1 YOHANES 1:3 - PERJANJIAN BARU NALCA YUBA

³ Wera ugunub nub neikaʾ ganya kwebdangoka ulunobaʾ aboka, nunja seleb heng eiyimouba o kemoubaʾ anyek, ugunuk lel eleklesab. Nunja ganya kwebdangoka ulumabnya nera, Neyung beb, alja me Yesus Kristus ab, neikaʾ ganya kwebdangoka ulumab.

1 YOHANES 1:3 ပူးပေါင်းရင်းမြစ်များ

YOHANES 17:11

Nara sokok an loboka anak yanamnaʾ anasa, anyagan unggulumnamna bok, sikenek dara, sokok an or ulumnamak. Anasa, Neyung geisa ululamnya o, anab nab neikaʾ denewoka ulunam sok, sikbabya hnonok nong ulunokaʾ aboka, anja nak elegenulum si migib edya, sikenek bleboka bo ulumnesilim.

YOHANES 17:21

Dara, nadya anak mololamnaʾ ara, Neyung anda na lomok ulunelemekanya, nara an lomok ulunggen sok, sikbabya neikaʾ hiboka hnonok ulunokaʾ aboka mololamna. Wera onoʾ, soko nim adya, nak aldib Imik Neyung adya bokol yeilimok senewanokaʾ aboka, sikda hnonok uboka nu lomok ulunokaʾ aboka mololamna.

YOHANES 17:25

Neyung perob ok ululamnya o, sokok an yokaʾ ara anak elgom ulunjak bok, nak dara, anak ella ulunggen. Dara, elegenulum nang edya dara, anda sokok an bokol yeilinulumaʾ ara, dib senelemak.

YOHANES 17:3

Anda Imik Neyung ara hnonok ok dib nong ululamnya bek dib ella uboka, onoʾ anja sokok bokol yeililumnya Yesus Kristus bek hnon dib ella ulumak dara, embeng unaʾ dibaʾ ara alan.

YOHANES 19:35

Dara, ban nidyaʾ unulumokaʾ anyek okoka ok ab eiyimoknya bedya, aldib unumok aboka laga neksuukanya, alja eiyimoknya bedya unumok hyokaʾ ara aldib lebok. Alja lebok yub era dib nong yub anyek ella uboka, ugumbabya dib senelelulumaʾ aboka nekesuk.

RASUL 13:32

”Anasa wera, nunda Imik Neyung adya nunja neyung yab youmaʾ nang ek eleganesin amok yub enyek, wera ugunuk an ban perob yuba lero yabalasab.

RASUL 13:41

Ben hnon lemokaʾ ara, Ugunda malya uboka geklewoka wasinaʾ nang o, ugunda pe keblulum e. Nara ugunja eimik nimi yok nang adya neklesilya bok dib senewanggunulumnya nek, nenyek nara unuwanesin anasa, ugunda gobdo ngolugomunjok somoganalum, wenyaboka lemok,” hyok.

RASUL 2:42

Dara, hyak pe yeng uboka, nimi nauba yuba lenaʾ gak nang ek ab, yuba nauba doboka, yokaʾ-yokaʾ ara neikaʾ unuwoka, anya neikik deregoka, neikik molowoka ulumek.

RASUL 4:20

Nunda seleb eiyinum kenum anyek lelenam ara, hyak lobnenggunusinim,” arek.

ROMA 15:27

Ban wenyan dara seleb unuwanamab aboka wenyarob dara, wera nera sikjinya nek ulumla. Dara yok mok soko nim era Yahudi nim edya perobaʾ ulusilaʾ ak ab seleb dorob anasa, dara sikba yok mok soko nim eneba Yahudi nim ek sokok an ulumla bonaʾ danedya arelemnemak ok.

1 KORINTUS 1:30

Imik Neyung adya ganya doboka albeyok unumokaʾ adya, wera ugunda Yesus Kristus ablaboka geisa nong gebeiyisuk. Dara, Imik Neyung adya, Kristus doboka, nunja geremsengaʾ alan aboka dangiyisuk. Dara onoʾ, al Yesus ara nunjaʾ ganya peldisinaʾ ab, geisa unaʾ ab, blebsinaʾ ab danyek, ulusil.

1 KORINTUS 1:9

Imik Neyung ara alja me nunja Wenelesilnya Yesus Kristus ab ganya kwebdangoka ulululumaʾ aboka, ugunuk youbosuknya bera, sob-soba bojam ulmorulelanya bek ulumla.

1 KORINTUS 15:1

Nadya hemyab o, wenera nadya youmaʾ enyek ugunuk perob lero yanggan yuba leb elegeisisaʾ anyek, saawoka bekiyiwanesin. Ugunda ban elegeisisaʾ yub enyek doboka, onoʾ pe seklelum.

2 KORINTUS 13:14

Wenelesilnya Yesus Kristus adya ugunuk wanaʾ uboka eleksinaʾ hnon, Imik Neyung adya wanaʾ ulusilaʾ hnon, Imik Neyung Geisinya adya ganya kweldanaʾ hnon, ugunuk ulusulul. Nara Paulus bedya gibsin e.

EPESUS 3:6

Ban men doknomokaʾ ara, Imik Neyung adyaʾ perob lero yanggan yuba pik uboka, Imik Neyung adyaʾ misaʾ era, perob eleknaʾ youmaʾ dara, Yahudi nim emba ok beillilemok bok, wenyek dara, nimi Yahudi gom nim emba hnon beillilesil. Wera nimi Yahudi gom nim eneba, Imik Neyung adya neik mabo silibaʾ nenewoka, Imik Neyung adya Yesus Kristus pik uboka, eleganesin amokaʾ perobaʾ era, neikaʾ dobnemak aboka wen leb elegousuk.

