1 YOHANES 3:11 - PERJANJIAN BARU NALCA YUBA

¹¹ Nunda wanaʾ uldalamnemab an yub era, men youbuka ugunuk seleb leb elegesik.

1 YOHANES 3:11 ပူးပေါင်းရင်းမြစ်များ

YOHANES 13:4

Dara, Yesus debdakok dara, alda sekoka eilibik akleng gwiriwoka, mek lubnaʾ akleng adya der pik wegebdangamok.

YOHANES 15:12

Ban oruklesin: Nara ugunuk wanaʾ ulusin sok, ugumba wanaʾ uldalamnalum aboka orugeisin.

GALATIA 6:2

Ugun moumen yok nim edya igin ulumlaʾ anyek, arawoka bobdangoka unulululum. Dara, Kristus adya unuwanalum an yuba pe unululumaʾ beknaʾ dangalamlaʾ ara an.

EPESUS 5:2

Kristus nonga somogokaʾ ara so meklaʾ song anasoʾ ak, Imik Neyung ganya hek elegoka, al nong ara nusamba beibdangoka somogosuk sok, ugunda wanaʾ ganya boboka unura yabalelulum.

1 TESALONIKA 4:9

Imik Neyung adya ugun kabo nim ek wanaʾ ubdanalum aboka seleb nekesukaʾ anasa, wera, ban yub en onoʾ momnya dobnenggunusibya.

1 TIMOTIUS 1:5

Nadya anak wenelenggenaʾ ara, nim ara perob ganya bobnokaʾ aboka hnon geisa ganya anyek ganya dukduk nong ok ulululaʾ aboka hnon, dara onoʾ sikda Wenelesilnya bek hyak dibaʾ ganya ologoka ulumeijekanya, wera ban adya sik kabo nim ek wanaʾ ulunok senewoka wenelesilomaʾ, aboka lelemna.

1 PETRUS 1:22

Ugunda Imik Neyung yub anyek dib senelelumaʾ adya, ugun nong ara seleb geisa nenebdangoka, neik yuba dololum nim ek ara pe wanaʾ ulusulum. Anasa leboka, ugun moumen pe ganya goluwoka wanaʾ uldalalulum.

1 PETRUS 3:8

Anasa damok ara, ugunda nidyaʾ pe neik ganya boboka, neik yuba saboka ulululum. Ugunja unaʾ era neik noungousa enesoʾ anyek wanaʾ uldalalulum. Ugun moumen wanaʾ uldalamunukanya, ganya sokok nenebdangoka ulululum.

1 PETRUS 4:8

Nim ara sik moumen wanaʾ uldalamnaʾ adya, onoʾ malya unaʾ nauba bok, laga lebdangoka doboka bologoldalamakaʾ anasa, yok-yok ununaʾ era mek so bok, ugun moumen anyek hyak nauba wanaʾ uldalalulum.

1 YOHANES 1:5

Ban yub enyek alja me nek ab kemoubukanya, ugunuk leb elegesuba yub era ban: Imik Neyung ara alda dilinaʾ ok uboka, gunaʾ ara al lomok hnon mekaʾ unggulumla.

1 YOHANES 4:11

Nadya wanaʾ ulusin hemyabo nim o, Imik Neyung adya nuk anaso unu wanaʾ ulusil dara, wera numbabya nun moumen wanaʾ uldalanob.

1 YOHANES 4:21

Ban nenesa leboka, Kristus adya unulululum aboka nuk elegesuk yub era ban: ”Heknedya Imik Neyung ak wanaʾ ulumla dara, wera alkab ek anaba wanaʾ ululul,” hyok.

1 YOHANES 4:7

Nadya wanaʾ ulusin hemyabo nim o! Wanaʾ unaʾ ara Imik Neyung ak ab lanalamlaʾ anasa, nunda wanaʾ uldalamnemab e. Wanaʾ ganya ululanya bera, alda Imik Neyung adya beiyimoknya ulumlakanya, alda Imik Neyung ak ella ululanya bera an ulumla.

2 YOHANES 1:5

Anasa wera, genong o, nara nun moumen wanaʾ uldalanobaʾ aboka hyak pe molowagen. Wera ban wenyhenya nera, nadyok wen seiniwoka lebnenggubna. Alda men youmaʾ yuba dib senemouba wenyek, nuk seleb elegesuk yub ek, lebna.