2 KORINTUS 11:7 - PERJANJIAN BARU NALCA YUBA

⁷ Nara Imik Neyung adya perob lero yanggan yuba ugunuk lel elegel yeilisisa dara, nak rupiah eleklemnenulum aboka molowanggumsa. Wera anadya, nara ganya sokok nenebdangamsakanya, ugunuk imik neneweisisa dara, anya nadya ugunuk malya ubsisa de?

2 KORINTUS 11:7 ပူးပေါင်းရင်းမြစ်များ

RASUL 20:33

Ugunja nak rupiah gom, ongon akleng gom, hnon eleganenok senewoka ganya wenggulumsa.

RASUL 20:34

Nadya soruk enedya, wera na nong ak okna ubnenaʾ hnon, nadya hemyab ak okna ubnaʾ hnon welemsaʾ adya, dero ulumoubaʾ ara, ella ululum.

ROMA 1:1

Paulus bek ab, Kristus Yesus wa wenya, yuba lenaʾ gaknya dalyekanya, perob lero yanggan yuba lero yabalalulaʾ aboka, yalom hyoknya.

1 KORINTUS 9:12

Yok nim enyek babya, ugunuk an yokaʾ-yokaʾ eleganesak anyaʾ aboka, ganya welesak dara, wera nunda nauba so ugunuk ganya webnenggunusibya de? Bok nak dara, ban unusinya nera, anam hnon unuwanggusisa. Bok, alda nara yokaʾ-yokaʾ ara, or siklewoka bolonunaʾ, anadya Kristus amba perob lero yanggan yuba lero yabalamnaʾ ara, pika garawoka ubdongowalyek senewoka anasa lolomsa.

1 KORINTUS 9:6

Goma, Barnabas beb nab danyek ok, denaʾ ara, sikbeyok ganya hwiboka eboka deleruruk senelemak de?

2 KORINTUS 10:1

Wera na, Paulus bedya ugunuk yokaʾ unuwanalum gom aboka lebnamna. Ugunub neikaʾ ok ubna dara, namenaʾ ulumna bok, naba yok mok sam ubna dara, asaʾ ganya boboka wenyalasil alanyak. Hnon yok nim era, sokok an ununaʾ enyek perob senelemak nim era nuk wensenelesak. Anasa, ban nim enyek asaʾ ganya boboka alamaʾ lebnesin bok, nara ugunuk yanya danyek, anaso wenyhesinyek aboka, wenyok nara Kristus adya namen ganya pik uboka lelesin.

2 KORINTUS 10:16

Dara, nimi yok nang edya welemaknya nenesa nonggo anaʾ loboka, ugunuk ara hwiboka perob lero yanggan yub era, mok gogoka webnemab senelemab.

2 KORINTUS 12:13

Anasa yok-yok mok soko yuba donaʾ nim ulumakaʾ ara, yok makoka ununaʾ orok, ugunuk neik so welesisa bok anasa, hekaʾ ak goʾ weilik gesisa do? Alda banyek hnonok lobsisaʾ ara ban: nak rupiah arawananulum aboka molowanggusisaʾ ak hnonok meknewasaʾ anasa, sugunaʾ ganya bonumun dara, wera laga lebnenulum.

2 KORINTUS 2:12

Kristus adyaʾ perob lero yanggan yuba lebnunaʾ aboka, Troas heikek bisa dara, Imik Neyung adya wa nen weblulaʾ aboka seleb pika bak lobnyok salek,

1 TESALONIKA 2:9

Nunja ugun gangganek an nauba yeiriwoka duboka welemoubaʾ ara, ugunda seleb beklelumaʾ anyaʾ. Nunda Imik Neyung adyaʾ perob lero yanggan yuba ugunuk lero yeilisuba sum era, ugun nang enyek malya nenewoka obnebsibyek senewoka, inimnek yubyek pik nunja yeiriwoka welemouba.

2 TESALONIKA 3:8

Nunda yok nimi denaʾ doboka denemna dara, hnon salyaʾ del lonaʾ ara unuwanggumouba. Alda nimi yok nang ugun gangganek anaba, ganya malya ub elegeibyek aboka, yubyek inimnek pik moruwoka sobaʾ wa yeiriwoka welemouba.