2 KORINTUS 2:3 - PERJANJIAN BARU NALCA YUBA

³ Wera anasa nak ara, ganya hek elegananesom nim edya, nak soloma nenewonumunuk aboka, anaso seinimna yub era, an momnya doboka beibsisa. Nadya ganya eiya dabnenel dara, sikja ganya eneba eiya dabnesil senewoka ubsa.

2 KORINTUS 2:3 ပူးပေါင်းရင်းမြစ်များ

1 KORINTUS 4:21

Anasa wenera, ugunja perob senemunya nenyek, nunda nenyek henelum. Ugunja dara, nara yeiriwoka yuba gasa einiwoka nekel yosulul senelelum gom, alda ugunuk wanaʾ ganya uboka, namenaʾ anyek pe nekel yosulul senelelum gom?

2 KORINTUS 1:15

Ban unu dib senenaʾ enedya, nara men ugunuk kemel yanasin senemsaʾ ara, anadya perob eleknaʾ li penenya dobnelum senemsa bok, nara lanab lobsa.

2 KORINTUS 1:23

Nara Korintus heik yanggubsaʾ ara, ugunja ganya soloma neneweisinyek aboka ubsaʾ ara, nadya unu seiniwasenya neneba, Imik Neyung ara ella ulunel.

2 KORINTUS 12:11

Nak dara, hyak salyaʾ anya ulunabok, yokaʾ-yokaʾ pe ununaʾ ak sam amba dara, senenggom yuba lenaʾ gak nang eneba sikda senenggomaʾ bok, nak dara mekaʾ sirikaʾ ak ara, hnon unggulumla. Ban neneso leboka, ugunja nak ara pelemla senewoka gigiwananesom bok, ugunda unuwanggunulumaʾ adya, nara dongdang anaʾ anya beneso dangalamna.

2 KORINTUS 12:21

Nara ugunuk an kemel yeisinya sum era, Imik Neyung adya ugun gangganek sokok nenewanelyek aboka, lok ganya bolomnaʾ ara, hnonda ugun gangganek youmaʾ unulum malya unaʾ enyek, gela salawoka, heng kemenaʾ malya dangalamla malya unaʾ unuwoka, meilinya unulumnya nenyek, eibkweboka ganya dangawanggumunaʾ anyek eiyiwoka, igin ganya bobnyek aboka, lok ganya bolomna.

2 KORINTUS 13:10

Imik Neyung adya nak an eleganyok migib era, nimi malya nenelelulaʾ aboka eleganggubnyok bok, alda perobaʾ nenelelulaʾ aboka eleganyokaʾ anasa, wera na yanamna sum era, Imik Neyung adya pe unuwolululaʾ aboka eleklenel migiba doboka, gasaʾ anyek dukaʾ lolom-lolom hisinyek aboka, ban momnya donaʾ enera, nara ugun gangganek an unaʾ orok salek men beibsin.

2 KORINTUS 2:9

Wera ugunja dara, yokaʾ-yokaʾ nidyaʾ pe keboka unulumakaʾ ara ella doununaʾ aboka, nara sene sunusinaʾ dibaʾ momnya doboka beibsisa.

2 KORINTUS 7:12

Anasa, nara ugunuk momnya donaʾ beibsa bok, ban malya unulumoknya nenesa beibnenggubsa, onoʾ ban malya unaʾ enedya igina kweboka gweklemek nim enesa beibnenggubsa. Nara momnya doboka beibsisaʾ ara, ugunja nuk wanaʾ uboka aran ganya ugun dam nang ek laga dosululaʾ aboka beibsisa.

2 KORINTUS 7:16

Ugunda yokaʾ-yokaʾ nidyaʾ ara, pe unulumnamakaʾ anyaʾ senelesinikanya, nara nauba eiya dablenel.

2 KORINTUS 7:6

Bok, Imik Neyung adya alda nimi malya dan nim ek ganya hekellilisilnya bedya, nuk dara, Titus benyek anyagan bo yokaʾ nong adya, nunja ganya hekom husuk.

2 KORINTUS 7:8

Nadya momnya doboka beibsisaʾ adya, ugunja ganya soloma neneweisisa. Men dara, angoo salya umsa senemsa bok, wenera wensenenggulumna. Ban momnya doboka beibsisaʾ adya, ugunja ganya soloma neneweisisaʾ ara, or seʾ amba ok ubsisaʾ ak eibsa.

2 KORINTUS 8:22

Titus beb yoknya beb yanggerijaʾ ak ara, onoʾ nunjaʾ hembe yoknya be hnon makoka neikaʾ bokol yasab. Nunda alak, li gong wa elegemouba dara, aldib yeng ganya boboka pe welemlaʾ eillilimab. Alja dara, ugunuk ara pelemakaʾ eillilisilaʾ adya, wenyek dara, nauba so yeng ganya bolosil.

GALATIA 5:10

Nunja Wenelesilnya bedya bo ulusilaʾ anasa, nunja nekesuba yub ek ara, loboka yokok sam ganya beibnemakaʾ anyaʾ senenggulusin. Bok, alda ugunuk anyek malya nenewousunun senewoka ululanya bera, alak an igina yanamla.

2 TESALONIKA 3:4

Hnonda ugun nong anyek, nunja Imik Neyung lomok uboka, aldib sikda nunja ban unulumnelum aboka orugosubaʾ ara, wen hnon unulumakaʾ ara, onoʾ eimik hnon unulumnumakaʾ anyaʾ senelesab.

PILEMON 1:21

Ban momnya donaʾ en anak beibgenaʾ ara, nadya unuwanalam aboka molowagenya nera, al or unuwanamlaʾ ara ella ulumnakanya momnya doboka beibgen. Orokaʾ anaba wenyanaʾ oroknya neneba nauba unub lolowanamlaʾ anyaʾ aboka ubna.