1 YOHANES 5:10 - PERJANJIAN BARU NALCA YUBA

¹⁰ Anasa ban nenesa leboka, Imik Neyung alja me nek dib senelemak nim era, ban laga lelemla yub enera, seleb ganya lomok ulusil. Bok Imik Neyung ak dib senenaʾ orok nim era, Imik Neyung ara sondaʾ lelelanya nenelemak. Ban unulumaknya nera, Imik Neyung adya alja me nemba lelemlaʾ anyek dib senenggulumakaʾ adya sondaʾ lelelanya nenelemak.

1 YOHANES 5:10 ပူးပေါင်းရင်းမြစ်များ

YOHANES 3:16

”Al Imik Neyung adya nimi soko nim ek, hyak wanaʾ ulusuukanya, alja me hyak hnonok bok, nimi soko nim amba bokol yeilisuk. Nimi nidyaʾ hnonok-hnonok alak dib senewoka dobnamak dara, somoganggunumak bok, embengaʾ unaʾ dibaʾ dorowanamak aboka, alja me bokol yeilisuk.

YOHANES 3:18

Alak dib senewoka dolomak nim era, Imik Neyung adya eimik yana lelewoka igina boyiwanggunesil. Bok, alak dib senenggulumak nim era, wera, Imik Neyung alja hnonok me nedya si nek dib senenggulumakaʾ anasa, seleb igina dobnemakaʾ lomok ulumak,” hyok.

YOHANES 3:33

Bok, alja lelemla yuba dib dololanya bedya dara, alda dolomlaʾ adya, Imik Neyung ara alda dib nongnya ulumla aboka laga amalamla,” hyok.

YOHANES 5:38

Ugunda alja bokol yeilimoknya bek dib senenggululumaʾ adya, alja yub era ugunja ganya lomok sam dibaʾ yinaʾ menggulusil.

RASUL 8:37

Dara Pilipus bedya Etiopianya bek, ”Neyung o, anda hyak Yesus ak ganya gekman dib senewamen dara, wera meka dabnenggen,” hyok. Dara Etiopianya bedya, ”Nara Yesus Kristus ara Imik Neyung bedya me dib ulumla ara dib senelamna,” hyok.

ROMA 8:16

Dara ban Geisinya adya, nunja ganya ek, nunda Imik Neyung bedya mab ulumab aboka, laga neklesil.

GALATIA 4:1

Bok nadya hnonok lelemnaʾ ara, nimi bonaʾ damnya benyek, anam mek me ulusobok dara, alja neyung bedya anda anaso uboka nebmen sum era, an bonaʾ anjaʾ ulumla nidyaʾ ara, anja meewoka ubnelam asobok dara, anam nenaʾ orok dara, alda bonaʾ oroknya oruknaʾ nang anaso ulumla.

GALATIA 4:6

Dara, ugunda alja mab ululumaʾ anasa leboka, Imik Neyung adya alja me nedya Geisinya bera, ugunja ganya ek bokol yeilisuk. Dara alda, ”Neyung o, nadyaʾ neyung o,” wenyalamla.

IBRANI 3:12

Nadyaʾ hemyabo nim o, ugun gangganek ara nimi ben hnon yuba dib senenaʾ loboka malya ubdibigamlyaʾ sok moruwoka, Imik Neyung embengaʾ ululanya bek ab, saawoka loblyek anasa, ugunda pe keeboka diri uldalalulum.

2 PETRUS 1:19

Ban nong anyek eiyiwoka, Imik Neyung adyaʾ nidyaʾ ununumnaʾ lelemek nang edya lemekaʾ ara gobdo dib senelemab. Dara, ban yub era, wesaʾ ak gunaʾ ak yeblamlaʾ anaso ulumlaʾ anasa, ugunja ganya lomok ara heng anam dorogol yabanaʾ anaso uboka, onoʾ yali sam ololaʾ anam yebnenggulumla salek enyek, ugunda ban wesaʾ enyek an pe keeboka sunuwoka ulumnelum aboka lebsin.

1 YOHANES 1:10

Nunja lelemabja, Nara malya ubnenggumsa wenyalamab dara, wera Imik Neyung ak sondaʾanya nenewoka, alja yub era nunja ganya lomok unggulusil.

1 YOHANES 5:1

Yesus ara Imik Neyung adya sokok blebsinaʾ dubnya Kristus aboka lesuk aboka dib senelelanya bera, alda aldib Imik Neyung alja me ulumla. Nimi hnon ben hnon ak wanaʾ ulumla dara, wera alaʾ me ak anaba wanaʾ ulumla.

WAHYU 12:17

Unuwokaʾ anasa, ban naga bagaʾ era hyak yu nong berewoka, gel gen nimi yilaʾ yok nim ek, Imik Neyung adya oruksin yub pe keboka unulumek nim eb, Yesus adya laga lenaʾ bolomek nim eb danyek, waregoka norowousuk.

WAHYU 2:17

”Heknya o yakaʾ ara, Imik Neyung Geisinya adya yuba donaʾ nim ek lelemlaʾ ara, pe keblul! Heknedya malya unaʾ ak ab oblamaganalanya bera, doknowoka ulumla mana gwaneng delom aboka elegoka, nadyaʾ geisa dangman girik era benyek eleganamna. Ban girik enyek ara, yok nim elgom ulumak. Alda sik dobnemak nim edya ok ella ubnemak wenyok si nenyek, momnya dorob girik ek eleganamna,” aro momnya dobnelam, hyok.

WAHYU 2:28

Dara, nara alak yale sam guraʾ ak eleganamna.”