1 YOHANES 5:6 - PERJANJIAN BARU NALCA YUBA

⁶ Yesus Kristus nong ak hnonok alak ok mek ab, eneng eb dadya uboka, sokok yeilimok. Yesus ara mek dem adyok yanggumok bok, alda mek ab eneng eb neikaʾ hiboka yeilimok. Imik Neyung Geisinya ara sondaʾ lenaʾ oroknya anasa, nera aldib unumok aboka Geisinya enedya nuk laga neklesil.

1 YOHANES 5:6 ပူးပေါင်းရင်းမြစ်များ

MATIUS 26:28

Ban eneng enera, Imik Neyung adya nimi nauba blebnamlakanya, sikja malya unaʾ era sikenek ab sobaʾ memelemnesil amokaʾ ara an.

MATIUS 3:16

Seleb meka dabok dara, Yesus ara mek lomok abaʾ ara goboka welok enyek, wene sab-sab im pika gaboka, Imik Neyung Geisinya ara, bek wining enesoʾ anyek alak bul yinggyuk ak eibuk.

MARKUS 14:24

Anya alda sikenek, ”Nadya eneng era ban, Imik Neyung adya unubdanamab aboka wenyamok eneng era, nimi nauba amba yeksin.

LUKAS 22:20

Anaso neikek seleb debgogowek dara, meka gweboka beiyimokaʾ ara neikaʾ delemek nang sikenek lebokja, ”Ban mek enedya wenyok unuwanamna anaʾ era pik mourunaʾ dibaʾ yarawal. Nadya eneng edya, mek eneng enera ugunsamba leboka yeksin,” hyok.

YOHANES 14:17

Soko adya, alak eilinggulumlakanya, elgom ulumlaʾ anasa, alak dobnenggunumso. Bok, alda ugunublaboka ululumukanya, onoʾ ugunja ganya lomok ulumnesilaʾ anasa, ugunja alak ella ululum.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

YOHANES 15:26

Bok, arasinya neyung bek ab, bokol yanasinya bera, neyung bek ab lanawoka dib yub lelelanya Geisinya bera, yeiniboka, alda nasamba leboka laga neklemnesil.

YOHANES 16:13

Bok, Imik Neyung jong ganya unaʾ ugunuk lebnesil Geisinya benyek yalya dara, alja dib yuba nidyaʾ ella danalum aboka neknesil. Alja ok yok seiniwoka ganya doboka lebnenggunulabok, alja seleb kemlyaʾ anyek, ugunuk neknesil. Nera yokaʾ-yokaʾ eimik unuwanalanya nenyek neklemnesil.

YOHANES 3:5

Dara onoʾ Yesus adya, ”Nara hyak dib lebgen, nimi be hnon alda mek adya hnon, Geisinya adya hnon, beilinaʾ orok dara, alda Imik Neyung bedya wenesin heikek weknenggunumla.

YOHANES 4:10

Gela ara ban wenhyok dara, Yesus adya alak, ”Anda Imik Neyung adya eleklesilaʾ ab, heknedya anak meka mololenggelaʾ ab, ella ulusom dara, anja alak molowanasom dara, alja dib embengaʾ unaʾ mek era eleganenggeso,” hyok.

YOHANES 4:14

nadya elegeisinya mek enyek delenya bera, eimik saaboka mek ok ubnenggunumla. Bok saaboka, nadya elegeisinya mek ek dara, alja nong lomok sam ara sob-sobaʾ yabalmorulamla mek anaso dangoka, dib embengaʾ ulmoubnaʾ eleganamla,” hyok.

YOHANES 6:55

Nadya nong soub ara, hyak gwaneng nong dibaʾ ulumla, nadya eneng era, den mek dibaʾ ulumla.

RASUL 8:36

Wera sik penya dara, pikik anam balareekanya, wera meka ulumokaʾ ak sam yok sam birik. Dara, Etiopianya bedya, ”Wera, mek ara an ulumla anyek kendelom. Anasa wera, nak ara hekaʾ mekso ulunel anasa, meka danenaʾ ara lobnenelem do?” hyok.

ROMA 3:25

Anera Imik Neyung adya men, ganya dib senenaʾ anasa leboka, Yesus eneng pik enyek anyeb nimi malya unaʾ amba deksulul aboka, Kristus Yesus ara nim amba elegosuk. Alja or unulunok senelemok salek, unulumek malya unaʾ era anesemba hnon yokaʾ unuwanggubsuk anasa, wenera alja ban unuwokaʾ damok ara, aljaʾ pe ununanya nera anaso abdok ara an.

EPESUS 1:7

Kristus alja enenga yinggyukaʾ adya, nu nong ara Imik Neyung adya seleb dekoka lob lobsuk. Dara anadya, Imik Neyung ara nunja meknenaʾ dara, seleb meewousuk. Aljaʾ senenggom wanaʾ uboka eleksinaʾ sunuwoka,

KOLOSE 1:4

Ugunja Kristus Yesus ak dib senelelumaʾ ab, munaʾ Imik Neyung mabo nidyaʾ ak wanaʾ ulumak an yub enyek, seleb kemoubaʾ anasa, unulumab.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

TITUS 3:5

Alda nuk blebsukaʾ ara, nunja alak perobaʾ ak unumouba amba blebnenggubsuk bok, alda alja men nuk angoo yadyek senewoka arasinaʾ adya ok blebsuk. Imik Neyung Geisinya adya dib embengaʾ damok ab, penya beilinaʾ ab dara, nuk elegoka mek elegosukaʾ adya blebsuk.

