2 KORINTUS 10:5 - PERJANJIAN BARU NALCA YUBA

⁵ Imik Neyung ak ella danganaʾ anyek, malya nenewanobaʾ aboka imik neneldalalanya nidyaʾ golol meneklemab. Nunda yok-yok seininaʾ lanalamlaʾ nidyaʾ ara, Kristus senelamlaʾ ak bo beil balamab.

2 KORINTUS 10:5 ပူးပေါင်းရင်းမြစ်များ

MATIUS 15:19

Anasa nimi ganya lomok ab malya unaʾ ganya ara lanalamla, anadya wera nim olomak, gela salalemak, gel ganya ok deknewoka ulumak, hokaʾ dolomak, nimi derewoka waboka sondaʾ amba besa leboka nimi malya nenelemak.

LUKAS 1:51

Imik Neyung alja migib era alja soruk pik ab laga amalamlakanya, senenggom nong soruk goukwa edya, ganya lomok dengdang ganya boboka imik neneldalamak nang era doluwoka bokol goklamla.

ROMA 1:21

Wera sikda Imik Neyung ak seleb pe ella ulumek anyek babya, sikda alak Imik Neyung anasoʾ aboka si imik nenenggulumeekanya, alak perob aboka gibnanya neneba orok. Alda saawoka sikja ganya seininaʾ era salyaʾ hwam dangalamookanya, sikja dongdang anaʾ ganya era gunaʾ dangalamok.

ROMA 1:5

Dara al si pik ab uboka, nunda wanaʾ uboka eleksinaʾ ab, yuba lenaʾ gak wa dara, nidyaʾ yok-yok mok soko nim era yub ak ganya dib donaʾ pik uboka pe keboka, sikda alja si nek aldib senewanok aboka dobub.

ROMA 16:26

Hnon gunuwok bok, wenera Imik Neyung ulmoubnaʾanya bedya orugosukaʾ sunuwoka, yok-yok mok soko nimi nidyaʾ ara sikda ganya dib senewoka pe kenaʾ ak bo binok aboka, ununumnaʾ lelemek nang momnya dobokaʾ pik uboka seleb wenyalasukaʾ ara, wera seleb laga dok.

ROMA 7:23

Bok nara eillilamnaʾ ara, nadya nong lomok ara, yok unuwanalum an yuba damok edya nadyaʾ perob ganya damok enyek olgoklamlakanya, nara nadyaʾ nong pik nidyaʾ ulumla malya unaʾ damok edya henga geregoka beiyimnaʾ geblenel.

1 KORINTUS 1:19

Anasa wera, Imik Neyung adya yuba bukuk momnya dobokaʾ ara, ”Sokok amba geremseng nim edya sikja ella dangalamakaʾ ara, soldob meneganamna dara, yokaʾ-yokaʾ ella dangalamak nimi sikja ella unaʾ era, orok nenewoka dengeiyiwanamna,” aro dobok.

1 KORINTUS 3:19

Nera sokok anyek geremseng nong senelemaknya nera, Imik Neyung adya dara, dongdang anaʾ anya senelamla. Imik Neyung bukuk momnya dobokaʾ ara, ”Yokaʾ-yokaʾ geremseng ulumak nim ek, Imik Neyung adya geremseng ulumakaʾ ak ab, henga weboka youlusil,” aro dobok.

2 KORINTUS 11:20

Ugunuk oruknaʾ nang nenelesak gom, ugunuk lobaʾ nenelesak gom, ugunuk ab duboka lolowoka bonaʾ dolomak gom, ugunuk mekaʾ neneiyiwoka, sikenek imik nenelemak gom, ugunuk hogunga wablasak gom dara, nuk or unulusinok senelelum.

2 KORINTUS 9:13

Ugunja an laga pe unululumnya nenedya, ugunja yuba doblumaʾ anyek sunuwoka unululumaʾ anasa, ugunja an bojam unululumaʾ adya, Kristus adyaʾ perob lero yanggan yub amba anasa, yok nim era, sikda Imik Neyung ak gigilemnemak. Ugunuk an hekaʾ ulusilaʾ anyek, heknaʾ ganya boboka, sikenek hnon, onoʾ nimi yok nang ek hnon bokoka eleklesulumaʾ anasa leboka, sikda Imik Neyung ak gigilemnemak.

PILIPI 4:7

Ban unulumun dara, Imik Neyung alja nim adya mekaʾ ella unggulumak unaʾ adya, Kristus Yesus pik uboka, ugunja ganya seininaʾ nidyaʾ diri bo ulumnesil.

2 TESALONIKA 2:4

Wera, alda hyak dengdang ganya boboka, nimi malya nenewoka al nong nim adya giblemakaʾ anaso imik nenebdangoka, hnonda nim adya dara, Imik Neyung ak giblemakaʾ ara an senelemakaʾ nenebdanamla. Orokaʾ anaba al nong ara, Imik Neyung yokaʾ ek sam bukoka, nara Imik Neyung ara an aboka sondaʾ amba laga lebdanamla.

2 TESALONIKA 2:8

wera nimi malya nenesinaʾ dubnya bera alda laga danamla. Dara Yesus ara alja senenggom ganya nong senedyaʾ uboka yanamla sum era, bisaʾ dubnya bera alja malya nenesin bolgamalaʾ ablaboka si leboka obnamla.

IBRANI 4:12

Imik Neyung yub ara, embengaʾ ab, migibaʾ ab, yok-yok mal si nek ab dara, hyak yu nongaʾ ak ulumla. Imik Neyung yub ara, nimi nong ab, nimi ganya ab, lomok wekoka bokol meneklamla, onoʾ yok ab, nolonggwerenaʾ ab, ana lomok anaba bokol meneklamla. Anya, nimi ganya seininaʾ ab, unuwesinya ganya eb danaba, yok-yok nenewoka ella ulumla.

IBRANI 5:9

Dara Yesus ara, munaʾ gobdo pe meebdakok dara, nimi nidyaʾ alak pe keboka unulumak nim emba, dibaʾ blebsinaʾ gaknya dok.

1 PETRUS 1:2

Neyung Imik Neyung bedya albeyok men seinimokaʾ sunuwoka, Imik Neyung Geisinya adya, alja geisa mabo nenelesilaʾ adya, ugunda Yesus Kristus ak pe keeboka unuwolulumaʾ aboka, Yesus eneng adya mek elegosululaʾ aboka, Imik Neyung adya ugunuk weboka dobsuk. Anara Imik Neyung amba ok munaʾ gobdo ulunokaʾ aboka ubsuk.

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.