1 YOHANES 1:1 - PERJANJIAN BARU NALCA YUBA

¹ Ban yub enyek nidyaʾ ara, nim embengaʾ unaʾ eleklesil yuba men youmaʾ ek moruwoka ulumokaʾ anyek momnya dobab. Nunja o kemoubukanya, heng eiyimouba. Nunja seleb okoka eiyiwoka onoʾ nunja soruk edya seleb salamouba.

1 YOHANES 1:1 ပူးပေါင်းရင်းမြစ်များ

LUKAS 1:2

Ban nidyaʾ yokaʾ-yokaʾ unulumokaʾ anyek, men ek ab okoka eiyiboka kemek nang edya, anya onoʾ sikja dara, yok nim ek leb elekdo yabalamak nang edya, nuk lero yeilisik sok, sikda anara lelewoka momnya dolomak.

LUKAS 24:39

Na nong anyek an okoka ulumnaʾ anasa ugunda ella dananulum! Ugunda nak an kendunululum. Bisaʾ ganya ara nong soub ab, yok ab dara unggulumlaʾ anasa, wera na nong ak ulunabok anasa, nadya soruka yana soruka salabyaawoka ubnululum,” hyok.

YOHANES 19:35

Dara, ban nidyaʾ unulumokaʾ anyek okoka ok ab eiyimoknya bedya, aldib unumok aboka laga neksuukanya, alja eiyimoknya bedya unumok hyokaʾ ara aldib lebok. Alja lebok yub era dib nong yub anyek ella uboka, ugumbabya dib senelelulumaʾ aboka nekesuk.

YOHANES 20:27

Dara, Yesus adya, Thomas bek, ”Anja soruk era nak an dibmenekanya, nadya soruk ak an kendelom. Anda soruk okoka, nadya yaijaʾ lomok sam soruka doronggoka, wera nak ganya penya-penya loboka, alda wera nak dib senewanenelem,” hyok.

YOHANES 5:26

Neyung bera nim embengaʾ unaʾ damok gaknya ulumla sok, onoʾ al adya alja me nek nim embengaʾ unaʾ gaknya dangiyimok.

YOHANES 8:58

Dara, Yesus adya sikenek, ”Ugunuk dib lebsin, Abraham bera anam unggulumok salek, nak men ulumsa,” hyok.

RASUL 1:3

Yesus ara, alda seleb somogoka embengaʾ suboka bukumokaʾ seleb dara, nara aldib embengaʾ subna bar aboka, alak diriga ban nang ek laga aabdangoka, dib nong beknaʾ gong elegosuk. Alda li denga hnonok ebdobnya mekbadya sum (empat puluh hari) sikenek aabdangdo amalasuukanya, Imik Neyung adya wenelemnesil yuba neikaʾ saboka ulumek.

RASUL 4:20

Nunda seleb eiyinum kenum anyek lelenam ara, hyak lobnenggunusinim,” arek.

IBRANI 2:3

nunda senenggom blebsinaʾ damok ek, dolbaleka gebnesibya dara, igin eleknaʾ lobnesusu de? Ban blebsinaʾ damok enera, Wenelesilnya bedya men leb elegesuukanya, alak ab kemek nim edya, nuk aldib an beknaʾ elegesik.

1 YOHANES 4:14

Imik Neyung bedya me nera, Imik Neyung adya soko nimi blebsinaʾ dubnya dolulaʾ aboka bokol yeilimokaʾ anyek, nunja seleb okoka eiyimoubakanya, nim ek leb elekdo yabalamab.

1 YOHANES 5:7

Ban nong ak dara, damok winilya danadya nuk laga neklesak ara, Imik Neyung Geisinya hnon, mek adya hnon, eneng adya hnon, sik winilya dadya, neik yub enyek ok laga neklesak.

WAHYU 1:11

Wera ban yub enedya nak, ”Anja seleb eiblamaʾ ara nidyaʾ momnya doboka, an momnya dobmen buku era, ban sekbadya heikek yuba donaʾ nim ek, Epesus, Smirna, Pergamus, Tiatira, Sardis, Filadelfia, anya Laodikia heikek hnon, beibnelam,” henyok.

WAHYU 1:8

Wenelesilnya Imik Neyung wen ulumlaʾ, youmaʾ men ulumokaʾ ara, onoʾ eimik yanalanya bera, onoʾ hyak senenggomaʾ migib ululanya bedya dara, ”Nak danyek, men ub einiwasenya bera onoʾ eimik sidyaʾ dakoka ubdaknanya ulumna,” alamla.

WAHYU 19:13

Dara alja waran akleng era, eneng lomok sam hwiboka ngikimek akleng enyek ongomookanya, wera alja si nera, Imik Neyung bek ab yubnya, alamek.

WAHYU 2:8

Smirna heikek yuba donaʾ nimi lero ek ban unu: ”Ban yub enera men youmaʾ ulumokaʾ ara, onoʾ eimik sobaʾ ulmorulumnelanya bedya yuba, alda seleb somogoka onoʾ embengaʾ dangamoknya bedya yub era an.