1 TIMOTIUS 5:21 - PERJANJIAN BARU NALCA YUBA

²¹ Nunda Imik Neyung hogung ak ab, Yesus Kristus hogung ak ab, weboka dosuk im lero nang hogung ak sam ulumabakanya, nadya nidyaʾ unuwalom aboka oruklenggenya nera, pe unuwalom aboka orugagen. Nenera na nimi yilaʾ gom, nenera perob lok so nimi gom, senewoka dolbalek asaʾ mek so ununggom. Alda al nidyaʾ nim ek neik so perob ok unululom.

1 TIMOTIUS 5:21 ပူးပေါင်းရင်းမြစ်များ

MATIUS 16:27

Duboka mandenaʾ loboka, nimi dibaʾ me neb, alja lero nang eb, alja neyung bedya nong senedyaʾ pik uboka yanamak. Ban sum enyek, nimi nidyaʾ sikja unulumekaʾ sunuwoka yok-yok deknesil.

MATIUS 25:41

”Dara onoʾ alja waneng ek sam nim ek lebnamlaʾ ara, Ugunda hyak malya unaʾ hwam nim o, anyaganyebaʾ ara men bindowoululum! Hyak mekaʾ sarangganggunumla uk ek sam, Iblis ab alja lero nang emba aboka orowek beibuk ak bululum!

MATIUS 28:20

Dara, nadya ugunuk wenyaboka neksisa yuba nidyaʾ ara, sikbabya boboka unulunokaʾ aboka neklemnelum. Anya, nara ugunuk sobaʾ arawoka ulusinyaʾ moruwoka, soko sidyaʾ daknamla ak dangal binimla,” wenyaboka nekgogowousuk.

LUKAS 20:21

Wenyaboka deknaʾ dekesik nang edya Yesus ak, ”Neklesilimnya o, neyung anja lelesilimaʾ ab, neklesilimaʾ ab dara, hyak dib nongaʾ ak lelelam. Anda nimi nidyaʾ lek senesinaʾ loboka, perobaʾ lelesilimaʾ anasa, Imik Neyung adya nim ek anaso unuwaseng senelamlaʾ anyek laga poboka neklesilimaʾ ara, ella ulumab.

LUKAS 9:26

Nimi ben hnon nadya lelemna yub eb, nasamba danyek laga lenaʾ ara alya anasa lolonelnya bera, nimi dibaʾ me yanamla sum era, Imik Neyung Wenelesilnya bedya migib eb, geisa ulumak lero nang eb senenggomaʾ yanamak sum era, nababya alya anasa, benyek albabya alja si laga lenaʾ lobnamna.

2 KORINTUS 5:16

Ban nenesa leboka, nunda nim ek ella ubnesin aboka, nimi ganya seinilemak sok sununggulumab. Aldib men dara, Kristus amba nimi ganya seininaʾ ak pik uboka sunulumouba bok, wenyek dara, alak anaso sunuwoka seininggulumab.

1 TESALONIKA 5:27

Wenelesilnya si sibuka, ban momnya enera na kabo nimi nidyaʾ kebnokaʾ aboka, siksamba einiwolulumaʾ aboka orugeisin.

1 TIMOTIUS 6:13

Nidyaʾ yokaʾ-yokaʾ embengaʾ eleklesilnya, Imik Neyung hogung ak uboka, youmaʾ Pontus Pilatus be saramek sekoka pe laga nekemoknya Yesus Kristus hogung ak ulumabakanya, ban nidyaʾ ara anak orugenggen.

2 TIMOTIUS 2:14

Ban nidyaʾ lebnanya nera, nim ek pe unululum aboka wenewoka bekellilisilom. Anya onoʾ, Imik Neyung saramek sam ab, mek yok-yok seininaʾ ok adya waldalamaknya nera, mem aboka wenelesilom. Nera perobaʾ nenenggulusil, alda kelemak nimi ganya malya nenelesilaʾ ok.

2 TIMOTIUS 4:1

Yesus Kristus ara sokok an eikaʾ ulumak nimi hnon, somoklomak nimi hnon, yana lelewosununaʾ aboka yanamla. Dara, alda laga danamlakanya, alda dubnya dangoka wenelemnesilnya nenesa leboka, Imik Neyung saramek sam hnon, Yesus Kristus saramek hnon, ban nenyek unululomaʾ aboka molowagenaʾ ara,

YAKOBUS 3:17

Bok imik heikek ab yalamla geremseng unaʾ era, men nong ara alda geisa ganya boboka ulumla, anya onoʾ yok nim ek heknaʾ ganya boboka ulumlakanya, hekom aboka, pe yuba kebdangoka ulumla. Alda angoo yadyek senewoka arawoka, perobnya nok pe unuro balamla. Alda sene or-or unaʾ loboka hnonok ok sam ok ganya kwenggulumla.

2 PETRUS 2:4

Malya lero nang dara, hyak gunaʾ serewora alamla gwerenek sam beiyisukaʾ ara yana lelewanasil sum doboka yana lelewanasil. Sikda malya ulumak dara, Imik Neyung adya obnamlaʾ ak ab salyaʾ blebnenggubsuk.

YUDAS 1:6

Hnonda, Imik Neyung ara lero nang sikja webneseng wa wiknebaʾ era ella umekjok, onoʾ sik ulumekaʾ abaʾ ara, hnon lo yibilemek dara, busaʾ heng adya geregoka, hyak gunaʾ lomok sam dibaʾ beibsukaʾ ara, eimik senenggom sum era yana lelewoka obnesil.

WAHYU 14:10

Imik Neyung adya yu sen-sen anaʾ ara, seleb orowek beiyimlyaʾ anyek, hnon mekaʾ namenaʾ nenenaʾ orok anyek, dobnemak! Ban dobnemak nim era, geisa lero nang ab, ban domba me ab, sikja saramek sam, uk mek adya birim-birim aboka singilamlyaʾ lomok, lobaʾ nenewoka gweklemnemak.