1 YOHANES 3:14 - PERJANJIAN BARU NALCA YUBA

¹⁴ Alda nunja ella ulumabnya nera, nunda somoknaʾ damok ok ab ara goubuka, embengaʾ unaʾ damok ok sam yeilimoubnya hnonok, ella ulumab. Nunda ban nen ella ulumabaʾ ara, nun kabo nim ek wanaʾ ulumabaʾ adya, anara ella ulumab. Wanaʾ unggulusilnya bera, wera weneba alda somoknaʾ lomok or anam ulumla.

1 YOHANES 3:14 ပူးပေါင်းရင်းမြစ်များ

MATIUS 25:40

Bok, Wenelesilnya bedya sikenek lebnamlaʾ ara, Ugunda ban nidyaʾ ara, ugunja nimi malya nim ek, sikda nadyaʾ hemyab ek, unusulum dara, wera nera nasamba unululumaʾ, anasa lebna, henesil.”

LUKAS 15:24

Nadya me nera seleb somokdowokaʾ ara, wera onsok embengaʾ dangoka yal. Alda dengarowok bok, wera onoʾ saaboka onsok eibnaʾ anasa, denaʾ neikaʾ hiboka denemab, aboka, wera sikda hyak nauba masa youboka deregoka eiya hlalamek.”

LUKAS 15:32

Bok nunda perob senewoka eiya daboka, pam oboka youbabaʾ ara, anja weis era seleb somogok bok, wera embengaʾ bukoka yal, seleb weiningdokjok, onoʾ saaboka eibabaʾ anasa, ubab! hyok,” wenyaboka lebok.

LUKAS 7:5

Alda nunja sokok an nim ek wanaʾ uboka, Yahudi nim edya yuba don e sonaʾ hnon alja arawoka ulusil anasa,” aboka okoka lebek.

YOHANES 13:35

Ugunda wanaʾ uldalamun dara, nimi nidyaʾ adya Yesus yuba doro diriga ban nang aboka, ella ubnesak,” hyok.

YOHANES 15:12

Ban oruklesin: Nara ugunuk wanaʾ ulusin sok, ugumba wanaʾ uldalamnalum aboka orugeisin.

YOHANES 15:17

Ugun dam nang wanaʾ uldalalulum aboka orugeisin,” hyok.

YOHANES 5:24

Nadya ban lelemnaʾ ara dib lebsin, heknedya nadya lelemna yub ek pe keboka neyung be na bokol yeilinyoknya bek dib senewalya dara, alda seleb embengaʾ unaʾ ara, alak dib uboka, alda seleb somoknaʾ damok ab ara, embengaʾ unaʾ ak sam yibilimokaʾ anasa, eimik alak Imik Neyung adya igina yakaʾ boyiwanggunusil.

2 KORINTUS 5:1

Nunda seleb ella ulumabaʾ ara, nunja e nera, nera nunja nong enyek, nu sokok an ulumab e nera golowanamla dara, nimi soruk adya songgulumak e nera, Imik Neyung adya solomlaʾ sobaʾ ulumnamla e nenyek, imik heikek Imik Neyung adya seleb sobsuk.

GALATIA 5:22

Imik Neyung Geisinya adya ganya dok ara, wanaʾ ganya hnon, ei-ei ganya hnon, namen ganya hnon, siklenaʾ ganya hnon, heknaʾ ganya hnon, pe ununaʾ ganya hnon, bojam un ganya hnon,

EPESUS 1:15

Wera anasa, ugunda Wenelesilnya Yesus ak dib senewoka domeekanya, onoʾ nimi nidyaʾ munaʾ Imik Neyung mab ulumak nim ek wanaʾ ulumak an yuba kebsisa dara,

EPESUS 2:1

Ugunda youmaʾ dara, ugunja meknenaʾ malya unaʾ lomok ululumaʾ adya, ganya ak dara, seleb somogolum bok ululum.

EPESUS 2:5

wera nunda meknelemouba salek era, ganya ara seleb somogouba ak sam anam ulumouba bok, Imik Neyung adya nub Kristus ab neikaʾ embengaʾ suboka bukiyiwosuk. Dara, Imik Neyung ganya anyek hyak perob nong adya ok, alja wanaʾ uboka eleksinaʾ adya ugun nong ara seleb blebsuk.

KOLOSE 1:4

Ugunja Kristus Yesus ak dib senelelumaʾ ab, munaʾ Imik Neyung mabo nidyaʾ ak wanaʾ ulumak an yub enyek, seleb kemoubaʾ anasa, unulumab.

1 TESALONIKA 4:9

Imik Neyung adya ugun kabo nim ek wanaʾ ubdanalum aboka seleb nekesukaʾ anasa, wera, ban yub en onoʾ momnya dobnenggunusibya.

IBRANI 13:1

Dara, ugunja hemyabo nim ek wanaʾ uldanaʾ ara hyak pe unulululum!

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

1 PETRUS 3:8

Anasa damok ara, ugunda nidyaʾ pe neik ganya boboka, neik yuba saboka ulululum. Ugunja unaʾ era neik noungousa enesoʾ anyek wanaʾ uldalalulum. Ugun moumen wanaʾ uldalamunukanya, ganya sokok nenebdangoka ulululum.

2 PETRUS 1:7

Dara, Imik Neyung senelamla sok sunuwoka ulumunuk ab dara, ugun neik yuba dololum nim ek perobaʾ lebdangoka yadyek ganya bobdangoka pe unuldalalulum. Ugun nim ek yadyek uboka pe unuldalamunuk ab dara, onoʾ nimi yok nim ek wanaʾ unaʾ dibaʾ pe unulusululum.

1 YOHANES 2:3

Nunda Imik Neyung yub ak pe keboka unulumab dara, wera nunda Imik Neyung ak dib ella ulumakaʾ damok ara an unulumab an.

1 YOHANES 3:23

Imik Neyung adya unulululum aboka oruklesilnya nera an: Nunda alja me si Yesus Kristus ak dib senewoka, onoʾ Kristus adya nuk lebsuk sok, nun moumen wanaʾ uldalamnemab aboka oruklesil.

1 YOHANES 4:12

Nimi hnonok sibin anaba, Imik Neyung ak ara heng eilinaʾ orok bok, nun moumen wanaʾ uldalamnemab dara, Imik Neyung ara nub neikaʾ kwebdangoka ulumnemabakanya, alja wanaʾ unaʾ ara, nun lomok kalasil.

1 YOHANES 5:13

Ugun Imik Neyung bedya me si nek dib senelelum nim ek, ban momnya doboka beibsin. Anadya ugunda dib embengaʾ ulmoubnaʾ ara seleb nunjaʾ ak ulusil senewoka ella dolulumaʾ aboka ubna.

1 YOHANES 5:2

Wera ban pik enedya danyek, nunda Imik Neyung mab ak wanaʾ ulumabaʾ ara ella dangalamab. Nunda Imik Neyung ak wanaʾ ulumabakanya, alja oruklesil yub ek dib senewoka ganya oloklemab dara, nunda Imik Neyung mab ak wanaʾ ulumab.