2 KORINTUS 13:3 - PERJANJIAN BARU NALCA YUBA

³ Ugunda Kristus ara nak pik uboka yuba salamlaʾ ara, ugunda beknaʾ enyek eibnobaʾ aboka ululumaʾ anasa, neksin. Kristus adya ugunuk unulusilaʾ ara, alda hmeng unggulusil bok, ugun hnoum migib uboka welesil.

2 KORINTUS 13:3 ပူးပေါင်းရင်းမြစ်များ

MATIUS 10:20

Anasa ban unuwanasak salek enyek yuba sabnelumnya nera, ugunja sibamaʾ adya sabnelum bok, neyung imik heikek ululanya alja Geisinya adya ugunuk uboka yuba sabnamla,” hyok.

LUKAS 21:15

Ugunjaʾ isaʾ nang edya, ugunuk malya nenewoka obneboka, ugunja lebnemun yub era sondaʾ amba lebak senen dalyek aboka, nadya ugunuk sabnemun yub eb, ella dangan geremseng eb eleganesin.

1 KORINTUS 7:40

Bok nenya somogamso gel gera, yok nenyek donaʾ orok dara, hyak nauba pe ulumnamla senelamna. Nera nadya ganya edyok seiniwoka lebnabok, Imik Neyung Geisinya migib adya lelemlaʾ ak lelemna, senelamna.

2 KORINTUS 10:1

Wera na, Paulus bedya ugunuk yokaʾ unuwanalum gom aboka lebnamna. Ugunub neikaʾ ok ubna dara, namenaʾ ulumna bok, naba yok mok sam ubna dara, asaʾ ganya boboka wenyalasil alanyak. Hnon yok nim era, sokok an ununaʾ enyek perob senelemak nim era nuk wensenelesak. Anasa, ban nim enyek asaʾ ganya boboka alamaʾ lebnesin bok, nara ugunuk yanya danyek, anaso wenyhesinyek aboka, wenyok nara Kristus adya namen ganya pik uboka lelesin.

2 KORINTUS 10:4

Nunja sokok an oldalamabakanya, bolomab yina mal era, sokok abnya nek bonggulumab bok, nunja yina mal era, Imik Neyung migibaʾ goululamlaʾ ak bolomab. Wera an yina mal enedya, gasa mouboka welemak oulyang ek dolul meneklemab.

2 KORINTUS 12:12

Nara aldib Kristus adya yuba lenaʾ gaknya laga beknaʾ ulumlaʾ ara, wa wenaʾ geknebaʾ ak lok soʾ beknaʾ hnon, senenggom lok so ununaʾ hnon, yok-yok migib ununaʾ ab dadya, ugun gangganek ab, nara hyak ganya siklewoka laga okoka welemsa.

2 KORINTUS 2:10

Ugunuk an malya ubsilinya bek, ugunja meewanalum dara, nababya neikek unulamna. Wera heknyek unulamnaʾ ara, ugunuk meewanalum danasa, Kristus saramek sam ab anara unulamna.

2 KORINTUS 2:6

Banaso unusuknya bek ara, ugunja alak igin elegelumaʾ ara, seleb nauba elekgogowoulum.

2 KORINTUS 9:8

Imik Neyung senemlya dara, ugunuk yok-yok perob eleknaʾ lendewoka eleklemnesil. Wera onoʾ alda yok-yok nidyaʾ pe eleganesilaʾ adya, ugunda yok-yok perob wa nidyaʾ wel dibilloklomnulum aboka hyak nauba ugunuk ulumnesil.