1 TIMOTIUS 6:2 - PERJANJIAN BARU NALCA YUBA

² Neikaʾ uboka arawoka wa welemaknya bera, alda neik yuba donaʾanya bek dara, nunda neik Imik Neyung mab ulumab senewoka, or malye dolbalek neikaʾ anyaʾ senewoka mek so gibnenggunuseng. Sikja arawoka welemaknya bera, alda neikaʾ hiboka wanaʾ ulusilnya anasa, wera nun moumen benyek perob dangalalul senewoka nauba arawanaseng, wenyaboka anja nauba nekoka wenelemnesilim.

1 TIMOTIUS 6:2 ပူးပေါင်းရင်းမြစ်များ

MATIUS 23:8

”Anasa ugunuk dara, ugunjaʾ neksinya bera hnonok ok ulusilekanya, ugunda nidyaʾ hiboka, hemyab ok ululumaʾ anasa, neksin nang aldanaʾ ara mem.

MATIUS 25:40

Bok, Wenelesilnya bedya sikenek lebnamlaʾ ara, Ugunda ban nidyaʾ ara, ugunja nimi malya nim ek, sikda nadyaʾ hemyab ek, unusulum dara, wera nera nasamba unululumaʾ, anasa lebna, henesil.”

MATIUS 6:24

”Hnonnya bek ara nauba wanaʾ uboka yoknya bek ara lek senewanamsoʾ anasa, goma hnonnya bek ara malya senewoka, yoknya bek ara pe bojam ubnamsoʾ anasa, nimi ben hnon alda nimi penya nang emba aboka neikewenyek wa webnenggunumso. Anasonya neikik, ugunda Imik Neyung amba wa we, onoʾ bonaʾ amba wa we, ubnenggunusom.”

RASUL 1:15

Dara onoʾ yok sum enyek, yuba dolomek nim era, hiboka denga dombadya ebdobnya lindigin badya (seratus dua puluh orang) longomek dara, Petrus bedya yuba lebnun aboka sekoka yuba lemokja,

ROMA 11:17

Anasa gal soruka wen seleb dibookanya, ugunda nong salyaʾ bongolamla gal enesoʾ anyek an seleb soboka makok dara, wera nidyaʾ hiboka Zaitun siligaʾ ok ulumla gal ak an maklum.

ROMA 8:29

Anera hyak men danyek, alja nidyaʾ webesuk nang era, al sikinek alja me nedya diligaʾ dobnok aboka, men danyek alja sunuwoka bokosuk. Anedya, alda alja me nera, aljaʾ hemyabo gong ek ab uboka, yandonya dok.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

EPESUS 1:1

Ugunda Epesus heikek munaʾ Imik Neyung mabo Kristus Yesus ak doboka bojam ululum nim ek perob aboka gibsin. Imik Neyung ganya adyok seiniwoka, Kristus Yesus adya yuba lenaʾ gaknya nenewanyoknya, nara Paulus bedya,

EPESUS 1:15

Wera anasa, ugunda Wenelesilnya Yesus ak dib senewoka domeekanya, onoʾ nimi nidyaʾ munaʾ Imik Neyung mab ulumak nim ek wanaʾ ulumak an yuba kebsisa dara,

EPESUS 3:6

Ban men doknomokaʾ ara, Imik Neyung adyaʾ perob lero yanggan yuba pik uboka, Imik Neyung adyaʾ misaʾ era, perob eleknaʾ youmaʾ dara, Yahudi nim emba ok beillilemok bok, wenyek dara, nimi Yahudi gom nim emba hnon beillilesil. Wera nimi Yahudi gom nim eneba, Imik Neyung adya neik mabo silibaʾ nenewoka, Imik Neyung adya Yesus Kristus pik uboka, eleganesin amokaʾ perobaʾ era, neikaʾ dobnemak aboka wen leb elegousuk.

KOLOSE 1:2

ugunda Kolose sam Imik Neyung amba geisa uboka, Kristus ak dib senelelum hemyabo nim emba beibsab. Nunja neyung Imik Neyung ak ab wanaʾ uboka eleksinaʾ ab, namen ganya unaʾ ab danyek, ugunjaʾ dangalalul.

