1 YOHANES 3:4 - PERJANJIAN BARU NALCA YUBA

⁴ Malya ulumak nim era, malya unulumak dara, Imik Neyung adya unuwanalum an yub ek blekoka unulumak. Wera malya unaʾ damok ara, Imik Neyung adya unuwanalum an yub ek bleklemakaʾ damok ara al an.

1 YOHANES 3:4 ပူးပေါင်းရင်းမြစ်များ

MATIUS 5:19

Anasa wera, heknedya ban momnya dobok yuba danyek, hnonok mekaʾ sibin bleklamla dara, anya yok nim ek ugumba anaso unuwolulum aboka wenelesil dara, bera Imik Neyung wenesin heikek ara hyak mek nongnya danamla. Bok alda heknedya yok nim ek anaso unuwanalum aboka nim ak neklesil dara, Imik Neyung wenesin heikek sam senenggomnya danamla.

RASUL 23:3

Dara Paulus bedya, yuba lenaʾ dubnya Ananias bek lebokja, ”Sondaʾ anasa bobnenewoka geisa ulumna seneldalalamnya o, Imik Neyung adya ambabya waboka obnenggel. Anda anyagan bukoka Musa bedya unuwanalum an yuba sunuwoka nak yana lelenelem bok, onoʾ anda yub en blekoka, nak oblulum aboka nimek oruklelam,” hyok.

ROMA 3:20

Anasa wera, Yahudi nim emba unuwanalum an yub pik ab uboka, nimi nidyaʾ ara, Imik Neyung saramek ara, nimi hnonok sibin anaba, perobaʾ nenenaʾ orok. Oruksin yub era, malya unaʾ ak pe ella nonga danok aboka ok ulumla.

ROMA 4:15

Wera nimek wema dabnaʾ ara, oruksin yub edya lanaldilimla. Bok, hanyegarek unuwanalum an yuba unggulumlaʾ ak ara, wera anyeganera, meknenaʾ anaba unggulumla.

2 KORINTUS 12:21

Nara ugunuk an kemel yeisinya sum era, Imik Neyung adya ugun gangganek sokok nenewanelyek aboka, lok ganya bolomnaʾ ara, hnonda ugun gangganek youmaʾ unulum malya unaʾ enyek, gela salawoka, heng kemenaʾ malya dangalamla malya unaʾ unuwoka, meilinya unulumnya nenyek, eibkweboka ganya dangawanggumunaʾ anyek eiyiwoka, igin ganya bobnyek aboka, lok ganya bolomna.

YAKOBUS 5:15

Sikja molowanamakaʾ ara, hyak ganya dib senewoka molowanamak dara, wera Wenelesilnya bedya neiklelenya bera meriyiwoka, alja malya umlyaʾ ara meewanamla.

1 YOHANES 5:17

Nidyaʾ yokaʾ-yokaʾ meknewoka unulumaknya nera, anara malya unaʾ ok ulumla, bok hnon malya unaʾ ara dib somoganggunumak malya unaʾ hnon ulumla.