1 YOHANES 2:6 - PERJANJIAN BARU NALCA YUBA

⁶ Heknedya nara Imik Neyung ab neikaʾ kwebdangoka ulunam wenyalalanya bera, alda Kristus adya nidyaʾ unulumok diligaʾ doboka lunuwoka unululul.

1 YOHANES 2:6 ပူးပေါင်းရင်းမြစ်များ

MATIUS 11:29

Nara namen uboka, ganya sokok gebdangoka ulunanya bek anasa, nadya bollilesin igin yakaʾ era dobnelum dara, nak anyeb yokaʾ nidyaʾ einiwoka ella danalum dara, nara ugunuk ganya daklinggoka unaʾ eleganesin.

YOHANES 13:15

Nara ugunuk ubsin sok, ugumbabya unuldalamnalum aboka, beknaʾ dibaʾ ara an elegeisin.

YOHANES 15:10

Nadyaʾ neyung bedya orugenyok yub keboka unulamsakanya, alja wanaʾ unaʾ ak ulumna sok, ugumbabya nadya oruklesin yuba keboka unulumun dara, ugunda nadya wanaʾ un ak ulumnulum.

1 KORINTUS 11:1

Nababya Kristus adya unulamlaʾ anyek, diliwoka ulumna sok, ugumbabya nadya unulunanya nenyek dililenululum e.

EPESUS 5:2

Kristus nonga somogokaʾ ara so meklaʾ song anasoʾ ak, Imik Neyung ganya hek elegoka, al nong ara nusamba beibdangoka somogosuk sok, ugunda wanaʾ ganya boboka unura yabalelulum.

1 PETRUS 2:21

Ban nenesa leboka, Imik Neyung ara ugunuk youbsuk. Anasa Kristus ara ugunsamba leboka somogookanya, ugunda alja unaʾ diliwoululumaʾ aboka, alda ugunsamba pik dibaʾ yarawousuk.

1 YOHANES 2:28

Najabo yab o! Anasa wera, ugunda Kristus ab neikaʾ sobaʾ kwebdangoka ulululum. Anadya wera, asaʾ ganya boboka al yalyaʾ ak binobaʾ aboka, alya anasa lomok doknoweibyek aboka pe keeboka ulululum.

1 YOHANES 2:4

Ben hnon leleladya, ”Nara Imik Neyung ak ella ulumna,” alaladyok, alja alak oruklamla anyek pe ununggulumla dara, bera alda sondaʾanya ulumlakanya, dib yub ara alja ganya lomok unggulumla.

1 YOHANES 3:24

Nimi nidyaʾ Imik Neyung yub ak dib senewoka ganya ologoka dolomak nim era, Imik Neyung al lomok ulumaakanya, albabya sik lomok ulusil. Hnonda alja Geisinya era seleb nuk elegesukaʾ adya, wera Imik Neyung ara nu lomok ulusil senewoka ella ulumab.

1 YOHANES 3:6

Ben hnon ara, Kristus ablaboka neikaʾ kwebdangoka uluraknya bera, sob-sobaʾ sounuwoka malya ununggulumla. Sob-sobaʾ sounuwoka malya unululanya bera, Kristus ak anam eilinaʾ orokaʾ uboka, alda hyak elgom ulumla.

1 YOHANES 4:17

Sokok anyeb, numba Kristus ulumla sok, unu ulumeibya anasa, Yesus adya yana lelewanasil sum era, wera asaʾ ganya bobnemab aboka, wanaʾ unaʾ ara nu lomok kalasil.