1 TIMOTIUS 6:20 - PERJANJIAN BARU NALCA YUBA

²⁰ Timotius o, nidyaʾ anak welelom aboka lenjok wa nera, hyak pe keeboka diri ululom. Anak dara, nimi yok-yok yuba salamakaʾ anyek, perob gomnya nek hnon, malya uboka doluwoka gangganaʾ gok menegoka, si ara el danganaʾ alamak ak ab ganya walabdangoka ululom.

1 TIMOTIUS 6:20 ပူးပေါင်းရင်းမြစ်များ

RASUL 16:1

Wera Paulus bera balamok ara Derbe heikek ab uboka dara, onoʾ Listra heikek byuk. Dara, anyagan ara Yesus ak yuba doro diriga balamoknya si Timotius ben hnon ulumok. Alja genong gera Yahudi nimi yokaʾ bok, Yesus ak dib senewoka domok gel. Bok alja neyung bek dara, Yunani nang ulumok.

RASUL 17:18

Dara onoʾ neikik wenyek, Epikuros bedya men seinimok ganya seininaʾ enyek seiniwoka ulumek nanga hnon, onoʾ Stoa bedya men seinimoknya nek seiniro ulumek nanga hnon, alablaboka neikik ganya amomaʾ ub einimek. Dara, sik gangganek ab hnon nang edya lelemekja, ”Benera ella danganaʾ ara mek bok, yuba sanaʾ anyek nauba lelemla anasa, hekaʾ anasonya ella dangoka lelemla do?” hyek. Bok onoʾ yok nang edya dara, lelemekja, ”Alda yok soko nang edya molowoka giblemak bisaʾ yub ek lero yabalamla,” alamek. Ban wenyameknya nera damok ara, Paulus bedya Yesus amba geklewoka Imik Neyung yuba lelemookanya, onoʾ somogamna seleb dara, embengaʾ suboka bulumak yuba lelemok anasa, wenyaro balamek.

RASUL 17:21

Dara Atena nang enebabya, sekel yanggan nang bok anyagan ulumek nang era, sikja sobaʾ unulumek ara, sikja anara wenyek lanawal senewanaʾ digum ara hyak pe kelesibya senewoka sobaʾ yuba kero sabdangdo balamek ok.

ROMA 1:22

Sikda geremseng uboka, pe ulumna nang enesoʾ seneldalamek bok, sikda hyak dongdang anaʾ hwam nang dangamek.

ROMA 3:2

Wera, sikja naubaʾ perob soʾ ara, yokaʾ-yokaʾ amba hyak gong ulumla. Dara men nong ara, Imik Neyung yub ara sikenek men lobonggosuk.

1 KORINTUS 2:6

Ban ulumsaʾ anaba, Imik Neyung yuba hyak ganya ologoka kaboka domek nim ek ara, naba hnon geremsengaʾ ella danganaʾ hnon lel eleklesin. Bok, ban lel eleklesin geremsengnya nenera, sokok an ella dangalamak geremsengnya nera unggulumla. Onoʾ sokok an dub dangoka ulumak nang sikja geremsengnya nera unggulumla. Eimik ban dub nang era, hyak denghenemak.

1 KORINTUS 3:19

Nera sokok anyek geremseng nong senelemaknya nera, Imik Neyung adya dara, dongdang anaʾ anya senelamla. Imik Neyung bukuk momnya dobokaʾ ara, ”Yokaʾ-yokaʾ geremseng ulumak nim ek, Imik Neyung adya geremseng ulumakaʾ ak ab, henga weboka youlusil,” aro dobok.

KOLOSE 2:18

Dara, ugunja oblamaknaʾ ara, or-or uboka sene ganya sokok nenebdangoka, lero nang ek giboka, goloknaʾ dib eillilimakaʾ anyek sunuwoka, sikja sokok unuro yaban ganya enyek, beknaʾ orok bok nauba nonggo abdangoka ulumak nang edya, ugunja oblamaknaʾ ara orok neneweisijik, mem.

KOLOSE 2:8

Dara youmaʾ uru balamek yub eb, sokok an nimi sirikaʾ ganya ak ab yub ara, Kristus adya senenggululanya bok, or orok salyaʾ hwam yub adya, ugunja ganya ek henga goubsijek anasa, pe keeboka ulumnelum.

2 TESALONIKA 1:4

Anya wera, ban unululumnya nenesa leboka, nunda yok Imik Neyung yub donaʾ nim ek kemero yabanek ab, ugunuk nekoka, sikda anaso unu yuba dib senewoka unulumak aboka nekdo yabalesab. Ugunuk nong ak dara, yokaʾ-yokaʾ damok igina kweboka, nauba gweklelum bokaʾ anyek babya, Kristus ak ganya kweboka dib dololumaʾ ara dib mel-mel alamlaʾ anasa, unulumak aboka nekdo yabalemab.

2 TESALONIKA 2:15

Hemyabo nim o, wera anasa nunja ugunuk momnya donaʾ pik uboka gom, yuba sibamaʾ adya laga nekesuba yub enyek, pe sekoka salabmoubuka ulululum.

1 TIMOTIUS 1:11

Imik Neyung adya ugunuk youbsukaʾ ara pe weisin senelesululaʾ aboka ugunja dib senenaʾ ak anyek pe sunuwoka, nauba perob danggiga balasululaʾ aboka, sobaʾ ara nunda ugunsamba mololesab.

