1 YOHANES 2:14 - PERJANJIAN BARU NALCA YUBA

¹⁴ Najabo yab o, momnya doboka beibsinya nera, ugunda mekmab era ugunja neyung Imik Neyung bek seleb ella dangalumaʾ anasa, ubsin. Neyung yab o, ugunuk momnya doboka beibsinya nera, ugunda men youmaʾ ulumok yub ek seleb ella dangalumaʾ anasa, ubsin. Goubenya nang o, ugunuk momnya doboka beibsinaʾ ara, ugunda migib ululumaʾ anasa, ubsin. Imik Neyung yub ara ugunja ganya ek seleb ulusil. Dara onoʾ, yu bisaʾ ara seleb ugunja yugom nenelumaʾ anasa, ubsin.

1 YOHANES 2:14 ပူးပေါင်းရင်းမြစ်များ

YOHANES 15:7

Ugunda nablaboka kwebdangoka ulumeibyekanya, nadya lelesin yub era, ugunja ganya lomok sam ulusilya dara, ugunda yokaʾ-yokaʾ dobsibya senelelumaʾ anyek, elegeisilom aboka mololomun dara, ugunuk eleganesil.

YOHANES 5:38

Ugunda alja bokol yeilimoknya bek dib senenggululumaʾ adya, alja yub era ugunja ganya lomok sam dibaʾ yinaʾ menggulusil.

YOHANES 8:31

Dara, onoʾ Yesus adya Yahudi nang alak dib senemek nang ek lebokja, ”Ugunda nadya lelesin yub ek salabmoubmun dara, aldib, ugunda nak diriga yalalum nim ulumnulum.

YOHANES 8:37

Dara, onoʾ Yesus hnon lebokaʾ ara, ”Ugunda Abraham nang yilaʾ ululumaʾ ara eillilisin bok, nadya yub enyek ugunja ganya lomok sam doboka beilinaʾ orok bok adya, ugunda nak obnenobaʾ aboka ulunulumaʾ ara, nara ella ulumna.

EPESUS 6:10

Anya wera, ugunda Wenelesilnya lomok uboka, migibaʾ ak ulululum. Alja senenggomaʾ unulamla migibaʾ ak ab doboka ulululum.

PILIPI 4:13

Alda nak migib eleklenel Kristus aralenelaʾ adya, yok-yok igina kwelenel bok pe ulumnesinya ok senen ganya bolomna.

KOLOSE 1:11

Ugunuk yokaʾ-yokaʾ lanawanesilaʾ ara, ganya eiya daboka, or malye senewoka, migibaʾ bal morulululum aboka, alja perobaʾ senenggom migib edya ugunuk migib gebsulul.

KOLOSE 3:16

Wera Kristus adya yub enyek, ugunuk sobaʾ sounubgiga balasulul. Dara, yokaʾ-yokaʾ munaʾ gobdo geremsengaʾ adya, ugunda yok nang ek nekoka, wenebdangoka ulululum. Anya, mazmur ber adya hnon, yok giboka sebnaʾ ber edya hnon, yub donaʾ ak geklen ber edya hnon, ugunda Imik Neyung ak perob aboka bera danedya seboka giblelulum.

2 TIMOTIUS 2:1

Nadya me Timotius o! Kristus Yesus ak pik uboka Imik Neyung adya wanaʾ uboka eleksinaʾ adya, anda migib nongaʾ dangoka ululom.

IBRANI 8:10

Ban wenyhesa salek en seleb dara, ban wenyek Israeli nim eb wenyaldanaʾ yub eleganesin. Nadyaʾ anaso unubdanamab an yub era, sikjaʾ ganya seininaʾ ak doronggoka, momnya dobnesin. Dara na nong ara, sikjaʾ Imik Neyung danamna dara, sik nong ara nadya mabo yokaʾ danamak.

1 YOHANES 1:1

Ban yub enyek nidyaʾ ara, nim embengaʾ unaʾ eleklesil yuba men youmaʾ ek moruwoka ulumokaʾ anyek momnya dobab. Nunja o kemoubukanya, heng eiyimouba. Nunja seleb okoka eiyiwoka onoʾ nunja soruk edya seleb salamouba.

1 YOHANES 1:10

Nunja lelemabja, Nara malya ubnenggumsa wenyalamab dara, wera Imik Neyung ak sondaʾanya nenewoka, alja yub era nunja ganya lomok unggulusil.

1 YOHANES 2:13

Neyung yab o, ban ugunuk momnya dobsinaʾ ara, men youmaʾ youbuka ulumoknya bek seleb ella ululumaʾ anasa, ubsin. Goubenya nang o, ugunuk ara yu hwam bisaʾ enyek seleb oblamakalumaʾ anasa, momnya dobsin.

2 YOHANES 1:2

Dib yub ara, nunja ganya lomok ulusilekanya, alda hyak sob-sobaʾ nu lomok ulmoublemnesilaʾ anasa, wanaʾ ulusab.

3 YOHANES 1:3

Nimi yuba dolomak nimi hnon ara, anyagan yeiniboka, anda dib nong yub ek bojam uboka, al dib yub ek sunuwoka sobaʾ ulmorulamla an yuba nak neknyekaʾ anasa, nara hyak perob senewoka eiya dabnel.

WAHYU 2:3

Anda nadya si amba leboka, igina kwelesilaʾ anaba siklewoka ululumukanya, hmengaʾ danggiga banggululam.”

WAHYU 2:7

”Heknyek o yakaʾ ara, Imik Neyung Geisinya adya yuba donaʾ nim ek lelemlaʾ ara pe keblul! Heknedya malya unaʾ ak ab oblamaganalanya bera, Imik Neyung perob heik sam nim embeng unaʾ gal doka delemnamla henemna,” aro momnya dobnelam, hyok.