1 YOHANES 5:18 - PERJANJIAN BARU NALCA YUBA

¹⁸ Nimi nidyaʾ Imik Neyung mabo seleb dangamek nim era, sob-sobaʾ malya unulmorunggulumakaʾ ara nunda ella ulumab. Nera Imik Neyung alja me adya sikenek goluwoka bo ulusil dara, bisaʾ ara sikenek yokaʾ-yokaʾ hnon ununggulusil.

1 YOHANES 5:18 ပူးပေါင်းရင်းမြစ်များ

MATIUS 5:37

Yokaʾ-yokaʾ nauba dara, bisaʾ ak ab yalamla anasa, Yo gom, Orok gom, ok leblulum,” hyok.

MATIUS 6:13

Nunda nauba sunulusil ak sam bo yangganggunesilim bok, alda hyak meilinya bek ab blebnesilem. Anda hyak senenggom migib dubnya uboka, anja si nera sobaʾ imik ulmorulumnamla. Amin.”

YOHANES 1:13

Dara, nimi lunuwoka beillilisakaʾ adya gom, soko nang ganya seininaʾ adya gom, nimi unuwanamna senelamla adya gom, Imik Neyung adya ok Imik Neyung mabo nenesuk.

YOHANES 14:30

Sokok an dubnya bera, yanggan sum oka dalaʾ anasa, nara ugunublaboka nauba sabdanggunumab. Alda nablabokonya gomaʾ.

YOHANES 15:4

Ugunda nablaboka kwebdangoka ulumnamab dara, nara ugunub kwebdangoka ulumnamab. Gal soruk ara albeyok doka moubnenggunumso bok, gal nong ok ulumso dara, moubnamso. Anasonya neikik, ugunda nablaboka kwebdangoka unggulumnesibya dara, doka mounggulumnusom.

YOHANES 15:7

Ugunda nablaboka kwebdangoka ulumeibyekanya, nadya lelesin yub era, ugunja ganya lomok sam ulusilya dara, ugunda yokaʾ-yokaʾ dobsibya senelelumaʾ anyek, elegeisilom aboka mololomun dara, ugunuk eleganesil.

YOHANES 15:9

” Neyung bedya nak wanaʾ ulunyok sok, nadya ugunuk wanaʾ ulusisa. Anasa, nadya wanaʾ ulusisa nang geknebaʾ ulululum.

RASUL 11:23

Wera, Barnabas bera seleb Antiokhia heikek yeiniboka, Imik Neyung adya nimi ganya lomok yokaʾ-yokaʾ nidyaʾ pe arawoka unulumokaʾ eiyimok dara, alda hyak eiya damok. Dara, Barnabas bedya Antiokhia nim ek, ugunda hyak Wenelesilnya bek pe ganya dib ologoka kweboka ululum aboka wenewoka lesuk.

YAKOBUS 1:18

Alja ganya edyok albeyok ganya doboka, alja dib nong ulumla yub edya nuk alja mabo dangiyisuk. Ban unusuknya nera, anadya nidyaʾ yokaʾ-yokaʾ uyimokaʾ ara mek so bok, nuk perob ekla oulyanga dobnokaʾ aboka unusuk.

YAKOBUS 1:27

Imik Neyung adya nim ek yuba donaʾ ara, yuba pe dib senenaʾ ganya ab, neyung Imik Neyung bek dib senewoka bojam unaʾ damok alja perob senelelanya nera, genonga neyung orok mab ek pe arawoka, onoʾ nenya orokaʾ yamen nim unuruwaʾ oka kwelesil nim ek pe arawoka, sokok anyeb malya ub eleganelyek senewoka, pe diri uldalamak nim era pelemakaʾ ara an.

1 PETRUS 1:23

Wera embengaʾ uboka, pe migibaʾ ulumla Imik Neyung pik anyeb uboka, ugun nong ak dara, nim adya beillilesak nong unaʾ ek gom, alda imik sam sobaʾ pe ulumla Imik Neyung ek ab wenyok nonga nenewosuk.

1 YOHANES 2:29

Alda pelemlaʾ ok ulumlaʾ ara, ugunda ella ululum. Anasa, pelemak nimi nidyaʾ ara, anera alak ab beiyimek nim ulumakaʾ ara, ugumbabya nen hnon ella ululum.

