1 YOHANES 4:16 - PERJANJIAN BARU NALCA YUBA

¹⁶ Dara nuk dara, Imik Neyung adya nuk wanaʾ ulusilaʾ ara, nunja ella dangoka dib senelemab. Imik Neyung alda wanaʾ unaʾ damoknya ulumla. Nimi wanaʾ unaʾ adya ok deknewoka ululanya bera, alda Imik Neyung ab neikaʾ hiboka uluraakanya, onoʾ bera Imik Neyung ab neikaʾ kwebdangoka ulurak.

1 YOHANES 4:16 ပူးပေါင်းရင်းမြစ်များ

YOHANES 6:69

Anak danyek, Imik Neyung adya geisaʾ ak bokol yeilinjoknya ululamaʾ ara, nunda dib senewoka ella ulunjab,” hyok.

YOHANES 9:3

Dara Yesus adya, ”Anam beiyimek salek ebaʾ henga lum ubmoruwoka alja malya ulumokaʾ amba, aljaʾ genong aljaʾ neyung adya malya ulurek amba gomaʾ. Alda Imik Neyung migib adya welemlaʾ laga dalya enyek nim eibnokaʾ aboka ubok.

1 KORINTUS 2:9

Alda saawoka, Imik Neyung yuba momnya dobok sok ara, ”Yokaʾ-yokaʾ nim adya henga eiyiwoka o kenggulumaknya nera, onoʾ nimi ganya adya seininaʾ lanenggulumlaʾ hnon nenyek, Imik Neyung adya, sik alak wanaʾ ulumak nim emba memesuk.”

1 YOHANES 3:1

Imik Neyung adya nuk hyak nauba yadyek ulusilaʾ anyek, ugunda kendululum. Anadya wera, nuk nadya mab aboka si silisil. Dara aldib, nunda Imik Neyung alja mab ulumabaʾ aja. Anasa wera, soko nim era Imik Neyung ak mekaʾ elgom ulumakaʾ adya, nuk anaba elgom ulusak.

1 YOHANES 3:16

Nunda ban pik enyek anyeb, wera nimi yok nim ek wanaʾ unaʾ damok era ella dangalamabaʾ ara, Yesus Kristus alja nong era, nunsamba leboka, nuk elegosukaʾ adya, ella dangalamab. Anasa wera, ban unuwosuk bar aboka, nunja nong enyek, nadya hemyab emba aboka elek lobnesibya.

1 YOHANES 3:24

Nimi nidyaʾ Imik Neyung yub ak dib senewoka ganya ologoka dolomak nim era, Imik Neyung al lomok ulumaakanya, albabya sik lomok ulusil. Hnonda alja Geisinya era seleb nuk elegesukaʾ adya, wera Imik Neyung ara nu lomok ulusil senewoka ella ulumab.

1 YOHANES 4:7

Nadya wanaʾ ulusin hemyabo nim o! Wanaʾ unaʾ ara Imik Neyung ak ab lanalamlaʾ anasa, nunda wanaʾ uldalamnemab e. Wanaʾ ganya ululanya bera, alda Imik Neyung adya beiyimoknya ulumlakanya, alda Imik Neyung ak ella ululanya bera an ulumla.