danyek alya ubnelyek senewoka nauba seinilamna. Nadya seinilenanya nera, al wene salek eneba, nadya nonga ganya gekman asaʾ ganya boboka, nara embengaʾ ulumnyaʾ gom, somogamnyaʾ gom ara, Kristus si anyek imik dolul senelamna.

KOLOSE 4:4

Onoʾ nara wenyhenesinyaʾ sunuwoka, pe laga leboka neklesunun aboka, mololonululum.

1 TESALONIKA 2:2

Nunda anam Tesalonika heikek yanggumouba salek era, men dara Pilipi heikek ulumouba salek enyek, nim ara nuk derelesik, olosikaʾ ara, ugunda ella ululum. Nimi nauba nuk ara lek aboka lelesik bok, Imik Neyung adyaʾ asaʾ ganya elegosukaʾ adya, ugunuk perob lero yanggan yuba lelesuba.

1 TIMOTIUS 3:13

Arasin nang era, yuba dolomak nim ek, pe arawoka welemnemak dara, yok nim edya pelemak aboka, sikja si imik nenewoka, sikja Yesus Kristus ak dib senelemakaʾ ara nauba gokoka laga lero balamnamak.

PILEMON 1:8

Anasa wera nenesa leboka, nunda Kristus bek dib senelemab nang ek anasa, nadya ban nenyek or unuwalom aboka oruganenggisinya bok,