2 KORINTUS 3:1 - PERJANJIAN BARU NALCA YUBA

¹ Nunda onoʾ hnon gigibdanobaʾ aboka leb einimab de? Nunja dara, yok nim unulumak sok, ugunuk gom, ugunuk ab gom, wa nen pe welelanya an momnya donaʾ bobnesibya de?

2 KORINTUS 3:1 ပူးပေါင်းရင်းမြစ်များ

RASUL 18:27

Wera danyek, Apolos bedya dara, Akhaya moka binimna senen ganya bobok. Wera anasa leboka, alja hemyab edya or binilam wenyaboka, Akhaya diriga ban nang ek sam, ugunda Apolos yanggalya dara, doro diblulum aboka momnya donaʾ beiyimek. Wera Apolos bera seleb Akhaya moka byuk dara, alja nimi nauba Imik Neyung adya wanaʾ uboka arasuk adya yuba dib senewoka domek nang ek ara nauba arasuk.

ROMA 16:1

Nara ugunuk molowoka wenyhenesinaʾ ara, nunjaʾ hem ge Febe, Kengkrea sam yuba donaʾ nim emba wa welemla gel genyek, ugunda pe arawoka ulumnelum.

1 KORINTUS 10:33

Ugunda naba ulumna sok, ugumba unu ulululum. Nara nak pewonululaʾ aboka ununggulumna. Alda yok nim enyek, yokaʾ-yokaʾ nidyaʾ ak ganya sangillilisununaʾ aboka ulumna. Ban nadya nidyaʾ unulunanya nera, nimi nidyaʾ blebsululaʾ aboka ulumna.

1 KORINTUS 16:3

Wera nak ugunuk seleb yanya sum era, ugunja or humun nang enyek, rupiah bolowoka beibekaʾ bo bululumaʾ aboka, orugoka bokol binisin. Dara, rupiah Yerusalem heikek bo binokaʾ aboka, beknaʾ dib bo yak an momnya donaʾ weboka eleganesin.

1 KORINTUS 3:10

Imik Neyung adya nak wanaʾ uboka eleksinaʾ edya wera, nara e sonya beneso uboka, nadya men e igimsaʾ ak ara, yok nanga makoka solomak. Bok, nimi nidyaʾ ara, nadya egomnaʾ igimsa ak, hekaʾ huboka sobnamna do senewoka pe kendenemso.

1 KORINTUS 4:15

Kristus yuba donaʾ nim ululumukanya, ugunuk yuba neksin nang era, denga salyaʾ ulusiseng bok, ugunjaʾ neyung bera gong danggunuseng. Na Paulus ben nong anyek, Kristus Yesus adyaʾ perob lero yanggan yub elegeisisaʾ adya, ugunja neyung be dangoka unya nok ulumna.

2 KORINTUS 10:12

Nunda perob aboka nonggo aldalamak nim ek, neikaʾ maknenggunusibya. Onoʾ sikja ununaʾ hnon, nunja ununaʾ hnon, anaso-anaso aboka webnenggunusibya. Sikda sik nong ara, anaso nang ek ulumab aboka sunubdangoka, sik nong anyek nunda hekaʾ anasoʾ ak ulumab aboka makaldalamak. Dara sikda ban unuldalamaknya nenedya dongdang alamak.

2 KORINTUS 10:18

Nim adya, gigildalalanya bera, aldib pe ulumla gomaʾ, bok Imik Neyung adya gigilamla nim ek hnonok aldib pe ulumla.

2 KORINTUS 10:8

Imik Neyung adya migib eleklesilaʾ ara, ugunuk ganya nauba nelelulaʾ aboka eleklesil, bok ganya malya nenewanokaʾ aboka eleknenggulusil. Anasa, nuk eleklesil migib ek ara, nara hnon nonggo henesinya dara, alya ubnenggununel.

2 KORINTUS 12:11

Nak dara, hyak salyaʾ anya ulunabok, yokaʾ-yokaʾ pe ununaʾ ak sam amba dara, senenggom yuba lenaʾ gak nang eneba sikda senenggomaʾ bok, nak dara mekaʾ sirikaʾ ak ara, hnon unggulumla. Ban neneso leboka, ugunja nak ara pelemla senewoka gigiwananesom bok, ugunda unuwanggunulumaʾ adya, nara dongdang anaʾ anya beneso dangalamna.

2 KORINTUS 12:19

Ugunja dara, ban nidyaʾ lelemakaʾ ara, meknenggulumab senewoka, mala doldalamak senelesulum. Bok, nunja nidyaʾ ugunuk an lelemabnya nera, Kristus lomok uboka nenyek lelesabaʾ ara, Imik Neyung hogung ak lelemab. Nadya wanaʾ ulusin nim o, ban nidyaʾ unulumabnya nera, ugunja yuba dib senenaʾ nong anyek, gobdo migib dosululaʾ aboka ulusab.

2 KORINTUS 2:17

Nimi nauba yok nim edya Imik Neyung yuba lero yabanaʾ ara, deknaʾ dobnobaʾ aboka welemak so nang ek, nunda ununggulumab. Nunda Imik Neyung adya wa nera welemnelum aboka elegousukaʾ anasa, nunja lero yabalamabaʾ ara, geisa ganya adya welemab. Nunda Imik Neyung yuba lelemabaʾ ara, Kristus lomok uboka, Imik Neyung saramek uboka lelemab.

2 KORINTUS 5:12

Ban wenhyabnya nera, ugunja nuk gigiwousululumaʾ aboka lebnenggubab. Nimi ganya lomok ununaʾ anyek loboka, alda nimi hogung anyek perob senewoka kemelemak nim ek, ugunja yuba sabnemunaʾ ara, nuk perob senelesulumnya nek sablulumaʾ aboka, neklesab.