KOLOSE 1:4

Ugunja Kristus Yesus ak dib senelelumaʾ ab, munaʾ Imik Neyung mabo nidyaʾ ak wanaʾ ulumak an yub enyek, seleb kemoubaʾ anasa, unulumab.

KOLOSE 4:1

Wei, neyung yab o, banyek beklemnelum, imik heik ara ugumbabya ugunja neyung be ulumlaʾ bekoka, anya wa wen nang ek ara, pe sunuwoka dom digumnya nenyek unulululum.

2 TESALONIKA 1:3

Hem yab o, nunda ugunsamba leboka sobaʾ Imik Neyung ak perob aboka giblemab. Ugun nong anyek, Kristus ak nauba dib senebgiga balalumukanya, ugun moumen anaba wanaʾ ubdanggiga balalumaʾ anasa leboka, wera wanoksodya nera unulumab.

1 TIMOTIUS 4:11

Ban nenera nidyaʾ dib senewolulum aboka orugoka neklesilom.

1 TIMOTIUS 5:1

Yamen so nim ek, hogunga gorogoka gasaʾ anyek ooma lenggom, mem. Nadya neyung yabe denga leboka lelesilom. Goubenya nim ek dara, nadya hemyab ulumak senen ganya boboka unululom.

TITUS 2:1

Titus o, bok anak dara, hyak dib perob nong eikaʾ yub enyek ok neklesilom.

TITUS 2:15

Anda hyak loksonya benyek ulumenekanya, anja yuba kelenggija nim ek, ban nidyaʾ lebnanya nera, hyak pe wenewoka ooma leboka neklesilom. Anak yok nim edya dara, alda or maly, mek goubenenya benyaʾ, seneweigejek anasa, mem!

TITUS 3:8

Ban lebna yub era hyak dib yuba. Nadya senelamnaʾ ara, ban seleb wenyhenya nenyek, yok nimi seleb Imik Neyung ak dib senelemak nimi nidyaʾ ara, perob wa nong enyek hyak duboka yeiriwoka welenokaʾ aboka, hyak nauba so pe neklemnesilim. Ban anaso unaʾ era, nimi nidyaʾ ak dara, perobaʾ ab perobnya neb danyek ulusil.

IBRANI 3:1

Wera anasa, nadyaʾ hemyabo geisa nim Imik Neyung adya youbsuk nim o! Nunja dib dolomab yuba lenaʾ gaknya bek, Imik Neyung yuba wa gakaʾ dubnya Yesus bek anyek, ugunja ganya ologoka seinilelulum.

IBRANI 3:14

Nunja men youmaʾ ek mouruwoka dib senemoubaʾ anyek, pe gasa salabmouboka ulumeibyaʾ ara, sidyaʾ daknamla dara, aldib Kristus ab seleb neikaʾ un nimi douba.

1 PETRUS 5:1

Nim ugun yuba dololum nimi bo usin nang ek kebnokaʾ aboka anara moloweisin. Nadya ban ugunuk momnya doboka beibsinaʾ anara, ugun kabo yuba donaʾ nimi bo usinya bedya, Kristus gwekoka somogokaʾ ara, nab okoka eibsenya bedya, anya Kristus si imik nenewanamlaʾ ara nim ek laga danamla sum era, neikaʾ unuwanasilnya bedya, ugunuk moloweisin.

2 PETRUS 2:10

Nauba so ara, nimi yana lelewanasilaʾ ara, malya unaʾ adya ok wekdeknewoka unulumak nimi hnon, sembejaʾ ganya adya ok uboka, Imik Neyung adya migib si nek malya nenelemak nim enyek, yana lelewoka obnesil. Nimi malya unaʾ hwam nim era hyak asaʾ ganya boboka, dengdang ganya bolomakaʾ adya imik heikek ulumak nim anaba geklewoka malya ura walamak!

YUDAS 1:8

Dara, Sodom Gomora heik nimi malya ulumek sok, ban wekel yalamak nimi salyeʾ hwam seinilemak nim enyek, neikso malya ulumak. Sikda sik nong ak malya neneldalamaakanya, bleknaʾ hwam ulumak, imik heik sam geisa perobaʾ ulumlaʾ ak derelemak.