1 TIMOTIUS 5:4 - PERJANJIAN BARU NALCA YUBA

⁴ Bok, sikja mab edya mab eb, sikja mabo yak gelewa era ulumeijibok dara, yuba dibaʾ dorob nim aboka, orokaʾ anaba nenyek, Imik Neyung ara perob senelesilaʾ anasa, ban unuwoka sikja neyung genong ak saawoka aralemnemakaʾ ara, men ganya olowoka ella danok.

1 TIMOTIUS 5:4 ပူးပေါင်းရင်းမြစ်များ

LUKAS 2:51

Wera alda, alja neyung genong ab neikaʾ Nazaret heikek byik. Dara Yesus ara sikjaʾ gangganek ab pe ulumok. Bok ban nidyaʾ unulumoknya nera, alja genong gera ganya lomok sam pe seiniwoka bo ulumok.

1 TIMOTIUS 2:3

Ban nenesa ok unuwoka mololomab dara, hyak pelemabaʾ ara an. Dara, nunja bleblesilnya Imik Neyung adya perob senelesilaʾ nong ara alan.

1 TIMOTIUS 5:16

Alda onoʾ seleb yuba dolomak nimi bok, sikja ek an youk gelewa ulumak dara, or sikja sikenek araweisinok. Nenera sikja dara, yuba dolomak nim edya nidyaʾ hiboka aralenok senewoka ubijek. Wera ban unuweija adya yuba dolomakaʾ gobdo nimi yilaʾ orok youk gelewa enyek, sikja hiboka or arawanamak.

TITUS 1:11

Ban wenyhen nim era, neknenggunuseng yub edya, nimi nauba nim e gebman malya nenelesakaʾ anasa, sikja sibamaʾ hyak lebnok. Sikda ban unulumaknya nera, anadya deknaʾ salyaʾ malya uboka dobnobaʾ aboka ulumak.