1 YOHANES 5:7 - PERJANJIAN BARU NALCA YUBA

^7-8 Ban nong ak dara, damok winilya danadya nuk laga neklesak ara, Imik Neyung Geisinya hnon, mek adya hnon, eneng adya hnon, sik winilya dadya, neik yub enyek ok laga neklesak.

1 YOHANES 5:7 ပူးပေါင်းရင်းမြစ်များ

MATIUS 17:5

Petrus bera anam wenyaboka yuba salamok sab-sab, debaʾ buma hnon sikenek so siklel yinggisuk dara, debaʾ lomok sam ab yuba hnon, ”Nadya wanaʾ nong ulumna me nera ban. Alja nadya ganya hekel eleklenel. Alak pe keblulum e!” hyok.

MATIUS 18:16

Bok nenyek kebnenggubla dara, Imik Neyung yub ek ara, hnon momnya dobokja, Nimi penya nang gom, winilya nang edya, benera aldib malya ubok aboka, laga neknemak dara, bera aldib alda malya umokaʾ ara laga dangalamla, hyokaʾ anasa, nimi yok nanga penya nang gom, winilya nang eboka bo yanalamakanya, heiboka wenewanalam.

MATIUS 28:19

Anasa wera, ugunda nidyaʾ sokok biniboka, nidyaʾ yok-yok mok soko nim era, nadya yuba doboka diriga ban nanga dangiyiwanalum. Anya Neyung bek si sibuka, alja me nek si sibuka, Geisinya bek si sibuka, sikda meka dalamnalum.

YOHANES 1:1

Hyak men youbuka, nidyaʾ uyiwanggom bok, yub ara seleb ulumok. Yub ara, Imik Neyung ablaboka ulureekanya, yub ara Imik Neyung ulumok.

YOHANES 10:30

Nab Neyung beb dara, hnonok ok ulunam,” hyok.

YOHANES 12:28

Dara, Yesus onoʾ molowokaʾ ara, ”Neyung, anja si nek imik nenelelom,” hyok. Dara, imik ab yuba hnon doblinggoka lebokja, ”Youmaʾ hnon seleb imik nenewasebok, onoʾ hnon saaboka imik nenewanamna,” hyok.

YOHANES 14:17

Soko adya, alak eilinggulumlakanya, elgom ulumlaʾ anasa, alak dobnenggunumso. Bok, alda ugunublaboka ululumukanya, onoʾ ugunja ganya lomok ulumnesilaʾ anasa, ugunja alak ella ululum.

YOHANES 15:26

Bok, arasinya neyung bek ab, bokol yanasinya bera, neyung bek ab lanawoka dib yub lelelanya Geisinya bera, yeiniboka, alda nasamba leboka laga neklemnesil.

YOHANES 5:26

Neyung bera nim embengaʾ unaʾ damok gaknya ulumla sok, onoʾ al adya alja me nek nim embengaʾ unaʾ gaknya dangiyimok.

YOHANES 8:18

Anasa, nadya unulamnaʾ ak dara, nak hnon leldalamna. Neyung be, na sokok sam bokol yeilinyoknya bedya hnon nak lelenel,” hyok.

YOHANES 8:54

Dara Yesus adya sikenek lebsukaʾ ara, ”Nara nim adya nak giblenenokaʾ aboka hogunga bo eldalasinya dara, dib danganggulumneneso. Bok nadyaʾ neyung, ugumba nunjaʾ neyung alalumnya, Imik Neyung bedya imik nenelenel.

RASUL 2:33

Onoʾ Petrus sikenek moruwoka lemok, ”Wera, Imik Neyung sirik soruk sam Yesus ak seleb imik beiyiboka, Geisinya eleganesin amok ara, elegoka dobok dara, wera, neik geisa ganya anyek nuk eleklesil ara, wera an ugun seleb eillililum kelelum.

RASUL 5:32

Anasa nu hnon, Imik Neyung adya alja yuba pe keboka unulumak nang ak, Geisinya eleklesil Geisinya anyek hnon, ban unumok ak eillilimoub anyek, damok nang ulumab,” hyek.

2 KORINTUS 13:14

Wenelesilnya Yesus Kristus adya ugunuk wanaʾ uboka eleksinaʾ hnon, Imik Neyung adya wanaʾ ulusilaʾ hnon, Imik Neyung Geisinya adya ganya kweldanaʾ hnon, ugunuk ulusulul. Nara Paulus bedya gibsin e.

1 YOHANES 1:1

Ban yub enyek nidyaʾ ara, nim embengaʾ unaʾ eleklesil yuba men youmaʾ ek moruwoka ulumokaʾ anyek momnya dobab. Nunja o kemoubukanya, heng eiyimouba. Nunja seleb okoka eiyiwoka onoʾ nunja soruk edya seleb salamouba.

1 YOHANES 5:6

Yesus Kristus nong ak hnonok alak ok mek ab, eneng eb dadya uboka, sokok yeilimok. Yesus ara mek dem adyok yanggumok bok, alda mek ab eneng eb neikaʾ hiboka yeilimok. Imik Neyung Geisinya ara sondaʾ lenaʾ oroknya anasa, nera aldib unumok aboka Geisinya enedya nuk laga neklesil.

WAHYU 19:13

Dara alja waran akleng era, eneng lomok sam hwiboka ngikimek akleng enyek ongomookanya, wera alja si nera, Imik Neyung bek ab yubnya, alamek.