1 YOHANES 1:2 - PERJANJIAN BARU NALCA YUBA

² Ban embengaʾ unaʾ en laga dangal yabok sum era, nunda alak okoka eiyimouba. Anasa wera, nunda anasemba leboka ban embenga unaʾ anyek ugunuk lero yabalamab. Wera ban dib embengaʾ ulmoubnaʾ ara, Neyung beblaboka neikaʾ ulurekaʾ ara, alda nuk hogung ak seleb laga dangamok.

1 YOHANES 1:2 ပူးပေါင်းရင်းမြစ်များ

YOHANES 1:18

Nimi hnonok adya, Imik Neyung bek heng eilinaʾ sibin anaba orok bok, Imik Neyung alja me hnonok ara, alja neyung beb neikaʾ lelewoka uluraakanya, nadya neyung bera ban anaso ulumla aboka nuk amasuk.

YOHANES 1:4

Al lomok ara embeng unaʾ damok ulumlakanya, ban embeng unaʾ ara nim ek dilinaʾ yebellilisil.

YOHANES 10:28

Nara sikenek sobaʾ ulmorulunokaʾ aboka embengaʾ unaʾ eleganesin dara, sikda hyak somoganggunumak. Nimi yok nim edya nadya soruk ak ab hyak bleboka dobnenggunusak.

YOHANES 14:6

Yesus alak, ”Nak dara, pik ab, dib yub ab, embengaʾ unaʾ ab, ulumna. Nim ara nak pik orok dara, Neyung bek yangguneseng.

YOHANES 15:27

Dara, ugumbabya hnon, nara ugunublaboka youmaʾ ek moruwoka neikaʾ ulumoubaʾ anasa, nasamba leboka laga neklemnenulum,” hyok.

YOHANES 16:28

Nara Imik Neyung bek abaʾ ara sokok yeilimsa. Dara, onoʾ wen saaboka sokok loboka Neyung bek binimna,” hyok.

YOHANES 17:3

Anda Imik Neyung ara hnonok ok dib nong ululamnya bek dib ella uboka, onoʾ anja sokok bokol yeililumnya Yesus Kristus bek hnon dib ella ulumak dara, embeng unaʾ dibaʾ ara alan.

YOHANES 17:5

Anasa, Neyung o, soko anam uyiwanggulum danyek, anablaboka ulunumukanya, si imik nenenaʾ seleb dobsa sok, wenera anja saramek sam neik so imik nenewanenelem,” hyok.

YOHANES 19:35

Dara, ban nidyaʾ unulumokaʾ anyek okoka ok ab eiyimoknya bedya, aldib unumok aboka laga neksuukanya, alja eiyimoknya bedya unumok hyokaʾ ara aldib lebok. Alja lebok yub era dib nong yub anyek ella uboka, ugumbabya dib senelelulumaʾ aboka nekesuk.

YOHANES 21:14

Wera Yesus seleb somogomokjok embengaʾ suboka bukok dara, nen unumoknya nera li winilinya, Yesus adya alak diriga ban nang ek al nonga laga amasuk.

YOHANES 3:13

”Nimi hnonok sibin anaba imik heik sam embengaʾ welewanggubuk bok, nimi dibaʾ me nek imik heik ab yeilimoknya bek hnonok unumok.

YOHANES 7:29

nara alak ab bokol yanyokaʾ anasa, nara alak ella ulumna,” hyok.

YOHANES 8:38

Bok ugunuk dara, ugunjaʾ neyung be yokaʾ adya lebnanya nok unululum. Neyung benya neikaʾ ulunuma sum enyek eiyimsaʾ anyek, nara lelemna,” hyok.

RASUL 10:41

Ban unumok ara, salyaʾ nimi gong ek amoro yibinggusuk bok, alda nuk Imik Neyung adya ban unuwan anyek lero yibinok senewoka weboka dosuk nim ek, nuk amasuk. Yesus ara seleb somoknaʾ ak ab, Imik Neyung adya embengaʾ suboka bukiyimok dara, nublaboka neikaʾ mek ab, gwaneng ab neikaʾ juba nang ak amasuk.

RASUL 2:32

Dara, al ban Yesus benyek, Imik Neyung adya somoknaʾ ak ab suboka embengaʾ bukiyimok. Dara, ban unumok ara nunja okoka ok eiyimouba,” hyok.

RASUL 3:15

Alda nim embengaʾ unaʾ dubnya bek, ugunja dara, seleb oblum bok, Imik Neyung adya seleb somoknaʾ ak ab suboka bukiyimok. Unumoknya nera, nunja henga yokaʾ adya okoka kaboka eiyimoub nang nunda an.

RASUL 5:32

Anasa nu hnon, Imik Neyung adya alja yuba pe keboka unulumak nang ak, Geisinya eleklesil Geisinya anyek hnon, ban unumok ak eillilimoub anyek, damok nang ulumab,” hyek.

ROMA 8:3

Anera Yahudi nim emba unuwanalum an yub ara, nimi nonga hmeng adya, pe gigiwoka unuwamenggom anasa, Imik Neyung ara, alaʾ me yokaʾ anyek, malya ulumak nimi nonga nenewoka bokol yookanya memewokaʾ ara, malya unaʾ ak nenesemba leboka igina kwenaʾ elegok.

