1 TIMOTIUS 5:25 - PERJANJIAN BARU NALCA YUBA

²⁵ Neik so, perob unaʾ ara hnonda laga an ulumla. Bok, hnonda wenera berra laga unggululabok, wera doknowoka ubnamenggom anasa, eimik laga danamla.

1 TIMOTIUS 5:25 ပူးပေါင်းရင်းမြစ်များ

MATIUS 5:16

Anasonya neikek, ugunja dilinaʾ era nimi yok nim edyaʾ hogung ek sam laga yeblelulum. Dara ban adya, nimi yok nim era ugunja pe unulumunaʾ anyek, eiyiboka pelemak aboka, ugunja neyung be imik heikek ululanya bek gigilemnemak.”

LUKAS 11:33

”Nimi ben hnon wesaʾ diniwoka beiyisodyok dara, onoʾ mek hmei lomok doronggoka pik ibnenggunumso. Alda laga diniwoka beibnyaʾ adya, nimi yanggeija nim era eibnokaʾ aboka, laga diniwoka beiyimnamso.

RASUL 10:22

Dara, sikja Petrus bek lebekja, ”Nunja neyung bera Imik Neyung ak lok ganya boboka ulumla dara, Yahudi nimi nidyaʾ ara alak dubnya senewoka alak perob aboka lelemaknya. Geisa Imik Neyung lero enedya, anja lelelamnya nenyek keblul aboka, Simon Petrus anja ek youlul aboka youblom aboka orugomok,” hyek.

RASUL 22:12

”Wera Damsyik heikek ara nimi si Ananias bera hnon ulumok. Alda hyak perobnya uboka, Musa bedya unuwanalum an yub ek pe unuwoka ulumoknya ulumok. Nimi Yahudi nang nidyaʾ Damsyik heikek ulumek nang era, Ananias bek hyak perobnya senewoka ulumek.

RASUL 9:36

Dara onoʾ Yope heikek ara gel hnon, alja si nera Tabita gek ulumok. Dara, alda Yesus ak dib senewoka domok gel ulumok. (Alja si nera Yunani yub adya dara, Dorkas alamek, nera nunja yub era bei busaʾ pam alamab.) Dara, gel gera perobnya nok unuwoka, bonaʾ garan ulumna nim ek arawoka ulusuk.

PILIPI 1:11

Dara, ugunja nong unaʾ enyek, perob unaʾ adya ok, Yesus Kristus adya pe deknelesilya dara, wera Imik Neyung si ak imik nenewoka, alak sobaʾ giblemnemak.

1 TIMOTIUS 3:7

Ban benera, alja si nenera perob deng ok ululul anaʾ orok dara, nim adya alak meilinya seneweijikanya, alda bisaʾ dubnya bedya heng wel loblamlyaʾ ak obenggalyek anasa, alda pe ululenya benyek beibnok.

WAHYU 14:13

Wera an seleb dara, imik heik ab hnon lebokaʾ ak kebsenya nera, ”Banyek nidyaʾ momnya dobnelam: Wenyok ab mouruwoka, sik Wenelesilnya lomok uboka somoganamak nim era, pe ulumnamak!” aboka lebok. Dara, Imik Neyung Geisinya ara, ”Aldib!” hyok. Hnonda, ”Sikja igina berewoka welemeknya nera, jakmanaʾ danamlakanya, sikja welemekaʾ amba dara, deknaʾ dobnemak,” wenyaboka lebok.