1 YOHANES 3:13 - PERJANJIAN BARU NALCA YUBA

¹³ Nadya hemyab o, anasa wera, sokok an nim edya ugunuk malya nenewoka derewoka walasak dara, ugunda salya lelesak aboka lok ganya bonggom.

1 YOHANES 3:13 ပူးပေါင်းရင်းမြစ်များ

MATIUS 10:22

Ugunda nadya si nenesa leboka, nimi nidyaʾ ara, ugunuk hyak lek senelemnesak, bok pe sekmouboka ulumlyaʾ ara sidyaʾ dagalongnaʾ salek ubnelanya bera blebnamla.

MATIUS 24:9

”Anasa ugunuk dara, henga gouboka malya nenewoka dibaʾ obsinokaʾ aboka yok nim ek eleganesak. Ugunda nadya yuba donaʾ nim uboka nasamba ululumaʾ anasa, nidyaʾ soko nim edya ugunuk lek senewanesak.

MARKUS 13:13

Ugunda nadya si nenesa leboka, nimi nidyaʾ ara ugunuk lek senelemnesak. Bok ban nidyaʾ unuldalameija hnoum an siklewoka bulumlyaʾ ara sidyaʾ daknamla dara, benyek eimik era blebnamla,” wenyaboka neksuk.

LUKAS 21:17

Ugunda nadya yuba donaʾ nang dibaʾ ulumunaʾ anasa leboka, nimi nidyaʾ ugunuk lek senelemnesak.

LUKAS 6:22

Nimi dibaʾ me nemba leboka, sikda ugunuk walamnesak, hnonda bisaʾ si ak geklewoka derelemnesak, hnonda malya nenewoka di songa leboka walasija dara, wera pe ululum.

YOHANES 16:2

Ugunuk Imik Neyung ek sam abaʾ ara, yaklemnasak. Dara, onoʾ hnon, sik unulusija nim edya dara, Imik Neyung amba nunda pe giboka unulumab senelemeija salek era, yanamla.

YOHANES 16:33

Nadya ban orowek men ugunuk nidyaʾ laga lelesinaʾ ara, ugunda nablaboka seleb hnonok dangoka, perob ok ulululum aboka lelesin. Ugunda sokok an anam ulumun salek, yokaʾ-yokaʾ damok oka kwelemnesil bok, sokok an yokaʾ-yokaʾ damok ara, nadya seleb yu gom nenewasaʾ anasa, ugunja ganya siklewoka kaboka ulululum,” hyok.

YOHANES 17:14

Neyung o, anja yub enyek sikenek seleb leb elegesisaakanya, nara sokok anyebnya unggulumna sok, sikba sokok anyeb nang unggulumakaʾ anasa, wera sokok an yokaʾ nim edya sikenek lek senelesak.

YOHANES 3:7

Nadya ugunuk saaboka beibnesil wenyalasinaʾ ara, anda loka dabnenggununggeso.

YOHANES 7:7

Soko nim edya dara, ugunuk ara lek senenggulusak bok, nak dara, sikja unulumakaʾ anyek, malyaʾ aboka pyagaʾ geblamnaʾ anasa, sikda nak lek senelenyak.

RASUL 3:12

Wera, Petrus bera nimi nauba eiyimok dara, sikenek, ”Wei ugunda Israeli nim o, ugunda hekasa ban unumlaʾ ak loka dasil do? Ugunda hekasa nuk ngekellublesulum do? Ban nonga heiboknya bera nunja migib edya gom, nunda hyak pe ulunam adya gom, yan ingi yabalamla senelum de.

ROMA 8:7

Dara nim adya ganya seininaʾ era, alda Imik Neyung adya unuwanalum an yub ak ganya beildanggulumla anasa, Imik Neyung adya isaʾanya ulumla. Anasa aldib, ban yub enyek dara, alda hyak okna ak ulumla.

2 TIMOTIUS 3:12

Anasa wera, nimi nidyaʾ Yesus Kristus ablaboka neikaʾ kwebdangoka uboka, Imik Neyung amba gobdo geisa ulunob senelemak nim ek, lobaʾ nenewoka ol neblemnesak.

YAKOBUS 4:4

Ugunda hyak bojam unaʾ orok nim ek ululum! Nimi sokok ab kwebdangoka ulumak dara, Imik Neyung ak ara, isaʾ geblemakaʾ ara, ugunda ella ululum de? Anasa nimi ben hnon sokok sam wanaʾ ulunun senelelanya bera Imik Neyung ak ara isaʾanya geblamla.

WAHYU 17:7

Anasa ban lero era nak, ”Anda hekasa omom ganya bololam do? Wera anasa nara anak, ban gel gera, alda hek gel ge ulumlaʾ ara, al yok yu nongaʾ enyek, alak abagamokaʾ ara, huk ara sekbadya ubookanya, bonga sagobadya bogokaʾ anyek, neknenggen.