2 KORINTUS 10:1 - PERJANJIAN BARU NALCA YUBA

^1-2 Wera na, Paulus bedya ugunuk yokaʾ unuwanalum gom aboka lebnamna. Ugunub neikaʾ ok ubna dara, namenaʾ ulumna bok, naba yok mok sam ubna dara, asaʾ ganya boboka wenyalasil alanyak. Hnon yok nim era, sokok an ununaʾ enyek perob senelemak nim era nuk wensenelesak. Anasa, ban nim enyek asaʾ ganya boboka alamaʾ lebnesin bok, nara ugunuk yanya danyek, anaso wenyhesinyek aboka, wenyok nara Kristus adya namen ganya pik uboka lelesin.

2 KORINTUS 10:1 ပူးပေါင်းရင်းမြစ်များ

MATIUS 11:29

Nara namen uboka, ganya sokok gebdangoka ulunanya bek anasa, nadya bollilesin igin yakaʾ era dobnelum dara, nak anyeb yokaʾ nidyaʾ einiwoka ella danalum dara, nara ugunuk ganya daklinggoka unaʾ eleganesin.

MATIUS 21:5

”Anda Sion heikek sam, anjaʾ dubnya bera wera yanggal, henelam. Alda ganya sokok nenebdangoka, nimi mekaʾ abaknaʾ orokaʾ abaksin pam ek buka yalamla, henelam,” amoknya nenyek gigiwolulaʾ aboka ubok.

RASUL 8:32

Dara Etiopianya bedya, Imik Neyung yuba einilimokaʾ ara ban: ”Alda domba pam ara pam olomak nang ek bo balamak sok, alak doboka bo bilimek. Dara, domba pama me ak honga garalamna ek yuba sanggulumla sok, albabya si akoka yuba sanaʾ ara orok.

ROMA 10:20

Dara Yesaya bera asaʾ ganya boboka an wenhyok, ”Sikda nak enggulunyak nim enyek, nara or eibdanamab senewasa. Sikda nak heinggulunyek nim ek, nara seleb laga bo aamabdasa,” wenyamok.

ROMA 12:1

Wera anasa hemyabo nim o, Imik Neyung adya angoo yadyek senewoka arasisinaʾ amba leboka, anedya ugunda ugunja nong enyek embengaʾ gebman, hyak pe yok munaʾ elegoka, an nenyek Imik Neyung ara pewanel senewanamlaʾ ara an anasa, nara ugunuk wenewanasin. Wera an nenyek ugunja eleknaʾ hyak pe eleklelumaʾ nong ara al an ulumla.

ROMA 15:15

Bok Imik Neyung adya wanaʾ uboka eleksinaʾ anyek, nak seleb eleganyoknya nenesa, nara or ono sam gom, anasam gom, ugunuk hnon an wenyamsaʾ anyek ella ublulum aboka, asaʾ gebdangoka momnya doboka an seleb beibsisa.

1 KORINTUS 2:3

Nara ugunuk yeilimsa dara, nara hmengaʾ uboka lok gargadyaʾ ber-ber anaʾ hwam ulumsa.

1 KORINTUS 4:10

Kristus nong anasa leboka, ugunuk dara yuba donaʾ geremseng nim uboka, nuk dara dongdang anaʾ nim ulumab. Nuk hmeng ulumab bok, ugunuk dara migib ululum. Nuk dara derelesak bok, ugunuk dara, perob senewoka gigilesak.

1 KORINTUS 4:21

Anasa wenera, ugunja perob senemunya nenyek, nunda nenyek henelum. Ugunja dara, nara yeiriwoka yuba gasa einiwoka nekel yosulul senelelum gom, alda ugunuk wanaʾ ganya uboka, namenaʾ anyek pe nekel yosulul senelelum gom?

2 KORINTUS 10:10

Nim adya ok dara, Paulus bedya momnya doboka beillilesil yub era, pe gasaʾ migib nongaʾ lelemla. Bok al nong anyek, oka nu gangganek ulumla dara, alda hmeng so ulumlakanya, alja yub era, dolbalek so dangalamla, alanyak.

2 KORINTUS 10:7

Ugunja hogung ak laga ululanya nenyek kemelelulum. Nimi ben hnon, nara Kristus adyaʾ ak ulumna senebdalya dara, al damnya nara benyek Kristus aljinya ulumna senelamla sok, numbabya Kristus adya nim ek ulumak senewosulul.

2 KORINTUS 11:21

Bok nuk dara, unurubnya nek ara, hmeng so uboka unuwanggumsaʾ adya, alya ulunel. Bok, yok nim edya yokaʾ ak nonggo heneseng dara, nababya or asaʾ ganya boboka unuwanasinya! (Nara dongdang anaʾ anya beneso bok lebna.)

2 KORINTUS 11:30

Nara yokaʾ-yokaʾ ak nonggo henesinya dara, wera nera nak hmenga ulunelnya nenyek nonggo henemna.

