1 YOHANES 1:8 - PERJANJIAN BARU NALCA YUBA

⁸ Nun dam nang leldalamabja, Nak malya unaʾ unggulunel aldalamab dara, wera nu damnya bol neneldalamabakanya, dib yub ara nunja ganya lomok sam unggulusil.

1 YOHANES 1:8 ပူးပေါင်းရင်းမြစ်များ

YOHANES 8:44

Ugunda bisaʾ dubnya bedya mab ululum. Ugunjaʾ neyung Iblis dubnya bera hyak youmaʾ ek moruwoka dib osinaʾanya ulumlakanya, alda hyak dib unaʾ alak mekaʾ unggulumla. Dib yub ak sam mekaʾ uruma doboka neikaʾ unaʾ ara hyak unggulurak. Alda sondaʾ lenaʾ hwam dubnya ulumlakanya, sondaʾ lelemlaʾ ara aljinya nenesa, doumdigum dangalamla.

ROMA 3:10

an wenyaro momnya dobokaʾ ulumla sok, seleb lulum-lulum abmab ara, ”Nimi hnonok sibin anaba, hnon pelemak nim era orok.

ROMA 3:23

Anasa, nimi nidyaʾ ara seleb malya umeekanya, Imik Neyung adya aljaʾ senenggomaʾ si imik nenenaʾ ara, seleb sokol lonaʾ dangalamla,

1 KORINTUS 3:18

Nimi ben hnon, al damnya bol neneldanggom. Onoʾ nimi ben hnon ugun gangganek ara, nara yokaʾ-yokaʾ nauba el nong seneldalamla dara, Imik Neyung adya alak yok geremseng hwamnya nenewonululaʾ aboka, wenera dongdang anaʾ anyaʾ dangoka ululul.

GALATIA 6:3

Anasa nimi ben hnon alda perob gomnya bokaʾ anyek, nara perobnya seneldalamla dara, al dam nang sondaʾ leldalamla.

1 TIMOTIUS 6:5

Dara nim enera, gogobaʾ hman ganya ok wek deknewoka neik ganya ok bobmoubuka ulumak. Nim en sik ulumak pik seleb serekleboka, yuba doboka dib jong pik era hnon laga dangoka unggulumla. Dara, nidyaʾ bonaʾ dukaʾ dangalamak ara, yuba dolomakaʾ adya anasa unuwanamab senelemak.

2 TIMOTIUS 3:13

Bok, malya unaʾ hwam nimi hnon, sondaʾ hwam ok wekdeknewoka ulumak nim era, nauba malya danggiga balamnamla. Sikja dara, yok nim ek sondaʾ lelemak bok, onoʾ sikbabya dirigoka sondaʾ lelemnesak.

YAKOBUS 1:22

Ugunda yuba kelonggom mem. Ugunda yuba kelolomun dara, yuba dib dolomab e senebdomunuk aboka, yuba kelemunukanya onoʾ unulululum.

YAKOBUS 1:26

Nimi ben hnon yuba dolomna ak pe unulamna senebdangoka ululabok, alda yuba sibamaʾ silyum pe bo diri uldanaʾ orok dara, alja yuba dib senelamlaʾ ara salyaʾ lelem dangoka, al damnya sondaʾ leldalamla.

YAKOBUS 3:2

Nunda nidyaʾ, hnon sum era malya ulumab. Bok alda yuba sanaʾ adya malya unaʾ hnon unggululanya bera, alda pe ganya kaboka ulumlakanya, al nonga nidyaʾ pe diri uldalamnamso.

2 PETRUS 2:13

Sikja meneng orowek igina nenebdangoka malya neneldalamakaʾ amba, sik nong ak igina kweboka nauba gweknemak. Sik nim en nong ak dara, sikja nonga ganya gigiwoka malya unaʾ ok laga yubyek hnoum enyek, unulumak dara, pewab senelemak. Anaso malya unaʾ anyek laga yok nimi ngouluklenabok ura yabalamak nim era, ugunub neikaʾ bukoka denaʾ delelum dara, sikja malya unaʾ hogung ok beiyi bulumakaʾ anyek, ugunda eiyiwoka dara duk lobnesom.

1 YOHANES 1:10

Nunja lelemabja, Nara malya ubnenggumsa wenyalamab dara, wera Imik Neyung ak sondaʾanya nenewoka, alja yub era nunja ganya lomok unggulusil.

1 YOHANES 1:6

Nunda gunaʾ lomok anam ulumabjok, nunda Imik Neyung ab neikaʾ ganya kwebdangoka ulumab alamab dara, nunda sondaʾ leldalamabakanya, dib yub ara nunda ununggulumab.

1 YOHANES 2:4

Ben hnon leleladya, ”Nara Imik Neyung ak ella ulumna,” alaladyok, alja alak oruklamla anyek pe ununggulumla dara, bera alda sondaʾanya ulumlakanya, dib yub ara alja ganya lomok unggulumla.

1 YOHANES 4:20

Nimi ben hnon leleladya, ”Nara Imik Neyung bek wanaʾ ulumna,” alaladyok, alkabo nim ek wanaʾ usinaʾ orok dara, alda sondaʾ lelelanya ulumla. Anasa wera, nimi ben hnon alkabo heng eillililanya benyek wanaʾ unaʾ orok dara, wera Imik Neyung heng eilinggululanya bek ara, alda hekaʾ huboka wanaʾ ubnamso do?

2 YOHANES 1:2

Dib yub ara, nunja ganya lomok ulusilekanya, alda hyak sob-sobaʾ nu lomok ulmoublemnesilaʾ anasa, wanaʾ ulusab.

3 YOHANES 1:3

Nimi yuba dolomak nimi hnon ara, anyagan yeiniboka, anda dib nong yub ek bojam uboka, al dib yub ek sunuwoka sobaʾ ulmorulamla an yuba nak neknyekaʾ anasa, nara hyak perob senewoka eiya dabnel.