1 YOHANES 2:10 - PERJANJIAN BARU NALCA YUBA

¹⁰ Alja hem yab ek wanaʾ uboka ululanya bera, alda dilinaʾ ak pe ulumla. Wera anadya alak yokaʾ unuwalya dara, yok nimi malya unaʾ lomok malyinggijek senenaʾ ara, oluk diknaʾ hyak unggulumla.

1 YOHANES 2:10 ပူးပေါင်းရင်းမြစ်များ

MATIUS 13:21

Bok, sikja dolomak Imik Neyung yub ara yarenga eleknenggulumlaʾ adya, sikda pe bobmoruwoka unggulumak. Sikda Imik Neyung yuba dobnaʾ amba leboka, ganya okna dabel yaban gom, yok nim edya ol yabasin gom dara, gobdo malya dangalamak.

MATIUS 18:7

Ban sokok an ara nimi malya ubnokaʾ aboka, malya nenelesilaʾ damok anyek, hyak omom nongaʾ ak ulumla. Ban unulusilaʾ damok ara sob ulumnelabok, alda unul eleklamla nim enyek, hyak omom nongaʾ ak ulumak!

YOHANES 11:9

Wenhyek bok, Yesus adya saaboka lebokja, ”Li hnonok dara, dilinaʾ ara obadya jam ulumla do? Wera anasa, ben hnon ara sokok dan dilinaʾ ulumlaʾ anyek, yubyek pe keeboka yabalamla dara, wera girik oluka diknenggunumla.

YOHANES 12:35

Dara, Yesus adya sikenek, ”Mek anam ok dilinaʾ ara ugun gangganek ulumnamla. Anasa, gunaʾ adya ugunuk anam siklewanggusil salek, dilinaʾ or ulumla wenyek, or yabalalulum. Heknedya gunaʾ ak or anam yabalelanya bera, pik okoka binimnaʾ ara elgom ulumla.

YOHANES 8:31

Dara, onoʾ Yesus adya Yahudi nang alak dib senemek nang ek lebokja, ”Ugunda nadya lelesin yub ek salabmoubmun dara, aldib, ugunda nak diriga yalalum nim ulumnulum.

ROMA 14:13

Wera an unuwanasil anasa, nunda dukaʾ lolowom aboka yana leleldanaʾ ara mem! Bok ban ganya en boboka wenyalamak yub enyek bobnemab. Nunda nunjaʾ hem bek boroboublingganyek, gom ouluk diknaʾ girik dangiyiwanyek mem, senelemnemab!

PILIPI 1:10

Wera ban adya ugunda perobnya nenyek ella uboka welemunaʾ adya, Kristus yanamla sum era, ugunja nong unaʾ era, gegena ponaʾ loboka malya ulumak nim aboka yana kibsilyek anasa, mololesin.

2 PETRUS 1:10

Anasa wera, nadya hemyab o, Imik Neyung adya ugunuk weboka youbusukaʾ ara, duboka pe ulumunaʾ adya, dib ulusil aboka amalelulum. Ugunda ban unaʾ enyek pe unulumun dara, yuba dololumaʾ ara, eimik era goowoka denghenggunumla.

1 YOHANES 2:11

Bok alja hem yab ek lek senelelanya bera, alda gunaʾ ak or anam ulumla. Alda gunaʾ lomok sam yabalamlakanya, gunaʾ adya alja henga leblamlaʾ adya, alda mok enyek an binimnaʾ ara elgom ulumla.

1 YOHANES 3:14

Alda nunja ella ulumabnya nera, nunda somoknaʾ damok ok ab ara goubuka, embengaʾ unaʾ damok ok sam yeilimoubnya hnonok, ella ulumab. Nunda ban nen ella ulumabaʾ ara, nun kabo nim ek wanaʾ ulumabaʾ adya, anara ella ulumab. Wanaʾ unggulusilnya bera, wera weneba alda somoknaʾ lomok or anam ulumla.