1 TIMOTIUS 6:18 - PERJANJIAN BARU NALCA YUBA

¹⁸ Sik dub nim ek, anja dara, perob unaʾ anyek yok nim ek unub elegoka, perobnya nenyek ok nauba unubmoruwoka, ganya lowelelek aboka, heknaʾ hwam ok uboka, yok nim ek eleklesinya ganya bolonokaʾ aboka, wenewoka lelelom.

1 TIMOTIUS 6:18 ပူးပေါင်းရင်းမြစ်များ

MATIUS 5:42

Nim adya ugunuk yokaʾ ulumlyaʾ anyek elegosululum aboka molowanasak dara, or eleganelum. Nimi hnon ugunja bonaʾ seʾ dobnamna aboka molowanasak dara, ugunja lek numok anaʾ ara mem,” hyok.

LUKAS 12:21

Anasa, Imik Neyung adya perob senelamlaʾ duboka unuwonun senenaʾ loboka, nimi ganya adya ok seiniwoka duboka nanokok bonaʾ dubnya donun senewoka yeirilemak nim era, sikenek anaso unuwanasil,” hyok.

LUKAS 3:11

Danyek alja sikenek lebokaʾ ara, ”Anasa heknedya ongon akleng penya ululanya bera, yoknya ongon aklenga oroknya bek bokoka, hnonda eleklelul. Anya onoʾ heknyek denaʾ yak ululanya bera, yoknya oroknya bek al neikso unululul,” hyok.

RASUL 10:38

Imik Neyung adya Nazaret mok ebnya Yesus ak sekiyiwoka alak Geisinya ab, migib ununaʾ ab, alak elegemok ara ugunda seleb ella ululum. Dara onoʾ, onya Yesus bera Imik Neyung migib alak gologomokaʾ adya, alda yokok sam yokok sam perob ok unuro yabalamok. Dara, al neiknya bera nimi nidyaʾ bisaʾ gologesin nang merellilisuk ara, ugunda seleb ella ululum,” hyok.

RASUL 11:29

nimi nidyaʾ Yesus yuba doro diriga ban nang edya yuba saboka, numba bolomabaʾ sunuwoka, nunja hemyabo Yudea sokok ulumak Imik Neyung mab enesa, elek arawanamab aboka yuba samek.

RASUL 9:36

Dara onoʾ Yope heikek ara gel hnon, alja si nera Tabita gek ulumok. Dara, alda Yesus ak dib senewoka domok gel ulumok. (Alja si nera Yunani yub adya dara, Dorkas alamek, nera nunja yub era bei busaʾ pam alamab.) Dara, gel gera perobnya nok unuwoka, bonaʾ garan ulumna nim ek arawoka ulusuk.

ROMA 12:13

Sik Imik Neyung mabo okna ubnesil dara, arawanalumukanya, an nong ak dara nara pik eboka, men arawounun senen ganya enyek sobaʾ bolomnelum!

ROMA 12:8

Wenewoka pe memenaʾ amba elegesilya dara, wera nunda or pe weneldalamnemab. Anasa heknedya yok-yok bonaʾ pe bogoka elekdo yabalamnesil dara, wera alda hyak perob ganya bomlyekanya unululul. Heknedya ban wa nen bo uboka webnelam henemla dara, alda yeng ganya boboka unululul. Heknedya angoo yadyek senewoka men arawounun uruma bobnelanya bera, alda ganya eiya daboka unululul.

1 KORINTUS 16:2

Dara minggu lelemlya elaʾ gigiro, ugunja dolomunaʾ anyek, sunuwoka men sum enyek pe orowek bokoka dililelulum. Men orowek bokoka beillilimunaʾ adya, na yanya dara, wera bolowanamab aldanaʾ loblulumaʾ aboka lebsin.

