1 YOHANES 2:7 - PERJANJIAN BARU NALCA YUBA

⁷ Nadya hyak wanaʾ ulusin hemyabo nim o! Nadya wen ban momnya doboka beibsin anara wenyek yuba gom. Alda ugun anam Kristus ak dib senewoka dob einilum sum ugunuk seleb lesiknya nenyek, ugun anam sum Imik Neyung yuba nonga kelum yub ek beibsin.

1 YOHANES 2:7 ပူးပေါင်းရင်းမြစ်များ

MATIUS 5:43

”Ugunda yuba hnon ulumlaʾ ara, Ugun kabo nim ek ara wanaʾ ulumunukanya, ugunja isaʾ nang ek ara lek ganya bololulum an yub ek ella ululum.

YOHANES 13:34

Wenyok unulumnulum yub ugunuk elegeisin: Ugunuk nadya wanaʾ ulusisa sok, ugumbabya wanaʾ uldalamnalum.

RASUL 17:19

Dara, sikda Paulus bek eboka bobek dara, Areopagus meinik sam longomekaʾ ak sam bo byik. Dara, anyaganyeb sikja Paulus bek lebek ara, ”Nunda wen anja wenyok ella danganaʾ lero yabalelam anyek ella danamab anasa, or lebsilom,” aboka molomek.

IBRANI 6:9

Bok nadya wanaʾ ulusin hemyabo nim o, nunja an wenhyabaʾ anaba, nunja dara, ugunuk ara or malye, dibaʾ pe ulumakaʾ anyaʾ senelesab. Anya, nunja dara, ugunuk ara sikda Imik Neyung adya perobaʾ, sik blebnesisoʾ ara seleb dobekaʾ anyaʾ senelesab.

1 YOHANES 2:24

Anasa wera, ugunda anam yuba dib seneb einilum sum kelum yub era, ganya lomok beiyiwoka pe keeboka diri ulululum. Yuba nong enyek pe keeboka diri bo ulumnelum dara, wera ugunda sobaʾ Imik Neyung ab, alja me neb neikaʾ kwebdangoka ulumnelum.

1 YOHANES 3:11

Nunda wanaʾ uldalamnemab an yub era, men youbuka ugunuk seleb leb elegesik.

1 YOHANES 3:2

Nadya wanaʾ ulusin hemyabo nim o, nunda wenera Imik Neyung mab ulumab bok, eimik ek dara, hekaʾ huboka ulumnemabaʾ ara, okoka laga danganggulumla. Bok Kristus anyek eimik yanamla dara, alja nong yokaʾ nong ak eibnamabaʾ anasa, nunda also danamab anyek hnonok, ella ulumab.

1 YOHANES 3:21

Nadya hyak wanaʾ ulusin hemyabo nim o, anasa wera, nunja ganya edya nuk malya nenesinaʾ orok dara, wera nunda Imik Neyung ak pe asaʾ ganya boboka alak binimab.

1 YOHANES 3:23

Imik Neyung adya unulululum aboka oruklesilnya nera an: Nunda alja me si Yesus Kristus ak dib senewoka, onoʾ Kristus adya nuk lebsuk sok, nun moumen wanaʾ uldalamnemab aboka oruklesil.

1 YOHANES 4:1

Nadya wanaʾ ulusin hemyabo nim o! Sondaʾ anasa nunda ununumnaʾ len nang aboka, bobnenewoka lemek nang era, mok soko nidyaʾ ob lelewal bok anasa, yok-yok senenaʾ ak ara salyaʾ dib senenaʾ ara loboka, alda men ganya seininaʾ enera Imik Neyung adyinya gom, nera yok gom aboka men sunuwomunjok, wera aldib senewanalum.

1 YOHANES 4:11

Nadya wanaʾ ulusin hemyabo nim o, Imik Neyung adya nuk anaso unu wanaʾ ulusil dara, wera numbabya nun moumen wanaʾ uldalanob.

1 YOHANES 4:21

Ban nenesa leboka, Kristus adya unulululum aboka nuk elegesuk yub era ban: ”Heknedya Imik Neyung ak wanaʾ ulumla dara, wera alkab ek anaba wanaʾ ululul,” hyok.

1 YOHANES 4:7

Nadya wanaʾ ulusin hemyabo nim o! Wanaʾ unaʾ ara Imik Neyung ak ab lanalamlaʾ anasa, nunda wanaʾ uldalamnemab e. Wanaʾ ganya ululanya bera, alda Imik Neyung adya beiyimoknya ulumlakanya, alda Imik Neyung ak ella ululanya bera an ulumla.