1 TIMOTIUS 6:9 - PERJANJIAN BARU NALCA YUBA

⁹ Bok, nunda bonaʾ dub nim deisibya senelemak nim ek dara, nimi nong enyek nauba sunubyamawoka, yokaʾ-yokaʾ dobsibya ganya hnon, dongdang anaʾ ab dadya, heng weboka youlusil. Ban adya, nimi nauba yamnekoka soldob menegoka dengalamak.

1 TIMOTIUS 6:9 ပူးပေါင်းရင်းမြစ်များ

MATIUS 13:22

Alda yinaʾ giriknaʾ hnoum yama yinggilimoknya nera, damok ara, nim Imik Neyung yuba kelemak bok, denaʾ unuruwaʾ amba leboka, bonaʾ garana denaʾ garan amba gangganaʾ gokoldal yabanakanya, sikda bonaʾ dub nang ulusibya senen ganya edya, Imik Neyung yuba sikja seklama darawoka, sikjaʾ ganya lomok sam pe doka mounggulusil.

MATIUS 19:22

Wenyek goubenenya bera, alda bonaʾ dubnya ulumok bok adya, Yesus adya alak an wenyaboka lebok anyek kebok dara, ganya igina daboka ek byuk.

MATIUS 26:15

Wera Yudas bera, nang enyek an, ”Yesus anyek, nadya ugunuk doboka eleganesin dara, ugunja nak ara, hekaʾ ak eleganenulum do?” wenyaboka heibok. Wenyek dub nang era, rupiah einiwoka perak rupiah denga hnonok, Yudas bek elegek.

MATIUS 6:19

”Sokok an nim adya hokaʾ doboka, mura gluboka gereremaʾ delemlaʾ ak an, perob bonaʾ nauba ugun dam nang amba beilinggom, mem.

MARKUS 4:19

sokok anyebnya nenyek hekaʾ huwanamna ganya boboka, bonaʾ mandebnaʾ adya pe ulusinya senen ganya ab, hnon yokaʾ-yokaʾ ak ganya oka denaʾ adya, sikja ganya lomok sam wekel yaban dara, yuba dobnaʾ ara, seklama denewoka bonga oldelemlaʾ adya, pe doka mounggulusil nim era an.

LUKAS 12:21

Anasa, Imik Neyung adya perob senelamlaʾ duboka unuwonun senenaʾ loboka, nimi ganya adya ok seiniwoka duboka nanokok bonaʾ dubnya donun senewoka yeirilemak nim era, sikenek anaso unuwanasil,” hyok.

LUKAS 21:35

Ban sum era, nimi soko nanga nidyaʾ ak henga weboka youbnesinaʾ anasoʾ ak gelelenga yanamla.

RASUL 8:20

Bok Petrus bedya, Simon be hwelesuknya bek, ”An nong ab, anja rupiah eb, bisaʾ heik bululum. Anja dara, Imik Neyung adya eleklesil migib era rupiah adya dekoka dolomak senelam de? Hyak orok nong!

EPESUS 4:22

Wera youmaʾ nong unaʾ eb, youmaʾ ganya eb dara, wen alja malya unaʾ hwam ok unulunun ganya adya seleb malya dangalamlaʾ anasa, gwiriwoka lobnobaʾ aboka doblum.

1 TIMOTIUS 1:9

Bok unuwanalum an yub ara, nimi pe ulumak nim emba eleganggusuk bok, alda yuba lek aboka bleklemak nim emba hnon, asaʾ hwam uboka yu ganya nim emba hnon, sokok ulumlaʾ digum ok ganya seiniro ulumak nim emba hnon, yuba donaʾ orokaʾ anyek salyaʾ ulumak nim emba hnon, oruknaʾ yub era elegousukaʾ ara, ella ulumab.

1 TIMOTIUS 3:7

Ban benera, alja si nenera perob deng ok ululul anaʾ orok dara, nim adya alak meilinya seneweijikanya, alda bisaʾ dubnya bedya heng wel loblamlyaʾ ak obenggalyek anasa, alda pe ululenya benyek beibnok.

1 TIMOTIUS 6:10

Nim ara, rupiah ganya ok hwilimak dara, wera yok-yok malya unaʾ damoka gong-gong lanalamla. Hnon nim era, rupiah ak nauba dobsibya ganya adya, yuba dib senen ganya dilinaʾ loboka, nimi ganya soldobdangoka, sikda hyak nauba igin ganya nenebdangamek.

1 TIMOTIUS 6:17

Anda sokok sam bonaʾ dub nim ek sobaʾ ulmoubnenggulumla bonaʾ emba leboka dengdang ganya boboka, bonaʾ ak ganya dib beiliwomunuk aboka, wenyaboka neklesilom. Bok saawoka, alda Imik Neyung nuk yokaʾ-yokaʾ nauba gigiwosulul senewoka, eleklesilnya bek ok ganya kweboka welenokaʾ aboka, neklesilom.

2 TIMOTIUS 2:26

Wera anadya sikja nunda anyek ulumabaʾ aboka ella ubdanamak. Anya sikda Iblis adya nadya yuba kelelulum aboka, sikenek gliboka bo biniboka henga weboka youlusil ak ab blebnesil aboka unulumnesil.

TITUS 2:12

Ban Imik Neyung adya wanaʾ uboka eleksinaʾ adya, nunda sokok an ganya oka denaʾ ulumlaʾ digum unaʾ hnon, yokaʾ-yokaʾ Imik Neyung adya perob gom senelelanya nek hnon, hyak loblulum aboka nuk neklesil. Nunda sokok an ulumeibya danyek, pe ganya siklewoka, geisa uboka, Imik Neyung ak pe bojam ulunobaʾ aboka, alja wanaʾ unaʾ era neklesil.

2 PETRUS 2:3

Sikenek sondaʾ yub ok miniwoka neklesak nang ek adya, ugunja sikenek perobaʾ elegosunuk senewoka, dib gomnya nenyek miniwoka ugunuk neklemnesak. Bok ban unulumakaʾ amba leboka, Imik Neyung adya igina yakaʾ ara seleb orowek beibuk, hnonda nenesemba leboka Imik Neyung adya sikenek obnesin aboka gegewoknya nera or anam diri ulusil.

YUDAS 1:11

Sikda hyak omom nongaʾ ak ulumak! Wera an unulumakaʾ ara, Kain bedya unumok malya unaʾ enyek, neik diligaʾ unulumak. Onoʾ, rupiah dobnob senewan dara, Bileam bedya umok diligaʾ doboka, dibum aboka malya ulumak. Hnonda, Korah bedya blekoka umok diligaʾ doboka, blekoka orok neneldalamak.