2 KORINTUS 12:5

Wera benyek, nadya dara, nonggo henesinya bok, nasamba nonggo abdanggunusinya. Alda nak hmenga dangalanelnya nemba danyek ok, nonggo abdanasinya.

2 KORINTUS 3:12

Wera nunda nenyek unu dib senelemabnya nenedya, wera ban enera yuba asaʾ ganya boboka lelemab.

2 KORINTUS 5:20

Anasa nuk dara, Kristus adya nadya wa webnokaʾ aboka boklesil nang ulumab. Imik Neyung ara nu pik uboka, alja yub era lelemla. Nunda Kristus amba leboka, ugunda Imik Neyung ab, neikaʾ hiblulumaʾ aboka yeiriwoka molowasab.

2 KORINTUS 6:1

Nunda neikaʾ welemab nang edya, Imik Neyung adya ugunuk wanaʾ uboka eleknaʾ dololumaʾ anyek, salyaʾ lelem domunuk aboka dukaʾ lololosab.

2 KORINTUS 7:4

Nara ugunda pe unulumnemakaʾ anyaʾ senelesin. Nara ugunuk nauba gigilesin. Nunda yok-yok igin edya kweboka ol neblesil bok, ugunja unaʾ edya, ganya hekel eleklenulum. Anya nadya ganya era, anadya nauba eiya dablenel!

GALATIA 4:13

Nara ugunuk an Imik Neyung yuba bo yeilisisa sum era, anyek unulamsa enyek nak neiknaʾ salanyokaʾ ara, ugunda seleb ella ululum.

GALATIA 5:2

Nara Paulus bedya hyak dib lebsinaʾ ara, ugunda bolaʾ seleb garabdanalum dara, Kristus al nong ugunsambaʾ ara, salyaʾ lelem danesil.

EPESUS 3:1

Ban nenesa leboka, ugun Yahudi gom nim enyek, nara Paulus bera Kristus Yesus amba leboka gasa ek henga gouboka beibnyeknya bedya, ugunsamba mololesin.

EPESUS 4:1

Ban nenesa leboka, nara Paulus bedya, Imik Neyung amba leboka henga goubnyeknya bedya, ugunuk ara, Ugunja nong unaʾ era, Imik Neyung adya youbuka dobsuk nimi geknewaʾ ulululumaʾ aboka weneweisin.

PILIPI 4:5

Wenelesilnya bera mek anam yanalabok anasa, ugun nong anyek perob ganya boboka namenaʾ ulumunaʾ ara, nimi yok nang edya eillilesinokaʾ aboka lebsin.

KOLOSE 1:23

Ugunda ugunja ganya dib senelumaʾ lomok sobaʾ ubmouboka, wirring-warreng anaʾ loboka, mel-mela sekoka, anya perob lero yanggan yuba kelum adya ganya wenaʾ ak ab goknenggunusak dara, al saramek anaso beibnesil. Ban blebsin yub ulumlaʾ ara, im damumduk yangawokaʾ nidyaʾ ak seleb wenyaro yabalamak. Anya, na ban Paulus bera, an yuba wa wenya seleb dasa.

2 TESALONIKA 3:17

Nara Paulus bedya, nabeyok ban ugunuk gibsin. Ban nenera nadya ok gobdo momnya doboka beibsin. Wera nidyaʾ nadya yokaʾ beillilesin momnya donaʾ ara, nadya yokaʾ nongnya nera sob beknaʾ dibaʾ unu nabeyok momnya dolomna.

PILEMON 1:19

Wei, anasa ban nenera nadya soruk yokaʾ adya momnya dobna, Nara Paulus, nidyaʾ ara amba lunuwoka deknenggen. (Ambabya nadya dara, yuba doboka ulumak nong unaʾ era gogobaʾ bob lobnulum aboka laga neknenggununggen).

PILEMON 1:9

nunda wanaʾ uldalanamnya nenesa, unuwanalam aboka molowagenaʾ ok. Nara seleb yamen danakanya, wera Yesus Kristus amba leboka gasa ek seleb henga geregoka beinyek.

1 PETRUS 2:11

Nadya wanaʾ ulusin hemyabo nim o! Ugun nong ara sekel yanggan nim uboka, salyaʾ soko pik dongol girikna nim ululumaʾ anasa, nimi malya ubsinya ganya bolomakaʾ anyek, nimi ganya lomok sam malya ul eleklesilaʾ anyek, ugumba hnon ununaʾ mem aboka yuba garawoka sekna.

WAHYU 1:9

Nara Yohanes bera, ugunjaʾ hem be nimi nidyaʾ Kristus mabo dangamna nim ek kwelesil igin yakaʾ neikek kwelesilnya bek ulumna. Nunda igina kwelesil bok, Imik Neyung amba ulumabaʾ anasa, or unulusululaʾ aboka ganya siklebdaboka ganya gouluwoka ulumabakanya, alja mabo hnonok ulumab. Dara nara, mek dubuk sokok Patmos heikek an henga gouboka bokol yanyekaʾ ara, Imik Neyung yub amba hnon, Yesus amba len yub enyek, lero yabanaʾ amba leboka ubnyek.