1 YOHANES 1:9 - PERJANJIAN BARU NALCA YUBA

⁹ Nunja malya unaʾ laga lelemeibya dara, Imik Neyung ara bojam uboka, hyak meknenggululanya anasa, alda nunja malya unaʾ meewanasilikanya, nuk malya unaʾ nidyaʾ ak ab geisa neniyiwanesil.

1 YOHANES 1:9 ပူးပေါင်းရင်းမြစ်များ

MATIUS 3:6

Anya, sikja malya unaʾ eib kweboka laga lelemek dara, Yohanes bedya Yordan mek ek dalasuk.

MARKUS 1:5

Nimi nauba Yudea moka pik eb nimi hnon, Yerusalem heikek nimi nidyaʾ hnon Yohanes bedya lelemok yub ek kel balamek. Anya sikja malya unaʾ laga lelemek dara, Yohanes bedya Yordan mek ek meka dalasuk.

LUKAS 22:57

Bok Petrus bera sondaʾ amba bobnenewoka, alja dara, ”Nara orok, benera nab elgomnya bek lelenulum!” hyok.

YOHANES 17:25

Neyung perob ok ululamnya o, sokok an yokaʾ ara anak elgom ulunjak bok, nak dara, anak ella ulunggen. Dara, elegenulum nang edya dara, anda sokok an bokol yeilinulumaʾ ara, dib senelemak.

RASUL 19:18

Dara onoʾ nimi nauba Yesus ak men dib senemek nang era, nimi hnoum yeiniboka youmaʾ sikja unulumek malya unaʾ laga lero balamek.

ROMA 3:26

Ban unuwok ganya era, wen ulumab salek enebabya, alja pe unusinaʾ ara laga dolulaʾ aboka unuwok. Anedya alda dib nongnya ulumlakanya, nimi Yesus ak dib senelemak nang era perobaʾ nenesinaʾ ara laga dolul aboka ubuk.

1 KORINTUS 1:9

Imik Neyung ara alja me nunja Wenelesilnya Yesus Kristus ab ganya kwebdangoka ulululumaʾ aboka, ugunuk youbosuknya bera, sob-soba bojam ulmorulelanya bek ulumla.

1 KORINTUS 6:11

Ugumbabya hnon men dara, nenyek unululum. Bok wenyek dara, ugunda malya unaʾ ak ab, seleb meka elegoka geisa nenewosuk. Ugunda Imik Neyung mabo seleb munaʾ gobdo dangiyisuk. Ugunda Wenelesilnya si Yesus Kristus ak dib senewoka, nunjaʾ Imik Neyung Geisinya bedya migib edya, ugunda seleb perobaʾ neniyiwousuk.

EPESUS 5:26

Kristus adya alja yub ab dadya mek elegoka, sik yuba donaʾ nim era alja nong anyek doboka, geisa nenewoununaʾ aboka, al nong elegousuk.

1 TIMOTIUS 1:15

Ban yuba nong enyek, hyak dib nong anasa, doboka dib senewanamakaʾ ara ban: ”Yesus Kristus sokok an yeilimokaʾ ara, malya unaʾ nim enyek blebsununaʾ aboka yeilimok.” Dara sik unulumakaʾ gangganek ara, na nong anyek hyak okoka yu hwam malya unaʾanya bek ulumna.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

IBRANI 10:23

Imik Neyung ara aldib alda bojamnya ulumlakanya, alja perobaʾ eleganesin hyokaʾ ara aldib eleganesilaʾ anasa, nunja aldib perobaʾ dobnemab aboka dib senen ganya boboka, nebom alamabaʾ ara gasa salalmoublenob.

IBRANI 11:11

Onoʾ Abraham bera ganya dib senenaʾ adya, alab Sara geb dara, seleb yamen dangarek bok, me beiblulaʾ aboka migiba dobok. An nera alda ban me eleganenggen hyoknya bera pe bojam ululanya benyaʾ senemokaʾ adya unuwok.

IBRANI 6:10

Imik Neyung ara hyak pe sunuwoka eleklesilnya ulumla. Ugunja alsamba leboka, neik munaʾ Imik Neyung mab ek wanaʾ leblumukanya youmaʾ hnon aralelumaʾ ara, onoʾ wen hnon aralesulumaʾ amba dara, Imik Neyung ara, ugunuk hiliknenggulusilaʾ ak ulumla.

1 YOHANES 1:7

Bok Imik Neyung anaba alda dilinaʾ lomok ulumla sok, wera numbabya neikik dilinaʾ ak ulumeibya dara, wera nunda ganya kwebdangoka ulumabakanya, alja me Yesus Kristus adya eneng edya nunja yok-yok malya unaʾ nidyaʾ ara mek elegellilisil.

WAHYU 15:3

Dara, Imik Neyung wa wenya Musa beb, domba me ab, sikja seblemek bera era anaso: ”Imik Neyung, hyak migib nongnya ululam. Anja unululamaʾ ara hyak omom nongokanya, hyak senenggom! Nidyaʾ mok soko amba wenewoka bo uboka, senenggom dubnya ululam. Anja unulusilimaʾ ara pe beknaʾ sunuwoka, yana lelewoka, perob ok unululamnya.