2 KORINTUS 10:6 - PERJANJIAN BARU NALCA YUBA

⁶ Ugunuk dara, yuba pe keboka unulumun dara, yok bleknemakaʾ nidyaʾ ak ara, nunja igin eleklemnemab.

2 KORINTUS 10:6 ပူးပေါင်းရင်းမြစ်များ

ROMA 2:23

Anda ban Yahudi nim emba unuwanalum an yub emba leboka, nonggo alalam bok, hekasa anda ban oruksin yub ek meknewoka, Imik Neyung ak derelelam do?

1 KORINTUS 4:21

Anasa wenera, ugunja perob senemunya nenyek, nunda nenyek henelum. Ugunja dara, nara yeiriwoka yuba gasa einiwoka nekel yosulul senelelum gom, alda ugunuk wanaʾ ganya uboka, namenaʾ anyek pe nekel yosulul senelelum gom?

2 KORINTUS 13:10

Imik Neyung adya nak an eleganyok migib era, nimi malya nenelelulaʾ aboka eleganggubnyok bok, alda perobaʾ nenelelulaʾ aboka eleganyokaʾ anasa, wera na yanamna sum era, Imik Neyung adya pe unuwolululaʾ aboka eleklenel migiba doboka, gasaʾ anyek dukaʾ lolom-lolom hisinyek aboka, ban momnya donaʾ enera, nara ugun gangganek an unaʾ orok salek men beibsin.

2 KORINTUS 13:2

Wenera, ugunub nab dara, mok bokdangoka ulumab bok, penenya sum enyek neksisa sok, wen neknesin. Wera, nak ugunuk an yanamna sum era, men unu meknemek nim ek hnon, yok nim ek hnon igin eleklemnesinaʾ ara denganaʾ orok ubnamlaʾ anasa, orowek neksin.

2 KORINTUS 2:9

Wera ugunja dara, yokaʾ-yokaʾ nidyaʾ pe keboka unulumakaʾ ara ella doununaʾ aboka, nara sene sunusinaʾ dibaʾ momnya doboka beibsisa.

2 KORINTUS 7:15

Dara, Titus bedya, alak e yeililumukanya, ugunda lok ganya boboka alja yuba pe keboka unulumaʾ anyek, alja anyek bekoka ugunuk hyak nauba wanaʾ ulusil.

1 TIMOTIUS 1:20

Wera unumek nim era, hnonda Himeneus beb, Aleksander beb ulurak an. Dara, ban penya nang era, Imik Neyung si malya nenenaʾ anyek lobdurukaʾ aboka, nadya Satan bek doboka elegeisisa.

3 YOHANES 1:10

Bok eimik na anyagan yanya sum era, nidyaʾ alja yok-yok malya unaʾ uboka, sondaʾ leboka, nauba gunulamlaʾ deng ara, nunsamba hnon geklewoka sondaʾ lelelanya nera, laga poboka lebnamna. Bok ban nidyaʾ unulamlaʾ ara, nenyek ok unuro dakdowonun senenggulumla. Onoʾ nunja hemyabo yuba donaʾ nimi yanggan dara, alja ek doboka beilisinaʾ ara alda lek senelamla. Dara onoʾ yok nim edya nunja ek an mabnemab aboka ul yabanaʾ anaba, alja mem aboka yuba sekoka, onoʾ sik arawanob senelemak nim ek yuba dolomak ak ab yaklesil.