1 YOHANES 3:10 - PERJANJIAN BARU NALCA YUBA

¹⁰ Anara Imik Neyung mab ulumak, nenera Iblis mab ulumakaʾ aboka, beknaʾ damoka ella dangalamabaʾ ara ban adya. Heknedya Imik Neyung seinilamlaʾ ak ununggulumla gom, al kab ek wanaʾ unggulumla gom dara, wera bera alda Imik Neyung alja me unggulumlaʾ ara an.

1 YOHANES 3:10 ပူးပေါင်းရင်းမြစ်များ

MATIUS 13:38

Wa ara soko ara an. Perob yinaʾ ara, nimi nidyaʾ Imik Neyung mabo dangalamak nim era an. Walenja ak dara, bisaʾ ak sam maklemak nim era an.

LUKAS 6:35

Bok ugunuk dara, ugunja isaʾ nim ek wanaʾ ulumunukanya, sikenek pe unulumnulum. Ugunja bonaʾ yok nim ek seʾ elek lobmun dara, naba lunuwoka men elegonulul senen ganya bonggom. Ugunda nenesonya nenyek unulumun dara, ugunja deknaʾ imik heikek nauba uboka, ugunda Imik Neyung imik ululanya bedya mabo dibaʾ ulumnelum ara an. Al Imik Neyung ara, alda perob unaʾ elgom ulumak nim ek hnon, onoʾ perob aboka gibnenggulumak nim ek anaba, pe unulusilaʾ anasa, ugumbabya unulumnulum.

YOHANES 1:12

Bok, alak dib domek nanga nidyaʾ ara, alja si nek dib senemek nim era, Imik Neyung mabo dangalamak migiba elegosuk.

YOHANES 11:52

Ban somoganamoknya nera, sik Yahudi nim emba ok lebnenggumok bok, nidyaʾ Imik Neyung mabo bokgogoka ulumek nim enyek, bolowoka neikaʾ ak nenewosululaʾ aboka somoganamoknya nenesa, ununumnaʾ dibaʾ lemok.

YOHANES 8:44

Ugunda bisaʾ dubnya bedya mab ululum. Ugunjaʾ neyung Iblis dubnya bera hyak youmaʾ ek moruwoka dib osinaʾanya ulumlakanya, alda hyak dib unaʾ alak mekaʾ unggulumla. Dib yub ak sam mekaʾ uruma doboka neikaʾ unaʾ ara hyak unggulurak. Alda sondaʾ lenaʾ hwam dubnya ulumlakanya, sondaʾ lelemlaʾ ara aljinya nenesa, doumdigum dangalamla.

YOHANES 8:47

Imik Neyung ak, al yalamak nim era Imik Neyung yuba perob aboka ganya gwelelek aboka dolomak bok, ugunda Imik Neyung mabo dibaʾ unggululumaʾ adya, kenggululum,” hyok.

RASUL 13:10

”Wei, anda hyak sondaʾ hwamnya ululam. Anda bisaʾ me uboka, nimi perobaʾ nenesinaʾ amba isaʾ nang dangallisinanya ululam. Anda hekasa Imik Neyung adya jongaʾ meemoknya nek sobaʾ soldol meneklelam do?” aboka lemok.

ROMA 13:8

Ugunda yokaʾ-yokaʾ bol lonaʾ ara hyak mem. Bok ugunda yok nang eb wanaʾ uldalalulum. Wera anasa heknedya alaʾ nim ak wanaʾ ulusil dara, alda Yahudi nim emba unuwanalum an yuba beknaʾ sunuwoka unulamla.

EPESUS 5:1

Ugunda Imik Neyung adya wanaʾ ulusil mab ek ululumaʾ anasa, Imik Neyung adya unulamla ununaʾ enyek, diliwoka numba anaso ulunob senen ganya bolomnemun nim ek ulululum.

KOLOSE 3:14

Anya ban nidyaʾ amba dib nongnya nera, wanaʾ uldanaʾ anyek, neikaʾ hiboka munaʾ pe goublesilaʾ anyek, ganya enyek sobaʾ bololulum.

1 TIMOTIUS 1:5

Nadya anak wenelenggenaʾ ara, nim ara perob ganya bobnokaʾ aboka hnon geisa ganya anyek ganya dukduk nong ok ulululaʾ aboka hnon, dara onoʾ sikda Wenelesilnya bek hyak dibaʾ ganya ologoka ulumeijekanya, wera ban adya sik kabo nim ek wanaʾ ulunok senewoka wenelesilomaʾ, aboka lelemna.

1 YOHANES 2:29

Alda pelemlaʾ ok ulumlaʾ ara, ugunda ella ululum. Anasa, pelemak nimi nidyaʾ ara, anera alak ab beiyimek nim ulumakaʾ ara, ugumbabya nen hnon ella ululum.

1 YOHANES 3:1

Imik Neyung adya nuk hyak nauba yadyek ulusilaʾ anyek, ugunda kendululum. Anadya wera, nuk nadya mab aboka si silisil. Dara aldib, nunda Imik Neyung alja mab ulumabaʾ aja. Anasa wera, soko nim era Imik Neyung ak mekaʾ elgom ulumakaʾ adya, nuk anaba elgom ulusak.

1 YOHANES 3:2

Nadya wanaʾ ulusin hemyabo nim o, nunda wenera Imik Neyung mab ulumab bok, eimik ek dara, hekaʾ huboka ulumnemabaʾ ara, okoka laga danganggulumla. Bok Kristus anyek eimik yanamla dara, alja nong yokaʾ nong ak eibnamabaʾ anasa, nunda also danamab anyek hnonok, ella ulumab.

1 YOHANES 4:21

Ban nenesa leboka, Kristus adya unulululum aboka nuk elegesuk yub era ban: ”Heknedya Imik Neyung ak wanaʾ ulumla dara, wera alkab ek anaba wanaʾ ululul,” hyok.

1 YOHANES 4:6

Bok nuk dara, Imik Neyung ak ab nim ulumab. Dara, Imik Neyung ak ella ulumak nim era, nunja yuba kelemak. Bok, Imik Neyung ak ab unaʾ orok nim edya dara, nunja lelemab yub ek kenggulusak. Wera nunda ban adya dib ulumla ganya seininaʾ ab, sondaʾ anasa seininaʾ eb, ella dangalamab.

1 YOHANES 4:8

Imik Neyung ara wanaʾ ululanya anasa, nimi ben hnon alda wanaʾ unggulumla dara, wera Imik Neyung bek ara elgom ulumla.

1 YOHANES 5:19

Soko me nidyaʾ ara bisaʾ adyok salawoka bo ulumla bok, nuk dara, Imik Neyung alja mab ulumabaʾ anyek hnonok ella ulumab.

1 YOHANES 5:2

Wera ban pik enedya danyek, nunda Imik Neyung mab ak wanaʾ ulumabaʾ ara ella dangalamab. Nunda Imik Neyung ak wanaʾ ulumabakanya, alja oruklesil yub ek dib senewoka ganya oloklemab dara, nunda Imik Neyung mab ak wanaʾ ulumab.

3 YOHANES 1:11

Nadya wanaʾ ulunggenaʾ hem o! Anda meilinya nek hyak dilinaʾ ara mem nong. Alda anda perobnya nenyek dililelom. Perob unaʾ unulumak nim era, sikda Imik Neyung adyinya ulumak. Alda malya unaʾ unuro ulumak nim era, sikda Imik Neyung ak elgom ulumak nim era an.