1 YOHANES 4:1 - PERJANJIAN BARU NALCA YUBA

¹ Nadya wanaʾ ulusin hemyabo nim o! Sondaʾ anasa nunda ununumnaʾ len nang aboka, bobnenewoka lemek nang era, mok soko nidyaʾ ob lelewal bok anasa, yok-yok senenaʾ ak ara salyaʾ dib senenaʾ ara loboka, alda men ganya seininaʾ enera Imik Neyung adyinya gom, nera yok gom aboka men sunuwomunjok, wera aldib senewanalum.

1 YOHANES 4:1 ပူးပေါင်းရင်းမြစ်များ

MARKUS 13:21

”Ban unu malya nenewanesil sum era, yok nim edya ugunuk yeiniboka, kendululum, nimi blebsinaʾ dubnya bera anyagan ulumla goma, kendululum, alda ono sam ulumla henesak dara, dib lebsak senenggom mem.

LUKAS 12:57

”Ugumba yok dara, hekasa perobnya nek unuwanamab aboka yuba gekenggululum do?

LUKAS 21:8

Anasa Yesus adya dara, ”Ugunuk bobnenewoka sondaʾ amba nauba malya ubsijek anasa, keeboka ulululum. Nimi nauba eimik era, nadya si sibuka yeijikanya, Alda nara an yan! anya, Wera soko dengan salek era seleb oka dal, henesak bok, ugunda dib senewoka dilinaʾ ara hyak mem.

RASUL 17:11

Dara, Berea heikek nim era, ganya hegom aboka perob so ulumek bok, Tesalonika nim ek dara, gasa ganya bolomek. Wera onoʾ, sikda Berea nim era, Paulus bedya Imik Neyung yuba lelemok dara, sikda ganya eleleng aboka pe dolomeekanya, onoʾ Paulus bedya Yesus yuba lelesil ara, aldib gom aboka dara, Imik Neyung yuba bukuk sam sobaʾ ella danob aboka eboka einilimek.

RASUL 20:29

Nak anyaganyeb ara bannya dara, yu nong bei gam anyek ugun gangganek yanamak. Dara, ugunja bo ulumun nang era, bei gam danadya sikja digin dibaʾ denaʾ danamak ara, ella ulumna.

1 KORINTUS 12:10

Hnon nim ek ara, yokaʾ-yokaʾ senenggomaʾ migib ununaʾ anyek, unuro yaban danasa wa migib en damok eleklamla. Onoʾ yok nim ek ara, ununumnaʾ lelelulaʾ aboka, an wa nen migibaʾ eleklamla. Al onoʾ neik Geisinya bedya hnon nim ek ara, ban nenera Imik Neyung wa ara ban, alda ban nenyek dara, Imik Neyung adyinya gomaʾ an wa migib eleklamla. Hnon nim ek ara, yok-yok sokok yuba ella danganaʾ damok migibaʾ eleklamla, hnon nim ek ara, yuba damok danyek nera damok ara, banyek lebok an danasa migib eleklamla.

1 KORINTUS 14:29

Imik Neyung yuba lesin nang ara, nimi penya gom winilya nimi gom, Imik Neyung yuba lelenok. Dara anyagan yuba longolomak nim era, hekaʾ ak lelemak do aboka, seiniro ulunok.

1 TESALONIKA 5:20

Imik Neyung adya nim ek eleklesil yub era malye senen ganya bonggom.

1 TESALONIKA 5:21

Yokaʾ-yokaʾ nidyaʾ sunuwomunukanya, perobaʾ ok gasa salabmoubuka ulululum.

2 TESALONIKA 2:2

Yesus ara wera seleb saawoka yeilimok an yub emba leboka, ugunda berra lok ganya boboka ganya daldom-daldom anaʾ ara mem. Nera or yuba lesijaʾ ak anyeb gom, ununumnaʾ len nang edya gom, nunjaʾ anaba ugunuk beillilesab momnya donaʾ ak anaba hnon wenyamek aboka ugunuk wenyheijek aboka lebna.

