2 KORINTUS 12:9 - PERJANJIAN BARU NALCA YUBA

⁹ Bok Imik Neyung adya dara, ”Anda hmeng ululam danyek, nadya migib era, gobdo nauba dangalamlaʾ anasa, nara anak wanaʾ uboka elekgenaʾ ara seleb nauba ulunggel,” henyok. Nara hmeng ulumna ak an, Kristus adya migibaʾ nak gouluwoka bo ulumnenelaʾ anasa, nara hmeng ulumnenel dara, nonggo alamnamna.

2 KORINTUS 12:9 ပူးပေါင်းရင်းမြစ်များ

MATIUS 28:18

Dara Yesus ara sik berem yeiniboka, ”Nidyaʾ imik heikek ulumla migib eb, sokok sam ulumla migib era, nak Neyung bedya seleb eleganyok.

MATIUS 28:20

Dara, nadya ugunuk wenyaboka neksisa yuba nidyaʾ ara, sikbabya boboka unulunokaʾ aboka neklemnelum. Anya, nara ugunuk sobaʾ arawoka ulusinyaʾ moruwoka, soko sidyaʾ daknamla ak dangal binimla,” wenyaboka nekgogowousuk.

LUKAS 21:15

Ugunjaʾ isaʾ nang edya, ugunuk malya nenewoka obneboka, ugunja lebnemun yub era sondaʾ amba lebak senen dalyek aboka, nadya ugunuk sabnemun yub eb, ella dangan geremseng eb eleganesin.

1 KORINTUS 10:13

Ugunuk an sunulyamalesil sununaʾ ara, yok nimi nidyaʾ anaba, sunulyamalesil soknya nek ulusil. Dara, Imik Neyung ara hyak bojam ululanya ulumlakanya, ugunuk yokaʾ adya senenggomaʾ sunulyamelesil dara, Imik Neyung adya ugunja migiba sunuwoka, uka nauba sunulwenenggom henemla. Dara, ugunuk sunulyamalesil sum era, ugunda pe siklewoka ululumaʾ aboka, Imik Neyung adya pika bak lobnesil.

1 KORINTUS 15:10

Bok, Imik Neyung adya wanaʾ uboka eleksinaʾ nong edya, nara wera an seleb wen ulumna sok dasa. Imik Neyung adya nadya unulamsa malya unaʾ doboka boboganyokaʾ ara, salyaʾ lelem ub lobnenggubnyok. Nadya yok yuba lenaʾ nang era, nauba so ununaʾ orok bok, nak danyek nauba yeiriwoka welemsa. Bok, nera nadya ok wenggulumsa. Alda nenera Imik Neyung adya nak wanaʾ uboka eleksinaʾ elegenyokaʾ adya unumsa.

1 KORINTUS 2:3

Nara ugunuk yeilimsa dara, nara hmengaʾ uboka lok gargadyaʾ ber-ber anaʾ hwam ulumsa.

1 KORINTUS 2:5

Anasonya nera, ugunja Kristus ak dib senelelumaʾ ara, nim adya ella danganaʾ ek ganya kwebmunuk. Alda Imik Neyung migib ak ganya kweboka, dib senelelulumaʾ aboka, umsa.

2 KORINTUS 11:30

Nara yokaʾ-yokaʾ ak nonggo henesinya dara, wera nera nak hmenga ulunelnya nenyek nonggo henemna.

2 KORINTUS 12:1

Nonggo aldanaʾ ara, perobaʾ lananggulumlaʾ ak ululabok, wera, nara Imik Neyung adya lendar dib ab, alja yuba laga sal eleklenelnya nenyek, moruwoka lebnamna.

2 KORINTUS 12:10

Anasa nak dara, hmenga dangalanel dara, perob senelamna. Nara hmeng ubnen salek enyek, onoʾ migib ulumnaʾ anasa, Kristus amba leboka hmeng ulumna gom, igin kwelenel gom, okna ulunel gom, ol neblenyak gom, lebelmoublenel gom dara, pelenel senewoka eiya dablenel.

2 KORINTUS 12:15

Nadya ganya doboka yokaʾ-yokaʾ ara, ugunsamba leboka, nadyinya orok nenewoka dolomnakanya, na nong anaba malyaʾ neneldalamna. Nadya ugunuk nauba wanaʾ ulusin bok dara, ugunja dara, nak ara mek wanaʾ ubnenesom de?

2 KORINTUS 12:5

Wera benyek, nadya dara, nonggo henesinya bok, nasamba nonggo abdanggunusinya. Alda nak hmenga dangalanelnya nemba danyek ok, nonggo abdanasinya.

EPESUS 3:16

Ugunda Kristus ak dib senelelumaʾ adya, Kristus enyek ugunjaʾ ganya lomok ulusululaʾ aboka, Imik Neyung ara senenggomaʾ ulumlaʾ anyek sunuwoka, alja Geisinya bedya, ugunja ganya lomok migibaʾ nenewosulul senen ganya boboka mololesin. Ugunja nong unaʾ era wanaʾ unaʾ adya ok oulyanga lokoka goluwoka bo uboka,

PILIPI 4:13

Alda nak migib eleklenel Kristus aralenelaʾ adya, yok-yok igina kwelenel bok pe ulumnesinya ok senen ganya bolomna.

KOLOSE 1:11

Ugunuk yokaʾ-yokaʾ lanawanesilaʾ ara, ganya eiya daboka, or malye senewoka, migibaʾ bal morulululum aboka, alja perobaʾ senenggom migib edya ugunuk migib gebsulul.

1 TIMOTIUS 1:14

Wera nunjaʾ Wenelesilnya bedya alja wanaʾ uboka eleksinaʾ ara nak gobdo nauba elekmorunyok. Dib senenaʾ ab, nim ak wanaʾ unaʾ amba migiba, Yesus Kristus lomok abaʾ ara nak elegenyok.

IBRANI 11:34

senenggomaʾ singalamna uk era saranglemek. Anasa sikda mal uk ab dara mereweekanya, hmeng ulusuknya nera migibaʾ dobeekanya, oldanaʾ ak ab dara, seleb migibaʾ deekanya, yok mok soko nim edya yin bonaʾ era seleb walawoka obyakek.

IBRANI 4:16

Wera anasa, nunda alja araweisiso senelamab salek era, angoo yadyek senewoka arasinaʾ ab, wanaʾ uboka eleksinaʾ ab, dobnobaʾ aboka, Imik Neyung nunja aralesilnya bek ara, asaʾ ganya boboka, aljaʾ perob eleksinaʾ saramek sam ara balanob.