2 KORINTUS 1:1 - PERJANJIAN BARU NALCA YUBA

¹ Nadyaʾ hemyab, Imik Neyung yuba donaʾ nim Korintus heikek ululum nim eb, Akhaya sokok sam munaʾ Imik Neyung mabo nidyaʾ ab, hemyab o! Nara Paulus bedya, Yesus Kristus adya yuba lenaʾ gaknya, Imik Neyung adya senemokaʾ sunuwoka sekiyiwanyoknya bedya, nunjaʾ hem be Timotius beblaboka,

2 KORINTUS 1:1 ပူးပေါင်းရင်းမြစ်များ

RASUL 16:1

Wera Paulus bera balamok ara Derbe heikek ab uboka dara, onoʾ Listra heikek byuk. Dara, anyagan ara Yesus ak yuba doro diriga balamoknya si Timotius ben hnon ulumok. Alja genong gera Yahudi nimi yokaʾ bok, Yesus ak dib senewoka domok gel. Bok alja neyung bek dara, Yunani nang ulumok.

ROMA 15:26

Dara Makedonia nang eb, Akhaya nang eb dara, nunda Yerusalem heikek yok munaʾ Imik Neyung mab gangganek bonaʾ garan nang ulumak nang emba arawanamab arob.

ROMA 16:21

Nadyaʾ hembe, neik wa welenamnya, Timotius bedya hnon, nadyaʾ hemyabo, neikmok nang, Lukius bedya hnon, Yason bedya hnon, Sosipater bedya hnon, ugunuk perob aboka gibisak.

ROMA 16:5

Sikja ek yuba donaʾ nim eneba perob aboka gibisil wenyhenelum. Dara Asia mok soko, hyak men Kristus amba moubuk doka ulumlaʾ, nunjaʾ hem hyak wanaʾ ulumabnya, Epenetus bemba gibna.

1 KORINTUS 10:32

Anja unulumennya nedya, yok nimi malya unaʾ lomok sam malyinggijek anasa, pe keeboka ululom. Nera Yahudi nim gom, Yahudi gom nim gom, Imik Neyung yuba dolomak nimi gom, nidyaʾ ak lebsin.

1 KORINTUS 16:10

Timotius bera ugunuk an yalya dara, alda nababya Wenelesilnya bedya wa welemna sok, albabya neik wa welemabnya bek anasa, ugunuk ganya goluwosululaʾ aboka perobaʾ leboka pe doro dibnelum.

1 KORINTUS 16:15

Hemyab o, Akhaya sokok men yuba domek nimi Stefanus ek nim era, ugunda seleb ella ululumaʾ anyaʾ. Sikda munaʾ Imik Neyung mab amba aran wa ara nauba welemak.

1 KORINTUS 16:24

Nadya Yesus Kristus lomok ulumnek ab wanaʾ unaʾ ara, ugunuk ulusulul. Perob. Nara Paulus seleb lemna.

1 KORINTUS 6:11

Ugumbabya hnon men dara, nenyek unululum. Bok wenyek dara, ugunda malya unaʾ ak ab, seleb meka elegoka geisa nenewosuk. Ugunda Imik Neyung mabo seleb munaʾ gobdo dangiyisuk. Ugunda Wenelesilnya si Yesus Kristus ak dib senewoka, nunjaʾ Imik Neyung Geisinya bedya migib edya, ugunda seleb perobaʾ neniyiwousuk.

2 KORINTUS 1:19

Anasa Imik Neyung bedya me Yesus Kristus si anyek, Silas bedya gom, Timotius bedya gom, nadya gom, leb elegousubnya nenyek dara, or, orokaʾ ak sene bobnenewoka lebnenggusub. Al Yesus ak dara, ”Or” anaʾ ok ulumla.

2 KORINTUS 1:23

Nara Korintus heik yanggubsaʾ ara, ugunja ganya soloma neneweisinyek aboka ubsaʾ ara, nadya unu seiniwasenya neneba, Imik Neyung ara ella ulunel.

2 KORINTUS 11:10

Kristus adyaʾ dib jong yub era, nak an ulunel bok anasa, Akhaya mok ebnya ben hnonja, nadya an nonggo alamna senelenanya nera, yuba garawanggununel.

GALATIA 1:1

Nara Paulus, yuba lenaʾ gaknya ulumnaʾ ara, nim adya gom, onoʾ ben hnon perobnya bedya gaknya dangoka wa nen welelom henggubnyok bok, alda Yesus Kristus adya hnon, Imik Neyung nunjaʾ neyung, Yesus nimi somoknaʾ ak ab embengaʾ suboka bukiyiwoknya bedya hnon, sekiyiwanyok.