1 TIMOTIUS 4:1

Wera, Geisinya adya nuk laga poboka neklesilaʾ ara, dakalongnaʾ berem salek era, hnon nim era yuba dib senelemakaʾ ara goob loboka, sikda sondaʾ amba bobnenewoka lelesak yub ek hnon, bisaʾ adya ban nenyek unuwolulumaʾ aboka neklesil yub enyek, kebnemak.

2 TIMOTIUS 3:13

Bok, malya unaʾ hwam nimi hnon, sondaʾ hwam ok wekdeknewoka ulumak nim era, nauba malya danggiga balamnamla. Sikja dara, yok nim ek sondaʾ lelemak bok, onoʾ sikbabya dirigoka sondaʾ lelemnesak.

2 PETRUS 2:1

Youmaʾ dara, nimi yuba dolomekaʾ hnoum ara, sondaʾ amba yuba len nang aldalamek nimi hnon lanalemek. Anaso neikek weneba ugun gangganek ara sondaʾ amba bobnenewoka yuba lesin nim abdangoka hnon lanawanamak. Ban nang enedya dara, ugunuk ara dib gom yuba, nim ek malya gebellilimnesak yub enyek, bo lanawanasak. Dara sikja malya unaʾ emba dekesuknya senenggom Imik Neyung benyek unggulumla aboka bobnenewoka lebnesak. Unu Imik Neyung ak yaab lobnemakaʾ adya, senenggom somoknaʾ damok ara sik dam nang ek bo lanawanasil.

1 YOHANES 2:18

Najabo yab o! Yokaʾ-yokaʾ nidyaʾ sidyaʾ daknamla sum era, seleb oka dal! Hnonda eimik era Kristus ak isaʾ nenewanelanya hnon lanawanamlaʾ kelumaʾ ara, wera seleb lanawoka, nimi nauba Kristus ak isaʾ nenelemak. Wera anadya nunda sidyaʾ dakna salek era oka dal, senewoka ella ulumab.

1 YOHANES 2:7

Nadya hyak wanaʾ ulusin hemyabo nim o! Nadya wen ban momnya doboka beibsin anara wenyek yuba gom. Alda ugun anam Kristus ak dib senewoka dob einilum sum ugunuk seleb lesiknya nenyek, ugun anam sum Imik Neyung yuba nonga kelum yub ek beibsin.

2 YOHANES 1:7

Nim ek sondaʾ bobnenewoka malya nenelesak nang era, mok soko nidyaʾ oboka lelewal. Ban lebna nang danara, sikja dara, Yesus Kristus ara nimi nonga dangoka sokok yeilimok aboka laga lenggulumak nang ulumak. Anasa ban nang danara, sondaʾ hwam nang uboka, Kristus adya alja isaʾ nang ulumakaʾ ara an.

3 YOHANES 1:11

Nadya wanaʾ ulunggenaʾ hem o! Anda meilinya nek hyak dilinaʾ ara mem nong. Alda anda perobnya nenyek dililelom. Perob unaʾ unulumak nim era, sikda Imik Neyung adyinya ulumak. Alda malya unaʾ unuro ulumak nim era, sikda Imik Neyung ak elgom ulumak nim era an.

WAHYU 2:2

Anja hekaʾ unululamaʾ ara, anda wa yeiriwoka welelamaʾ hnon, anda ganya siklewoka welmorululamaʾ hnon, nara seleb ella ulumna. Anja ganya era malya ulumak nim ek or unulunok senenggululam. Nimi nidyaʾ yuba lenaʾ gak nang dibaʾ orokjok, nunda yuba lenaʾ gak nang aldalamak nang ek, anda seleb sunubyamalumukanya, sikda sondaʾ hwam nang ulumakaʾ ara, seleb ella dangalum.