2 KORINTUS 8:12

Imik Neyung adya dara, unaʾ orok digumaʾ ak sununggulumla, alda seleb ululanya nok sunulamlaʾ anasa, ben hnon ara ganya doboka hyak arawonun senewoka eleklamlya dara, Imik Neyung ara perobaʾ leboka dolomla.

2 KORINTUS 8:9

Ugunda Yesus Kristus, nunjaʾ Wenelesilnya ululanya bedya wanaʾ uboka eleksinaʾ ara, seleb gobdo ella ululum. Kristus ara ugunsamba bonaʾ garannya danyaʾ adya, ugunuk bonaʾ dub nimi dolulumaʾ aboka, alda dubnya bok bonaʾ garannya dok.

GALATIA 6:10

Anasa, pe unun salek ulumla dara, nunda yok nimi nidyaʾ ak pe unulumnemab bok, nauba so ara, neik yub ek dib senelemab nim ek pe unulumnemab.

EPESUS 4:28

Nimi hokaʾ dololenya bera, hoga donaʾ ara wera loblul. Alda bera alja yokaʾ nong ok anyeb, bonaʾ garan ulumak nim ek elegousululaʾ aboka, alja soruk yokaʾ edya perob wa welelul.

1 TIMOTIUS 5:10

Gelewa danara ban lebna yub enyek, wera youk gelewa henelumaʾ ara, pe welemla senewoka ella ulumeija dara, alja mabo pe bong-bong aboka weiboka nellilimlya dara, aljaʾ ek yalameija nimi perobaʾ leboka doro diyiwoka, yuba dolomak yok nim ek arawoka, unuruwaʾ garana ulusil nim ek arawoka, nidyaʾ perob wa nenyek dib ganya goluwoka bojam welemeija gelewa enyek, wera or youk gelewa henelumakanya, momnya dobnelum.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

TITUS 3:8

Ban lebna yub era hyak dib yuba. Nadya senelamnaʾ ara, ban seleb wenyhenya nenyek, yok nimi seleb Imik Neyung ak dib senelemak nimi nidyaʾ ara, perob wa nong enyek hyak duboka yeiriwoka welenokaʾ aboka, hyak nauba so pe neklemnesilim. Ban anaso unaʾ era, nimi nidyaʾ ak dara, perobaʾ ab perobnya neb danyek ulusil.

IBRANI 13:16

Anya arabdangoka pe ununaʾ ara, ban ununanya nenyek, Imik Neyung ara perob senelamlaʾ anasa, ugunda yok nim eb arabdangoka pe ununaʾ ara hileknenggom mem.

YAKOBUS 2:5

Nadya wanaʾ ulusin nim o! Ugunda banyek seiniwanalum. Sokok an bonaʾ garana ulumak nim era, yuba dib senenaʾ dub nim ulunokaʾ aboka, Imik Neyung adya weboka dolosil. Imik Neyung adya alak wanaʾ ulumak nim emba lesuk yuba sunuwoka, Imik Neyung alja mabo silibaʾ yokaʾ nenelesil.

1 PETRUS 3:11

Bera onoʾ malya unaʾ ak dara, mok geboka ululul. Hnonda anya, alda perobnya nenyek ok unululul. Nara yok nim ek ara heknaʾ ganya ok boboka ulumnamna senewoka duboka ululul.

1 YOHANES 3:17

Nimi ben hnon alda sokok an yokaʾ-yokaʾ ara pe nauba ululabok, alkabo ben hnon bonaʾ garan ulumlaʾ eilliladyok, aranaʾ loboka eil lolomla dara, ban unululanya bera, alda Imik Neyung ak wanaʾ ululanya bera an heneseng de?

3 YOHANES 1:11

Nadya wanaʾ ulunggenaʾ hem o! Anda meilinya nek hyak dilinaʾ ara mem nong. Alda anda perobnya nenyek dililelom. Perob unaʾ unulumak nim era, sikda Imik Neyung adyinya ulumak. Alda malya unaʾ unuro ulumak nim era, sikda Imik Neyung ak elgom ulumak nim era an.