1 TIMOTIUS 1:2

ganya dib senenaʾ ak ara, nadya me yokaʾ Timotius ansamba ban momnya en momnya doboka beibgen. Anya wera nunja neyung Imik Neyung adya, hnon nunjaʾ Wenelesilnya Yesus Kristus adya, wanaʾ uboka eleksinaʾ hnon, angoo yadyek senewoka arasinaʾ hnon, ganya hekoka unaʾ hnon anak ulunggulul.

1 TIMOTIUS 1:4

Salyaʾ malya hwam deng anyek maro lolomla yub ek ganya we bulumakaʾ hnon, youmaʾ morublinaʾ nim ek yana lelewoka unuwok aboka neklamnaʾ anyek, kero bulumak nim ek unululumaʾ ara mem, alalom. Ban nidyaʾ ara mal damok lanalamlaʾ ak anasa, Imik Neyung adya alak dib senewanaʾ anasa eleklesilaʾ anyek sunuwoka ununggulumakaʾ anasa, mem henelam.

1 TIMOTIUS 1:6

Bok hnon nim era, ban unuwanok senelenanya nera loboka, alda salyaʾ yuba salmorulumakaʾ ak an sikba gaboka youklomak.

1 TIMOTIUS 1:9

Bok unuwanalum an yub ara, nimi pe ulumak nim emba eleganggusuk bok, alda yuba lek aboka bleklemak nim emba hnon, asaʾ hwam uboka yu ganya nim emba hnon, sokok ulumlaʾ digum ok ganya seiniro ulumak nim emba hnon, yuba donaʾ orokaʾ anyek salyaʾ ulumak nim emba hnon, oruknaʾ yub era elegousukaʾ ara, ella ulumab.

1 TIMOTIUS 4:7

Nimi ganya penaʾ orok yuba, salyaʾ hwam neknaʾ yub ek ab, mok nenewoka ululom. Na nong ara, Imik Neyung alsamba ok pe ulunun senewoka, an damnya sunuwoka pe ululom.

1 TIMOTIUS 6:11

Bok anak dara, Imik Neyung adya nim ululamaʾ anasa, banyan nidyaʾ lebnanya dara, mok nenewoka pe ululom. Anja dara, perob unaʾ pik balanun, Imik Neyung alja diligaʾ doboka ulunun, dib senen ganya ok bolonun, wanaʾ ganya boboka, ganya siklewoka ulunun, pe namenaʾ ulunun senen ganya ok boboka yeiriwoka dobgiga balalom.

1 TIMOTIUS 6:14

Wene salek ebaʾ moruwoka, Wenelesilnya Yesus Kristus laga danamla sum era, ban oruknaʾ yuba nidyaʾ ara, mek sirik anaba meknenaʾ loboka, nidyaʾ pe bekoka unubgiga balalomaʾ aboka, orugenggen.

2 TIMOTIUS 2:1

Nadya me Timotius o! Kristus Yesus ak pik uboka Imik Neyung adya wanaʾ uboka eleksinaʾ adya, anda migib nongaʾ dangoka ululom.

2 TIMOTIUS 2:16

Salyaʾ lelem yub era, Imik Neyung si ak malyaʾ nenelemak yub enyek, anda mok nenewoka ululom. Ban unu malya uro saro yabalamak yub era, nimi malya ganya nauba danggiga balasilaʾ anasa, anak dara, nera mok nenewoka ululom.

TITUS 1:14

Anya hnonda Yahudi nim edyaʾ youmaʾ neknaʾ gom, dib nong yub ek lek aboka ulumak nim edya yub ek an dib salabmoubijek anasa, anja pe neklesilom.

TITUS 1:4

Titus o, anab nab dara, neik Kristus ek dib senenumaʾ anasa, wera anda nadya me yokaʾ nong ululam. Nadya dara, anak nunja bleblesilnya Yesus Kristus adya hnon, nunjaʾ neyung Imik Neyung bedya hnon, wanaʾ uboka eleksinaʾ ab, ganya angawoka unaʾ ab, elegogulul e.

TITUS 1:9

Alda nimi yok nim ek wenelesil dara, dib nong yub enyek sunuwoka ganya heksululaʾ aboka hnon, nimi dib yub ak lolomak nim ek, nera meilinya nera an aboka, pe leboka aawosululaʾ aboka hnon, alda alja dib senewoka domok yub ek, nekemek sok, pe salabmoubuka ululul.

TITUS 3:9

Bok anak dara, dongdang aboka yeiriwoka malya gak enyek, heng ero yabalamaknya neb, youmaʾ unumok aboka salyaʾ nekdo bulumak neknaʾ eb, Yahudi nim emba unuwanalum an yub amba mala weboka waldanaʾ ab dara, ban nidyaʾ ara perobaʾ ak unggulumlakanya, nuk pesinaʾ damoka bo lananaʾ orokaʾ ak anasa, anara mok geboka ululom.

WAHYU 3:3

Anasa, anda men youmaʾ enyek unuwanalam aboka nekenjekaʾ hnon pe seiniwanalam. Hnonda hekaʾ ak unuwanalam an yuba kelumaʾ anyek beklom. Dara, ban pe unubgiga balamenekanya, anda malya unaʾ loboka ganya dangawalom. Bok anda anam bukoka pe diri uldanaʾ orok dara, na yanamna salek era, sumen yanamlaʾ ara elgom umen bok, hokaʾ don nang enesoʾ anyek gelelenga yanamna.”