2 KORINTUS 11:4 - PERJANJIAN BARU NALCA YUBA

⁴ Nunja anaso leb elegesubaʾ Yesus yuba dibaʾ ak gom, alda yok nim edya yok so Yesus yub enyek nekel yalasak enyek, perobaʾ aboka dololum. Dara, perob seininaʾ ganya eb, perob lero yanggan yuba dib nongaʾ nunja leb elegesubnya nera loboka, salyaʾ dib gom seininaʾ eb, yok so perob lero yanggan yub eb danyek, dololum.

2 KORINTUS 11:4 ပူးပေါင်းရင်းမြစ်များ

MARKUS 7:9

Dara onoʾ hnon sikenek lebokaʾ ara, ”Ugunja nim ugumaʾ enyek, pe salalmoublenobaʾ aboka, Imik Neyung adya oruknaʾ yub era, lunuwoka yoknya nenyek unululumnya nera, geremsenga lokja.

RASUL 4:12

Anasa, sokok anyagan ara, yok si nedya hnon embengaʾ blebsulul aboka Imik Neyung adya nim ek lebnenggusuk. Yesus si adya ok nimi blebnesil aboka lesuk,” hyok.

ROMA 8:15

Anasa ugunda wa orugoka anyek welemnelam henemlaʾ anyaʾ senewoka loka dabsin ganya enyek dobnenggublum, bok ugunda ugunuk Imik Neyung me nenesin ganya enyek seleb doblum. Dara ban ganya pik uboka nunda, ”Ai, na Neyung o, ai, na Neyung o!” wenyaro mololomab.

1 KORINTUS 3:11

Seleb ikimok egomnaʾ diba ara Yesus Kristus. Yok nang era, yok egomnaʾ dibaʾ iknamenggom.

2 KORINTUS 11:1

Nara hnon dongdang henemna bok, or keboka dogom hululum. Aldib, nadya yuba seleb dogom aboka kel lololum.

2 KORINTUS 2:12

Kristus adyaʾ perob lero yanggan yuba lebnunaʾ aboka, Troas heikek bisa dara, Imik Neyung adya wa nen weblulaʾ aboka seleb pika bak lobnyok salek,

GALATIA 3:2

Nara ugunuk ab hnonok ella danamnaʾ ara, ugunda Geisinya dolumaʾ ara, unuwanalum an yub unululumaʾ adya gom, alda Kristus yub ak dib senelumaʾ adya dolum gom?

1 TIMOTIUS 1:3

Nara Makedonia sokok balamsa sum enyek, anak dukaʾ lolowoka anda Epesus heikek ululom aboka lenggesa sok, unuwalom. Nimi sondaʾ anasa bobnenewoka lelesak nang edya malya neneweisijik anasa, anja yuba sekdo anda Epesus heikek ululom.

1 TIMOTIUS 2:5

Imik Neyung ara al hnonok ok ulumlakanya, nim ab Imik Neyung ab hnoumunga wiknenanya soko nang doknya bera, Yesus Kristus hnonok gobdo ulumla.