PILIPI 1:7

Ugun nong anyek, nong unaʾ ak dara, mok-mok ulumab bok, ganya ak dara, na dam an sobaʾ neikaʾ ulumab senen ulumlaʾ anasa, wera ban nadya ganya enera wanoksodya unu seiniwanasisinyaʾ anaba gigiwoka ubnesinya. Anya hnonda Imik Neyung adya aljaʾ wanaʾ uboka eleksinaʾ era wen an nara gasa ek sam ulumna wenesa gom, loboka Imik Neyung adyaʾ perob lero yanggan yuba wa webnesinya danasa gom, alja wanaʾ uboka eleksinaʾ era ugun hnon, na hnon, neikaʾ doro beillilemabaʾ anasa, perob senewanasinya.

PILIPI 2:1

Ugunda Kristus ab neikaʾ kwebdangoka ululumaʾ adya, migibaʾ eleklesil de? Kristus adya ugunuk wanaʾ ulusilaʾ adya ganya hekel eleklesil de? Ugunda Imik Neyung Geisinya ablaboka ganya kwebdangoka ulumabaʾ ella ululum de? Angoo yadyek ganya ugunuk ara nauba ulusil de?

PILIPI 3:10

Nadya hnonok hyak perob unulusinya senelamnaʾ nong ara, Kristus ak okoka ella ulumnyekanya, alja somoknaʾ ak ab embengaʾ bukullilisil migib enyek, naba ella desinya senelamna. Nara Kristus ab neikaʾ hiboka alja igina kweboka, onoʾ alja somoknaʾ enyek naba neikaʾ somogoka, also donun senelamna.

KOLOSE 1:13

Anya, alja nunda gunaʾ migib ak ab seleb lobsuukanya, nunda alja wanaʾ ulumla me nedya heikek doro dibsuk.

1 TESALONIKA 1:10

Dara onoʾ al ugunsamba yok nim edya dara, imik ululanya Imik Neyung bedya, nera Yesus anyek, Imik Neyung adya nimi somoknaʾ ak ab embengaʾ suboka bukiyiwoknya benyek, al yanamlaʾ amba leboka, ugunja ganya nebom aboka diri ululumnya nenesa unulumak aboka neklesak. Dara ban Yesus anedya, Imik Neyung adya yu ganya boboka obnesilaʾ ak ab nunda blebnesil.

1 TIMOTIUS 6:2

Neikaʾ uboka arawoka wa welemaknya bera, alda neik yuba donaʾanya bek dara, nunda neik Imik Neyung mab ulumab senewoka, or malye dolbalek neikaʾ anyaʾ senewoka mek so gibnenggunuseng. Sikja arawoka welemaknya bera, alda neikaʾ hiboka wanaʾ ulusilnya anasa, wera nun moumen benyek perob dangalalul senewoka nauba arawanaseng, wenyaboka anja nauba nekoka wenelemnesilim.

IBRANI 2:12

Yesus adya Imik Neyung bek, ”Anja si nera nadyaʾ hemyab ek nadya leb eleganamna. Sikja yuba longolomeijaʾ gangganek ab anak giblemnenggen,” hyok.

IBRANI 3:1

Wera anasa, nadyaʾ hemyabo geisa nim Imik Neyung adya youbsuk nim o! Nunja dib dolomab yuba lenaʾ gaknya bek, Imik Neyung yuba wa gakaʾ dubnya Yesus bek anyek, ugunja ganya ologoka seinilelulum.

IBRANI 3:14

Nunja men youmaʾ ek mouruwoka dib senemoubaʾ anyek, pe gasa salabmouboka ulumeibyaʾ ara, sidyaʾ daknamla dara, aldib Kristus ab seleb neikaʾ un nimi douba.

1 PETRUS 5:1

Nim ugun yuba dololum nimi bo usin nang ek kebnokaʾ aboka anara moloweisin. Nadya ban ugunuk momnya doboka beibsinaʾ anara, ugun kabo yuba donaʾ nimi bo usinya bedya, Kristus gwekoka somogokaʾ ara, nab okoka eibsenya bedya, anya Kristus si imik nenewanamlaʾ ara nim ek laga danamla sum era, neikaʾ unuwanasilnya bedya, ugunuk moloweisin.

2 PETRUS 1:16

Nunjaʾ Wenelesilnya Yesus Kristus migibaʾ eimik yanamla aboka neklesubaʾ anyek, nim adya geremseng adya, meka lelewoka salamak yub ek neknenggusuba. Kristus anyek Imik Neyung adya imik nenewokaʾ ara, nu nong adya ok ab okoka eibuba.

1 YOHANES 1:1

Ban yub enyek nidyaʾ ara, nim embengaʾ unaʾ eleklesil yuba men youmaʾ ek moruwoka ulumokaʾ anyek momnya dobab. Nunja o kemoubukanya, heng eiyimouba. Nunja seleb okoka eiyiwoka onoʾ nunja soruk edya seleb salamouba.

1 YOHANES 1:5

Ban yub enyek alja me nek ab kemoubukanya, ugunuk leb elegesuba yub era ban: Imik Neyung ara alda dilinaʾ ok uboka, gunaʾ ara al lomok hnon mekaʾ unggulumla.

1 YOHANES 1:7

Bok Imik Neyung anaba alda dilinaʾ lomok ulumla sok, wera numbabya neikik dilinaʾ ak ulumeibya dara, wera nunda ganya kwebdangoka ulumabakanya, alja me Yesus Kristus adya eneng edya nunja yok-yok malya unaʾ nidyaʾ ara mek elegellilisil.