GALATIA 3:26

Ugunda Kristus Yesus ak dib senelumaʾ adya, wera ugunda nidyaʾ Imik Neyung mabo dibaʾ ululum.

EPESUS 1:1

Ugunda Epesus heikek munaʾ Imik Neyung mabo Kristus Yesus ak doboka bojam ululum nim ek perob aboka gibsin. Imik Neyung ganya adyok seiniwoka, Kristus Yesus adya yuba lenaʾ gaknya nenewanyoknya, nara Paulus bedya,

PILIPI 1:1

Na kabo nim ugunda nidyaʾ Pilipi heikek ululum munaʾ Imik Neyung mab ek hnon, onoʾ Imik Neyung wa arawoka nimi bo usin nanga hnon, hnonda arawoka wa wen nang ek hnon, momnya doboka beibsin! Nara Paulus beb, Timotius beb, Yesus Kristus amba welenam nang edya dara, Imik Neyung nunjaʾ neyung bedya hnon, Wenelesilnya Yesus Kristus adya wanaʾ uboka eleksinaʾ ab, nimi nonga pe unaʾ ab, eleklesulul senelenam!

1 TESALONIKA 1:1

Paulus beb, Silvanus beb, Timotius beb dadya, Tesalonika heikek yuba donaʾ nim ek momnya donaʾ en beibsab. Ugunda Imik Neyung lomok ululumukanya, Wenelesilnya Yesus Kristus lomok ululum. Dara, wanaʾ uboka eleksinaʾ hnon, namen ganya bonaʾ hnon, ugunuk elegousulul.

1 TESALONIKA 3:2

nunja hem be Timotius bera ugunuk boksunum. Alda Imik Neyung amba wa nub neikaʾ Kristus amba perob lero yanggan yuba neikaʾ welemabnya bek ulumla. Nunda Timotius benyek ugunuk bilom aboka boknamaʾ ara, alja ugunuk pe unuwanalum aboka wenewoka bo uboka, Kristus anyek dib ganya ologoka ulululumaʾ aboka, al adya ganya migibaʾ geblemnesil aboka bokonam.

2 TESALONIKA 1:1

Hem yabo Tesalonika heikek yuba donaʾ nim, nunjaʾ neyung Imik Neyung mabo dangoka Wenelesilnya Yesus Kristus mabo dangalum nim ek,

1 TIMOTIUS 1:1

Nara Paulus bedya, nunja bleblesilnya Imik Neyung adya orugunyokaʾ adya hnon, nunja ganya welemabnya Wenelesilnya Kristus Yesus adya hnon, Yesus Kristus amba yuba lenaʾ gaknya ulumnakanya,

2 TIMOTIUS 1:1

Nara Paulus bedya, nadya wanaʾ nong ulunggen me, najabo Timotius anak ban momnya donaʾ era weboka beibgen. Nara Imik Neyung adya seiniwoka donyokaʾ adya, Yesus Kristus bedya yuba lenaʾ gaknya uboka, Yesus Kristus lomok nim embengaʾ ulumnamak amok yuba lero yabalamna.

TITUS 1:1

Najabo Titus o! Nara Paulus bedya, Imik Neyung adya wa wenya uboka, onoʾ Yesus Kristus adya yuba lenaʾ gaknya uboka, ban ara anak momnya doboka beibgen. Imik Neyung adya alja weboka dolosil nim enyek, sikja Imik Neyung ak dib senelemakaʾ ara, migib dosululaʾ aboka, nak Imik Neyung adya men weboka doboka bokol yeilinyok. Nunja dolomabaʾ ak sam neklesil yub enyek, sikba ella dangoka pe ulunokaʾ aboka, neksulul senewoka donyok.

PILEMON 1:1

Nunjaʾ hem Pilemon o, nunjaʾ hem be uboka, neik wa welemabnya ululam! Nara Paulus, Yesus Kristus amba leboka henga goubnyeknya bedya, nunjaʾ hem be Timotius beb neikaʾ uboka, ban momnya donaʾ enera anak beibgenem,

IBRANI 13:23

Hnonda ella ubnelumaʾ ara nunjaʾ hem Timotius bera seleb bok dorogek. Anya wera al men yalyaʾ seleb dara, nara alablaboka neikaʾ ugunuk kemel yanesinim.