1 YOHANES 5:3 - PERJANJIAN BARU NALCA YUBA

³ Anasa wera, Imik Neyung ak wanaʾ ulumab dara, nunda alja oruklesil yub ek pe keboka unulumab ok. Dara, ban oruklesil yub era nunsamba igin nong unggulusil.

1 YOHANES 5:3 ပူးပေါင်းရင်းမြစ်များ

MATIUS 23:4

Sikda iginnya nenyek, nimi yok nim ek bol dilimak bok, sikja dara, uruma anaba mekaʾ donaʾ orok.

YOHANES 14:15

”Ugunda nak wanaʾ ulunumun dara, nadya oruklesin yub ek sunuwoka unulumnulum,” hyok.

YOHANES 15:10

Nadyaʾ neyung bedya orugenyok yub keboka unulamsakanya, alja wanaʾ unaʾ ak ulumna sok, ugumbabya nadya oruklesin yuba keboka unulumun dara, ugunda nadya wanaʾ un ak ulumnulum.

YOHANES 15:14

Ugunda nadya oruklesin yub enyek, keboka unulumnulum dara, ugunda nadya hemyab ulumnulum,” hyok.

ROMA 7:12

Anasa Yahudi nim emba unuwanalum an yub ek dara, geisaʾ ak ulumla. Anya, ban wenesin yub enebabya, geisaʾ ab, dib nong ab, perobaʾ ab, ulumla.

ROMA 7:22

Anara nadyaʾ ganya lomok ara, Imik Neyung adya unuwanalum an yub enyek hyak perob senelamna adya.

IBRANI 8:10

Ban wenyhesa salek en seleb dara, ban wenyek Israeli nim eb wenyaldanaʾ yub eleganesin. Nadyaʾ anaso unubdanamab an yub era, sikjaʾ ganya seininaʾ ak doronggoka, momnya dobnesin. Dara na nong ara, sikjaʾ Imik Neyung danamna dara, sik nong ara nadya mabo yokaʾ danamak.

1 YOHANES 2:3

Nunda Imik Neyung yub ak pe keboka unulumab dara, wera nunda Imik Neyung ak dib ella ulumakaʾ damok ara an unulumab an.

2 YOHANES 1:6

Wanaʾ unaʾ dibaʾ ara, Imik Neyung yuba lelesilaʾ sunuwoka ulumabaʾ ara, alan. Dara, alja orugosukaʾ ara, ugunda anam yuba dib senelum sum enyek moruwoka kelum sok, sobaʾ wanaʾ ubdangoka ulululum aboka orugosuk.