IBRANI 10:29

Bok hyak nauba ara, Imik Neyung bedya me Yesus ak blekoka yan ingib sablamlaʾ amba hnon, malya unaʾ ak ab geisa nenewanesin aboka yekok eneng ek malyaʾ sembejaʾ senelamlaʾ ak hnon, wanaʾ uboka eleksinaʾ Geisinya bedya ak derelamlaʾ amba hnon, hyak nauba saboka obnamla.

IBRANI 12:24

anya wenyok yuba bo yanggannya Yesus bek ab, dara Habel bedya eneng era hmeng so, alda hyak yeiriwoka migibaʾ salamla enenga, lobol goulusin eneng ek sam, seleb youlum.

IBRANI 13:20

Dara namenaʾ pe unaʾ eleklesil Imik Neyung era, embengaʾ eleganasin amok eneng pik uboka, domba pam senenggom dubnya, nunjaʾ Wenelesilnya Yesus ara somoknaʾ ak ab saawoka bo yoknya bedya,

IBRANI 9:14

hyak nauba ara Kristus eneng ara, nauba so unulusil. Kristus ara, hyak sobaʾ ulumla Geisinya pik uboka, alja nong enyek Imik Neyung ak, mekaʾ diligaʾ orok pam enesoʾ anyek, beibdok. Anedya, Kristus alja eneng edya, nunja ganya salyaʾ hwam ununaʾ ak ab, Imik Neyung embengaʾ ululanya bek giboka welenokaʾ aboka, geisa nenelesil.

IBRANI 9:7

Hyak geisa nong ekla ara, yuba wa gakaʾ dubnya ok weklemok. Wera ekla enyek ara gibnaʾ hnonok amba, lika hnonok wekoka Imik Neyung ak giblemok. Ban unulumokaʾ ara, pam oboka eneng ab boboka, aljaʾ malya unaʾ emba hnon, onoʾ yok nim edya orowek senewanggonggom malya ulumek malya unaʾ doboka bobogosululaʾ aboka, Imik Neyung ak bo beil biniboka giboka uka dalamok.

1 PETRUS 1:2

Neyung Imik Neyung bedya albeyok men seinimokaʾ sunuwoka, Imik Neyung Geisinya adya, alja geisa mabo nenelesilaʾ adya, ugunda Yesus Kristus ak pe keeboka unuwolulumaʾ aboka, Yesus eneng adya mek elegosululaʾ aboka, Imik Neyung adya ugunuk weboka dobsuk. Anara Imik Neyung amba ok munaʾ gobdo ulunokaʾ aboka ubsuk.

1 PETRUS 3:21

Ban youmaʾ unumokaʾ ara, sununaʾ dibaʾ ara wen an ugun blebsinaʾ damok ara, meka dalasak an. Ban meka dalasakaʾ adya, ugunja malya unaʾ ganya lomok ulusilaʾ nidyaʾ anyek doboka boloknenggulusak, alda ugunja Imik Neyung ak nara eimik saawoka hnon malya ub sounuwanggunumna, anya nenesa beknaʾ dibaʾ meka dalasak. Mek danaʾ adya nimi bleblesilnya nera, Yesus Kristus anyek malya unaʾ ak sam ab seleb somogoka suboka welewokaʾ adya ok bleblesil.

1 YOHANES 1:7

Bok Imik Neyung anaba alda dilinaʾ lomok ulumla sok, wera numbabya neikik dilinaʾ ak ulumeibya dara, wera nunda ganya kwebdangoka ulumabakanya, alja me Yesus Kristus adya eneng edya nunja yok-yok malya unaʾ nidyaʾ ara mek elegellilisil.

1 YOHANES 4:10

Wanaʾ unaʾ ara ban: Nunja Imik Neyung ak men wanaʾ ulumouba gomaʾ, bok alda Imik Neyung adya nuk wanaʾ ulusuukanya, nunja malya unaʾ amba doboka bobogosululaʾ aboka, alja yando me hnonok bok nunsamba bokol yeilisuk.

WAHYU 1:5

Anya Yesus Kristus yuba bojam laga lelesilnya bedya ugunuk ban nidyaʾ elegoka ulusulul. Yesus nong anyek, alak men nimi somoknaʾ ak ab suboka embengaʾ bukiyimoknya uboka, onoʾ al nong anyek nidyaʾ soko dub nang ulumakaʾ sikenek wenewoka bo usinaʾ dubnya ulumla. Dara alak, al Yesus ara nuk wanaʾ uboka, alja eneng edya, nunjaʾ malya unaʾ ak sam ab, blebsuknya bek,

WAHYU 5:9

Anya sikda wenyok yok ber enyek an wenyaro seblemekaʾ ara, ”Anda seleb objeekanya, an anja eneng edya, anda sik yok-yok nimi yilaʾ ulumakaʾ ak ab, sik yok-yok yuba salamak nim ek ab, sikja nimigumaʾ yok-yok unulumak nim ek ab, sik yok-yok mok soko ulumak nim ek ab dara, Imik Neyung amba dekoka doblum anasa, al anak danyek ban buku kerobaʾ en dobnelamakanya, alja beknaʾ denenaʾ danera, or anja baknelam.

WAHYU 7:14

Dara nadya benyek an, ”Nadyaʾ neyung o, anda seleb ella ululam,” hesa. Dara onoʾ alja nak, ”Wera an nang enera igina kweboka okna ulusilaʾ ak ab gobek nang era an. Sikja akleng era, domba me eneng adya seleb meka elegoka, geisa nenerobaʾ ak ulumak nang era an.