1 YOHANES 3:12

Kain bera bisaʾ wa wenya dangoka, alja weis oboksonya nera, nunda ununaʾ ara mem. Hekasa Kain bera alja weis ek omok do? Nera alja unulumoknya nek dara, malya bok, alja weis edya unulumoknya nera perob anasa, obok.

1 YOHANES 3:3

Nimi nidyaʾ ban nenyek nak unuwanenel senewoka ganya welemak nim era, al nong ara pe geisa ulunun aboka diri uldalamak. Wera Kristus anaba geisa ulumla sok, malya unaʾ ak ab loboka geisaʾ ak ulunun senelemak.

1 YOHANES 3:9

Seleb Imik Neyung mabo dangamek nim era, Imik Neyung alja unulamla diligaʾ yinaʾ anaso seleb sikenek ulusilaʾ anasa, sobaʾ malya unubmoruwamenggom. Dara onoʾ, sikda Imik Neyung adya mengesuk nim anasa, wera sob-sobaʾ malya unubmoruwamenggom.

1 YOHANES 4:6

Bok nuk dara, Imik Neyung ak ab nim ulumab. Dara, Imik Neyung ak ella ulumak nim era, nunja yuba kelemak. Bok, Imik Neyung ak ab unaʾ orok nim edya dara, nunja lelemab yub ek kenggulusak. Wera nunda ban adya dib ulumla ganya seininaʾ ab, sondaʾ anasa seininaʾ eb, ella dangalamab.

1 YOHANES 5:1

Yesus ara Imik Neyung adya sokok blebsinaʾ dubnya Kristus aboka lesuk aboka dib senelelanya bera, alda aldib Imik Neyung alja me ulumla. Nimi hnon ben hnon ak wanaʾ ulumla dara, wera alaʾ me ak anaba wanaʾ ulumla.

1 YOHANES 5:15

Dara, nunja yokaʾ-yokaʾ alak mololemab dara, nunja molonaʾ kelesil senewoka seleb ella ulumab dara, onoʾ nunja yokaʾ-yokaʾ mololemabaʾ ara eleganesilaʾ anyaʾ senewoka ella ulumab.

1 YOHANES 5:19

Soko me nidyaʾ ara bisaʾ adyok salawoka bo ulumla bok, nuk dara, Imik Neyung alja mab ulumabaʾ anyek hnonok ella ulumab.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.

1 YOHANES 5:21

Najabo yab o, ugunda yokaʾ-yokaʾ sunuwoka giblemakaʾ ak abaʾ ara mok nenewoka ulululum e.

1 YOHANES 5:4

Anasa wera, Imik Neyung mab ulumak nim era, sokok an malya unaʾ hwam ulumlaʾ ara, migib adya ol lamaklamak. Dara onoʾ nenyek dara, nunja dib senenaʾ adya ara, sokok an yokaʾ-yokaʾ ol lamaklamab.

YUDAS 1:21

Ugunja Wenelesilnya Yesus Kristus adya gouluwom aboka angoo yadyek senewoka arasinaʾ anadya uboka, dib embengaʾ ulmoubnaʾ anyek, ganya weboka diri ulumunukanya, Imik Neyung adya wanaʾ ulusilaʾ lomok sam sobaʾ ulumnelum aboka, pe kemero ulululum.

YUDAS 1:24

Imik Neyung ara, ugunuk malyinggijek aboka migibaʾ pe bo ulusilnya bek, anya ugun nonga doboka Imik Neyung al omomaʾ perobaʾ saramek sam si gegena ponaʾ orokaʾ anyek, ei-ei ganya gekman, migib imik nenewanasil.

WAHYU 2:13

Nara anda har sam ululamaʾ, nara seleb ella ulumnaʾ ara, anda bisaʾ dubnya Satan bedya dub heikek sam ululam. Anyek bok, anak dara, nadya si nek hyak pe bojam ulunelem. Nadya bojam unenya Antipas be ugunja heikek obek sum eneba, anja dara, nara Yesus ak dib senenggulumna aboka gunuwoka lebnenggublum.”