GALATIA 4:4

Bok Imik Neyung adya sumen senemokaʾ nong sum gigiwok dara, aljaʾ yando me nera sokok sam bokol yeilisuk. Wera me nera, unuwanalum an yuba mamok salek era, sokok an gel gedya boboka beibuk.

1 TIMOTIUS 3:16

Nimi hekaʾ huboka pe ulumakaʾ damoka laga dangamok yub era, senenggomaʾ ulumlaʾ ara hyak dib nong. Wera nenesa ban yub en ulumlaʾ ara, ”Alda sokok nim nonga doboka laga dangamok. Alda Imik Neyung Geisinya adya perobaʾ nong neneiyimok. Dara onoʾ, lero nang edya anaba alak seleb eiyimek. Alak ab yub era mok soko me nidyaʾ yuba elgom ulumak nim ek leb elegesik. Dara onoʾ, soko nim edya alak dib senemek. Dara, alak imik heikek bo weleiyimok,” aro lebok.

2 TIMOTIUS 1:10

Anya wera, Imik Neyung adya alja wanaʾ unaʾ era, nuk blebsinaʾ dubnya Yesus Kristus laga dangamokaʾ adya laga amasuk. Yesus adya somoknaʾ migib era seleb yugoma nenewoka, alja perob lero yanggan yuba pik uboka dib embengaʾ ulmoubnaʾ damok ara, alja bo yeiniboka laga amasuk.

TITUS 1:2

Ban nunja dolomab yuba damok enyek sunuwoka, dib embengaʾ ulmoubnaʾ ara or dobnemab senewoka ella ulumab. Imik Neyung ara hyak sondaʾ lenggululanya bek adya, men youmaʾ enyek moruwoka, embeng unaʾ damoka nuk eleganesin, wenyasuk.

1 PETRUS 5:1

Nim ugun yuba dololum nimi bo usin nang ek kebnokaʾ aboka anara moloweisin. Nadya ban ugunuk momnya doboka beibsinaʾ anara, ugun kabo yuba donaʾ nimi bo usinya bedya, Kristus gwekoka somogokaʾ ara, nab okoka eibsenya bedya, anya Kristus si imik nenewanamlaʾ ara nim ek laga danamla sum era, neikaʾ unuwanasilnya bedya, ugunuk moloweisin.

1 YOHANES 1:1

Ban yub enyek nidyaʾ ara, nim embengaʾ unaʾ eleklesil yuba men youmaʾ ek moruwoka ulumokaʾ anyek momnya dobab. Nunja o kemoubukanya, heng eiyimouba. Nunja seleb okoka eiyiwoka onoʾ nunja soruk edya seleb salamouba.

1 YOHANES 2:25

Anya wera, al ban damok enyek, Imik Neyung adyaʾ anaba orowek nuk seleb eleganesin husukaʾ ara, dib embengaʾ ulmoubnaʾ damok ak eleganesin, hyok.

1 YOHANES 3:5

Kristus sokok sam yeilimok ara, nim adya malya unaʾ doboka bobogosununaʾ aboka yeilimokaʾ ara, ugunda ella ululum. Dara, malya unaʾ ara Kristus lomok ara hyak unggulumlaʾ ara, hnon ella ululum.

1 YOHANES 3:8

Iblis ara youmaʾ ek moruwoka malyaʾ ok ulmorulamlaʾ anasa, bok weneba sobaʾ malya uldibilloklomak nim era, Iblis alja mab ulumak. Imik Neyung me yeilimokaʾ ara, ban Iblis alja wa nenyek orok nenewonunaʾ aboka yeilimok.

1 YOHANES 4:14

Imik Neyung bedya me nera, Imik Neyung adya soko nimi blebsinaʾ dubnya dolulaʾ aboka bokol yeilimokaʾ anyek, nunja seleb okoka eiyimoubakanya, nim ek leb elekdo yabalamab.

1 YOHANES 4:2

Wera ugunja nera, Imik Neyung ak ab ganya seininaʾ ara ban, anya yok seininaʾ era ban, aboka okoka beknaʾ ella danalumaʾ ara, ban adya ella danalum: Yesus Kristus ara sokok an nimi dangoka yeilimok aboka, laga lelelanya benyek, wera Imik Neyung ak ab seinilelanya bera an.

1 YOHANES 5:11

Dara laga len yub era ban: Imik Neyung ara nuk seleb dib embengaʾ ulmoubnaʾ elegesuk. Dara, ban dib embengaʾ ulmoubnaʾ damok ara alja me lomok ulumla.

1 YOHANES 5:13

Ugun Imik Neyung bedya me si nek dib senelelum nim ek, ban momnya doboka beibsin. Anadya ugunda dib embengaʾ ulmoubnaʾ ara seleb nunjaʾ ak ulusil senewoka ella dolulumaʾ aboka ubna.

1 YOHANES 5:20

Nunda jong ulumla Imik Neyung ek ella ulunokaʾ aboka, Imik Neyung me ara seleb yeiniboka geremsenga seleb elegesukaʾ ara ella ulumab. Wera nunda jong ulumla Imik Neyung eblaboka neikaʾ kwebdangoka ulumab. Dib nong ara, alja me Yesus Kristus ablaboka neikaʾ kwebdangoka ulumab. Wera al benyek, jong ulumla Imik Neyung era an. Dara onoʾ, dib embengaʾ ulmoubnaʾ ara an.