1 TIMOTIUS 5:5 - PERJANJIAN BARU NALCA YUBA

⁵ Nimi hnon aranaʾ orokaʾ anyek albeyok ulumlya youk gel gera, Imik Neyung alak ok seiniwoka, yubyek inimnek pik arawonulul senewoka alak mololsinilamla.

1 TIMOTIUS 5:5 ပူးပေါင်းရင်းမြစ်များ

LUKAS 18:1

Ban nen wenyaboka lebgogowok dara, Yesus ara alja yuba doro diriga ban nang ek, sikda ganya mounduk-mounduk anaʾ loboka sobaʾ heng uboka mololenokaʾ aboka, yokaʾ ak sunuwoka neksuk.

LUKAS 18:7

Anasa wera, Imik Neyung ara alja mabo silibaʾ edya inimnek yubyek pik arawoka mala dobnesilim alamaknya nek ara, mala dobnenggunususo de? Imik Neyung adya sikenek sum enyek arawanasin aboka, gokgiga binimso de?

LUKAS 2:37

Anya, alda danera seleb you gel ulumookanya, wene salek era gibnaʾ denga winilya ebdobnya winilya lemok. Dara Wenelesilnya Imik Neyung bedya ek ara, inimnek yubyek pik moruwoka, Imik Neyung amba gwanenga meka denaʾ loboka molobsiniwoka ulumok.

RASUL 26:7

Wera al Imik Neyung adya perobaʾ eleganesin wenyamoknya nenyek dib senelamna amba, Yahudi nang era nak malya nenelenyak.

RASUL 6:1

Dara, wene salek era, Yesus yuba doro diriga ban nang era, onoʾ nauba danggiga balamok salek enyek, Yahudi nang bok Yunani yuba salamek nang edya, onoʾ Yahudi nang yokaʾ ak walamek. Yunani yuba salamek nang edya, nunja you gelewa era, bonaʾ yok nang ek ara nauba boklelum jok, ban you gelewa ek hnon donggulumak, aboka walamek.

RASUL 9:39

Dara, Petrus ben nong ak wenyaboka el byik dara, Petrus bera sekoka neikaʾ balamek ara, Yope heikek Dorkas ge somogomok ak beiyimek ek byik dara, Petrus bera alda imik ek sam e byik. Dara anyagan nenya seleb somogomok anasa or youwek ulumek gelewa nidyaʾ era, Petrus be sekel byuk enyek, aknel ganagal biniboka, Dorkas ge embengaʾ ulumok wenyek, sikenek wiboka elegesuk aklenga danyek aawoka, hyak nauba engewoka lelemek.

RASUL 9:41

Dara, Petrus bedya Dorkas gek soruk salawoka gliboka bukiyimok. Dara Petrus bera, anyagan ulumek munaʾ Imik Neyung mab eb, youwek salyaʾ ulumek gelewa eb yoululum aboka, Dorkas ge embengaʾ hweboka bukiyimok gel gera, wera anya e aboka sikenek elegesuk.

ROMA 1:12

Wera banedya, neikaʾ uwibyikanya, ugun pik uboka, ugunja yub ak dibaʾ dolum ganya eb, nadya dibaʾ domsa ganya eb, ugunub, nab neikaʾ ganya meebdanasibya.

ROMA 1:5

Dara al si pik ab uboka, nunda wanaʾ uboka eleksinaʾ ab, yuba lenaʾ gak wa dara, nidyaʾ yok-yok mok soko nim era yub ak ganya dib donaʾ pik uboka pe keboka, sikda alja si nek aldib senewanok aboka dobub.

1 KORINTUS 7:32

Nadya senelamnaʾ ara, ugunda okna ulusil ak ab loboka, pe ulululum senelesin. Gela oroknya bera, alda Wenelesilnya bek ganya hekellilinun senewoka, Wenelesilnya bedya perob senelelanya nenyek, ganya dib beiliwoka ulumla.

1 KORINTUS 7:34

Wera anadya alja ganya era, bokgokoka ulumla. Nenya donaʾ orok gel gek dara, alja senelamlaʾ ara, alja ganya nong ab dara, Wenelesilnya bedya dangoka ulunun senewoka, Wenelesilnya seinilamla ok geklewoka seiniro ulumla. Bok, nenya domna gel gera, nadya nenya edya perob senewonululaʾ aboka, ulumlaʾ anasa, alja ganya seinilamlaʾ ara, sokok anyebnya nok seiniro ulumla.

EPESUS 6:18

Dara, Imik Neyung Geisinya adya, ugun nonga bo ulusilaʾ adya, nidyaʾ salek enyek, yokaʾ-yokaʾ amba mololelulum. Dara, sobaʾ websiniwoka, munaʾ Imik Neyung mabo nidyaʾ amba bulugul lonaʾ loboka, mololsinilelulum.

PILIPI 4:6

Ugunda yokaʾ-yokaʾ hekaʾ huwanamab do senewoka ganya daldom-daldom anggom, mem. Yokaʾ-yokaʾ dobnob senewanalum dara, anyek Imik Neyung ak elegeisilom aboka sobaʾ mololelulum. Ugunja nunda anyek dobsibya senelelumaʾ anyek si sibuka, Imik Neyung ak perob aboka giblemunukanya, mololelulum.

1 TIMOTIUS 2:1

Hyak men youbuka ugunuk, molonaʾ ab, heng uboka lenaʾ ab, nauba yokaʾ-yokaʾ dib nong amba hnon, nimi nidyaʾ amba Imik Neyung ak perob aboka molowoka giblelulumaʾ aboka, ugunuk wenewoka moloweisin.

1 TIMOTIUS 5:16

Alda onoʾ seleb yuba dolomak nimi bok, sikja ek an youk gelewa ulumak dara, or sikja sikenek araweisinok. Nenera sikja dara, yuba dolomak nim edya nidyaʾ hiboka aralenok senewoka ubijek. Wera ban unuweija adya yuba dolomakaʾ gobdo nimi yilaʾ orok youk gelewa enyek, sikja hiboka or arawanamak.

1 TIMOTIUS 5:3

Sikbeyok munaʾ gobdo youk gelewa ulumak gelewa ek okoka aralalulum.

2 TIMOTIUS 1:3

Nadya neyung yab edya youmaʾ sikda ulumek sok, nadya mek ganya senenya lonaʾ adya, aralenanya Imik Neyung bek perob aboka giboka mololamna. Nara inimnek yubyek pik Imik Neyung ak molol yabenek ab dara, ugunuk hnon seiniwoka sob-sobaʾ mololesin.

1 PETRUS 3:5

Ban neneso ununaʾ enedya youmaʾ Imik Neyung amba munaʾ ulumek gelewa dara, Imik Neyung ak hnonok ganya dib beiliwoka, sikja nenyab edya yuba pe keboka unulumekaʾ adya perob neneldalamek.