1 YOHANES 2:4 - PERJANJIAN BARU NALCA YUBA

⁴ Ben hnon leleladya, ”Nara Imik Neyung ak ella ulumna,” alaladyok, alja alak oruklamla anyek pe ununggulumla dara, bera alda sondaʾanya ulumlakanya, dib yub ara alja ganya lomok unggulumla.

1 YOHANES 2:4 ပူးပေါင်းရင်းမြစ်များ

YOHANES 8:44

Ugunda bisaʾ dubnya bedya mab ululum. Ugunjaʾ neyung Iblis dubnya bera hyak youmaʾ ek moruwoka dib osinaʾanya ulumlakanya, alda hyak dib unaʾ alak mekaʾ unggulumla. Dib yub ak sam mekaʾ uruma doboka neikaʾ unaʾ ara hyak unggulurak. Alda sondaʾ lenaʾ hwam dubnya ulumlakanya, sondaʾ lelemlaʾ ara aljinya nenesa, doumdigum dangalamla.

TITUS 1:10

Yuba blekoka eʾ dem yuba leboka, nimi gliboka yokaʾ amba bo balasak nim era nauba ulumak. Okoka dara, Yahudi yuba domek nimi nong enyek, anaso nauba ulumak.

TITUS 1:16

Sikda sondaʾ anasa nunda Imik Neyung ak ella ulumab alamak bok, sikja unulumakaʾ adya, ella ulumab anaʾ ak sonda nenelemak. Sikda omoma dablesil nim ulumak. Sikda yub ak ganya dib oloknaʾ ara lek senelemak nim ulumak. Sikda perobnya nemba dara, pe ununaʾ ara unuwanggunuseng nim ek anara ulumak.

1 YOHANES 1:10

Nunja lelemabja, Nara malya ubnenggumsa wenyalamab dara, wera Imik Neyung ak sondaʾanya nenewoka, alja yub era nunja ganya lomok unggulusil.

1 YOHANES 1:6

Nunda gunaʾ lomok anam ulumabjok, nunda Imik Neyung ab neikaʾ ganya kwebdangoka ulumab alamab dara, nunda sondaʾ leldalamabakanya, dib yub ara nunda ununggulumab.

1 YOHANES 1:8

Nun dam nang leldalamabja, Nak malya unaʾ unggulunel aldalamab dara, wera nu damnya bol neneldalamabakanya, dib yub ara nunja ganya lomok sam unggulusil.

1 YOHANES 2:3

Nunda Imik Neyung yub ak pe keboka unulumab dara, wera nunda Imik Neyung ak dib ella ulumakaʾ damok ara an unulumab an.

1 YOHANES 2:9

Nimi ben hnon, ”Nara dilinaʾ ak ulumna,” alaladyok, al kab ek lek senelamla dara, bera weneba or anam gunaʾ ak ulmorulamla.

1 YOHANES 3:6

Ben hnon ara, Kristus ablaboka neikaʾ kwebdangoka uluraknya bera, sob-sobaʾ sounuwoka malya ununggulumla. Sob-sobaʾ sounuwoka malya unululanya bera, Kristus ak anam eilinaʾ orokaʾ uboka, alda hyak elgom ulumla.

1 YOHANES 4:20

Nimi ben hnon leleladya, ”Nara Imik Neyung bek wanaʾ ulumna,” alaladyok, alkabo nim ek wanaʾ usinaʾ orok dara, alda sondaʾ lelelanya ulumla. Anasa wera, nimi ben hnon alkabo heng eillililanya benyek wanaʾ unaʾ orok dara, wera Imik Neyung heng eilinggululanya bek ara, alda hekaʾ huboka wanaʾ ubnamso do?

1 YOHANES 4:7

Nadya wanaʾ ulusin hemyabo nim o! Wanaʾ unaʾ ara Imik Neyung ak ab lanalamlaʾ anasa, nunda wanaʾ uldalamnemab e. Wanaʾ ganya ululanya bera, alda Imik Neyung adya beiyimoknya ulumlakanya, alda Imik Neyung ak ella ululanya bera an ulumla.